من يريد للاستفسار عن dca الاغواط انا اجيبه عن هده المدرسة

[fouad_bio1985]

المشاركة الأصلية كتبت بواسطة nani matrix

انا جاتني لوردبال في الاغواط في 22 مارس وحبيت ندير دوسي كفالة اريد ان تنصحني بما يخدم الملف واذا كاين حاجة اخرى نقدر نديرها خبرني مثلا ددوسي انتاع مرض عندي ركبتي توجعني لو كان نطول واش نجيبلهم راديو ولا شهادة طبية وشكرا

الكفالة اديها معاك أخي اذا كان هناك فائض ..ستخرج بالكفالة باذن الله.
أما على الملف الطبي لازم تدي راديو على الاقل (سكانير ) + الشهادة الطبية من عند طبيب مختص .
و ان شاء الله فيها خير

[amine eco]

شكرا فؤاد على افادة بارك الله فيك المهم السيد لي نعرفو قرر يروح في 25 واش رايك وملف طبي فيه مشكل انه راديوات عندو واحد يبين انو مريض اما راديوات لتي لا تثب المرض ماش راح يدها واش رايك ؟؟

[papatika]

lilia rose
مكنلاه تقلقي روحك نشالله يكون بخير راه يكون بخير عليه في المدرسة
المدرسة ليست كثكنة فيها أطباء وعيادة يعني تقدري تطمني عليه بزيادة راه مع لولاد راه كاين ولاد فاميلة الحمدى لله أما بالنسبة لمرضى السكري والدين يتعاطون الانسولين هم الأوائل الدين يتم تسريحهم من المدرسة أي يرجعلك بعد 7 ايام كأقصى مدة إدا لم يتم إطلاقه بعد أيام لأنهم ميشدوهمش بزاف كيما الامراض الأخرى ونشالله يكون بخير و دعليه ربي يسهله ويسهل لينا معاه

[papatika]

أخي أولا ربي يشافيك
ثانيا مرض بهجت هو مرض نادر ويوجب الإعفاء أي بمجرد انه يرى جسمك سوف يتم إعفائك أو إرسالك إلى مستشفى عسكري غدا كانت رتبتك ظابط لتقوم بالفحص وفي أغلب الاحيان يرجع المرضى بالإعفاء الله يشافيك أخي
ومتنساناش بالدعاء حنا كدلك

[lilia rose]

ياربي انت المجيب وانا المضطر لرحمتك ولعفوك فارحم حالي واربط على قلبي واغسل هموما اوجعتني

بماء اليقين والصبر الجميل ..والفرج القريب ياغفور ياودود ..ياودود ..ياودود ..انك على كل شيء قدير

لااله الا انت سبحانك اني كنت من الظالمين استغفرك ربي واتوب اليك ..


جزاكم الله خير الجزاء يا أولادي ورفع قدركم في الارض وفي السماء ..واجاب لكم الدعاء وطيب لكم كل قضاء ..

وجعلكم من اهل السعداء ..في دار الفناء وفي دار البقاء ..

ااامين

[fouad_bio1985]

المشاركة الأصلية كتبت بواسطة amine eco

شكرا فؤاد على افادة بارك الله فيك المهم السيد لي نعرفو قرر يروح في 25 واش رايك وملف طبي فيه مشكل انه راديوات عندو واحد يبين انو مريض اما راديوات لتي لا تثب المرض ماش راح يدها واش رايك ؟؟

أخي اذا كان راديو سكانير و كان جديد . فلا يعيدونه.
أما اذا كان راديو الاشعة فحتما سيعيدونه...و ذلك للتأكد.

[amine eco]

المشاركة الأصلية كتبت بواسطة fouad_bio1985

أخي اذا كان راديو سكانير و كان جديد . فلا يعيدونه.
أما اذا كان راديو الاشعة فحتما سيعيدونه...و ذلك للتأكد.

يااخي فؤاد يبدو انك لم تفهم قصده هو يستفسر على راديو واحد يثبت المرض مدعم بشهادة من طبيب للمرض مزمن
هل راديو واحد يكفي
للعلم ان راديوات الاخرى تثبت انه تعافى هل يؤخذها معه ؟؟

[fouad_bio1985]

المشاركة الأصلية كتبت بواسطة amine eco

يااخي فؤاد يبدو انك لم تفهم قصده هو يستفسر على راديو واحد يثبت المرض مدعم بشهادة من طبيب للمرض مزمن
هل راديو واحد يكفي
للعلم ان راديوات الاخرى تثبت انه تعافى هل يؤخذها معه ؟؟

نعم أخي أمين...راديو واحد يكفي اللي فيه المرض...و اذا كان لديه أكثر من راديو اللي فيهم المرض يديهم معاه كامل.
و يستطيع ايضا ان يأخذ معه الراديوات الاخرين للاحتياط طبعا...اذا طلبهم منوا الطبيب يجبدهم و اذا لم يطلبهم.....ماكان لاه .

[lilia rose]

.................................................. .................................................. .................................................. .................................................. ..

[amine eco]

يا اختي الثكنة تاع افلو ليس التي تتحدثين عنها لانها خاصة بضباط صف
وتوجد dca خاص بضباط و ظباط الصف
انشاء الله يرجع بخير اذا كان مرسض بالسكر يخرج 100%

[lilia rose]

.................................................. .................................................. .................................................. .................................................. ......................................

[منير265]

المشاركة الأصلية كتبت بواسطة lilia rose

نعم أعلم أنها ليست نفسها ولكن أنا أبحث قي كا ما له علاقة ب الاغواط و أفلو حتى أني بحثت عنها في (google earth ) لعلي أشتم رائحة إبني. حتى أني هجرت قسم الانشغالات التربوية و قسم المطبخ وأصبحت مدمنة على قسم مستخدمي النظام العسكري و الخدمة الوطنية.عفوا

ربي يعينك و يصبرك على وليدك و يصبر كل الشباب و الأمهاااات

أنا ناوي نهار 25 مارس كي نجي رايح ما نقابلش يما على الاطلاق ... على بالي فراقها صعب صعب صعب ...

و ربي يصبرها ثاني علينا يااااااااااارب و يصبر كل الأمهااات

ادعولنا يا جماعة الخييير :'(

[ahmedsig]

المشاركة الأصلية كتبت بواسطة papatika

أخي أولا ربي يشافيك
ثانيا مرض بهجت هو مرض نادر ويوجب الإعفاء أي بمجرد انه يرى جسمك سوف يتم إعفائك أو إرسالك إلى مستشفى عسكري غدا كانت رتبتك ظابط لتقوم بالفحص وفي أغلب الاحيان يرجع المرضى بالإعفاء الله يشافيك أخي
ومتنساناش بالدعاء حنا كدلك

بارك الله فيك و ربي يوفقك ان شاء الله

[abdou cif]

السلام عليكم اخوتي الكرام
انا اليوم وصلني ordre d'appel طالب صف ضابط الى المدرسة التطبيقية للدفاع المضاد للطيران الاغواط الالتحاق يكون يوم 15/01/2015انا من ولاية سكيكدة . اريد ان اعرف هل يمكن اعفائي لاني عندي قصر كبير في النظر و عندي النظارات الطبية و بعض الوصفات الطبية لدرت بيهم النظارات الطبية و هل نروح في الموعد و لا ندير تاخير