|
قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2014-05-25, 21:01 | رقم المشاركة : 1 | ||||
|
زوجي يريد طردي
السلام عليكم و رحمة الله ,,,راني في حيرة كبيرة و مالقيتش ليمن نشكي ارجو أن يتسع صدركم لقراءة مشكلتي
أنا متزوجة منذ حوالي شهرين,, الحمد لله أنا انسانة مثقفة و متدينة و خاطيني المشاكل بكل أنواعها حتى اني غالبا ما نسبل في حقي تفاديا للصراعات و لعل هذه هي مشكلتي ,,, أنا ساكنة مع أهل زوجي في بيت واحد و الأمور بيني و بينهم على ما يرام الحمد لله مشكلتي أنهم جد متعلقون بابنهم صدقوني لا أبالغ لو قلت أنهم يتحكمون في كل صغيرة و كبيرة في حياته و حياتي أنا أيضا ... كلش هوما لي ينضموه واش نطيب واش يلبس زوجي واش نهدرو داخلين فيه ايضا ,, حتى غرفتي مستباحة دخولا و خروجا صدقوني مارانيش على راحتي إطلاقا ,,, مارانيش حاسة نفسي زوجة لذلك الرجل ,, لا اطالب بمسكن مستقل أردت فقط مساحة خاصة من حياته أكون أنا الملكة فيها ... أليس هذا حقا مشروعا لكل زوجة ؟؟؟ اليوم صباحا حاولت أن أخبره بهدوء أنني في حاجة لأن أحس أنني زوجته و لو في أبسط التفاصيل كأن أختار له ملابسه ( و الله صدقوني أحلامي بسيطة جدا) أتدرون ماذا فعل ؟؟؟؟؟ ثار ثورة كبيرة و قل لي بالحرف ( انتي وصلتي عائلتي ,, ماعجبكش الحال روحي لداركم ما نحتاجكش هنا ) كي حاولت نفهمو بلي ما قصدتش وش فهم ضربني و قالي ضرك السي ملابسك و اخرجي من داري هذا كامل و أهلو يسمعو لولا تدخلهم كان خرجني ,,, أنا في حال لا يعلمها إلا الله ,,, وش الجريمة لي درتها ؟؟اذا راني غالطة قولولي واذا راني صحيحة فهموني كيفاه نتصرف معاه ؟؟كرامتي مجروحة منو مارانيش حاملة روحي و حاسة روحي وحيدة دون سند لأنه ثار لأهله على حسابي ماحاولش حتى يطمني و لا يقول معليش راهي جديدة في البيت نأخذ بخاطرها حتى بكلمة خاصة أنني ماتطاولتش على أهله اطلاقا و هوما شاهدين بذلك ,,, فقط عبرتله على أمر حاسة بيه ,,,وهو لي نطقني قعد يسأل فيا وش بيك مقلقة قوليلي و ماتخافي من والو... و في النهاية اراد طردي من بيته بالاك راني غالطة جل من لا يسهو ,, وريولي الصح راني متقبلة جميع الاراء ماتبخلوش عليا راني في أمس الحاجة
|
||||
2014-05-26, 09:48 | رقم المشاركة : 2 | |||
|
السلام عليكم اختي عندك شهرين زواج برك دربك ا حب اخرجك لازم تخبري والي امرك وحكلوا بلي ضربك بدون سبب ليضع له حد نصحتي قربي رجلك ليك غير بشوية راهو عندكم غير شهرين ميقدرش يتبدل بين يوم وليلة اكسبي العائلة تعوا الله يهديه ولكن متسكتيش خبري اهلك ا حلها بهدوء |
|||
2014-05-26, 10:04 | رقم المشاركة : 3 | |||
|
ربي يكون معاك وانا ننصحك بالصبر ثم الصبر ثم الصبر كل دار فيها المشاكل خاصة العام الاول |
|||
2014-05-26, 11:41 | رقم المشاركة : 4 | |||
|
زوجك باين فيه مايحبكش وحاب يطردك بسبب او بدونه
ولله يا اختي الغلطة تاعكوم من البداية تتسرعون بقبول العريس والمهم عندكن الزواج ولو بالعيش مع اهلو وماتفكروش في المستقبل وبعدين تصطدمن بالمشاكل الاسرية او تشتغلن شغالات عند اخوات الزوج ثانيا الزوج لي يحب يطرد زوجتو ويهينها امام اهلو فهو ليس برجل وانت زوجة جديدة 2 شهرين فكيف ستعيشين مع الانسان لسنوات اخرى ؟ حبيت نقلك كلام اخر ومبعد بطلت لكان قادرة تصبري اصبري لانك لو ستتطلقين الان بعد شهرين زواج ستاكلك الالسن والشائعات وسيتهمونك حتى في شرفك ويقولو زوجها طردها لانه وجدها !!!!! مجتمعنا المتخلف وتعرفيه |
|||
2014-05-26, 11:47 | رقم المشاركة : 5 | |||
|
لست مخطئة ارى ان تذهبي حالا لاهلك حتى تنظمي افكارك لا سيما انك عروس جديدة هذا كخطوة اولى لان الامر وصل للضرب واذا تعود مد يده لك الامر يتعقد مستقبلا ،،الخطوة الثانية انت اخطات بمفاتحته صباحا لكن الخطا الاكبر كان لزاما عليك وضع حدود منذ البداية كيف يمكن لهم الدخول للغرفة الوحيدة التي تتشاركاني فيها هذا خطؤك يا اختي تقولين انك مثقفة اسمحيلي اختي اين الثقافة وعلمك لازم تطبقيها في حياتك النظام وكل شيئ لازم يكون واضح الحدود بينك وينهم ،،،ولا زم تتعلمي شيئ قيمة المرء مبادؤه التي هي حدود لا يتعداه احد |
|||
2014-05-26, 11:47 | رقم المشاركة : 6 | |||
|
هذا ماشي راجل ... حب يبين لأهله أنه رغم الزواج المرأة انتاعو ما اثرتش عليه لأنه عموما اي واحد مقيل على الزواج عنده الفكرة انتاع تأثير الزوجة على الزوج |
|||
2014-05-26, 11:51 | رقم المشاركة : 7 | ||||
|
اقتباس:
|
||||
2014-05-26, 11:53 | رقم المشاركة : 8 | |||
|
هذه هي مشاكل سنة أولى زواج
************** كرامتك هي ان تبقي في بيتك مع زوجك و ليس بالذهاب عند اهلك و الضرب له حل ************* الراجل اكيد يفضل اهله عليك لان الزوجة موجودة و الاهل لا يعوضون لهذا لا تضعي نفسك في موضع مقارنة مع اهله يحب اهله بطريقة و انت يحبك بطريقة أخرى، لا تضعي نفسك في موضع مقارنة لانه لو قلتي له اختار بيني و بين اهلي راح يختار اهله و أكيد المرأة مش رايحة تسمح لزوجها يُسَاومُها على اهلها ************* انت ركزي و شوفي ميلح واش اهله لا يتدخلون فيه و ابداي من هذه النقطة ركزي مليح و ماتقوليش ماكنش ************ و على الغرفة لازم لازم لازم تحطي حد للعائلة حتى واحد يدخلها الا اذا طرق الباب هذه خصوصيتك و باش تقدري ترضي زوجك و تمتعينه و تتمتعي حتى لما تكوني في الغرفة معاه اقفلي الباب بالمفتاح كوني شجاعة و لا تخافي من المشاكل لانك على حق ***************** أعرف ان هذا القسم من أجل حفظ الخصوصية و عدم معرفة اسم العضو و لكن لدي كلام أكثر لا يمكنني كتابته هنا اذا اردت الكلام معي ارسلي رسالة خاصة سلامي |
|||
2014-05-26, 11:57 | رقم المشاركة : 9 | |||
|
بعدما قرأت المشكلة الردود الكل اصبح موافقا لما قالت |
|||
2014-05-26, 12:31 | رقم المشاركة : 10 | |||
|
ربي يكون في عونك اختي هدا ما نقدر نقولك |
|||
2014-05-26, 17:30 | رقم المشاركة : 11 | |||
|
لست مخطئة اختي ولكن لو صبرت قليلا وكسبت زوجك بحسن المعاملة وربما هذه معاملة اهله له من قبل الزواج صعب ان تتغير بين يوم |
|||
2014-05-26, 17:33 | رقم المشاركة : 12 | |||
|
اختي الغالية...قد يكون زوجك قد اخطا بعدم تفهمك وتمادى بالتفكبر بطردك.......................لكنه اول خطا.............واول سوء تفاهم........................لاتهدم البيوت من اول خطا....................عليك بالصبر.....فالبصبر دامت كل البيوت. |
|||
2014-05-26, 18:24 | رقم المشاركة : 13 | |||
|
يا اختي ربي يعينك اما بالنسبة للغرفة فلازم تضعي حد لهذا لاني على تجربة ويجب ان تخبريهم بان يدقو الباب قبل الدخول وانا هذا عيب حتى ولو انبوك لا تردي عليهم واخبريهم هذا بطريقة ما يعني ان تحكي لهم قصةعن امرءة دخل عليها طفل اواخ الزوج او اي احد ووجدها في موقف غير جيد فماذا تفعل اذا فهمو فهمو واذا مفهموش اخرجيلهم فيها وخلاص |
|||
2014-05-26, 18:36 | رقم المشاركة : 14 | ||||
|
اقتباس:
انا معك مئة بالمئة يسلم هذا الفم اخي والله عيب عليهم معلابالهمش واش كاين بداو يلعبو براس المرا انا من رايي تشوف واش كاين بالاك مقلق والزواج هدا هو فيه فيه مشاكل شوي صبر ولازم عليك تصلي وتدعي ربي اسهلك حبيبتي نوضو الفجر في وقتو وصلي ركعتين دايما زيادة وادعي فيهم ربي اسهللكم |
||||
2014-05-26, 19:09 | رقم المشاركة : 15 | |||
|
للاسف هناك اسر كثيرة تعاني من هذا الشىء حبيبتي |
|||
الكلمات الدلالية (Tags) |
محاولة, يريد, زوجي, طردي |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc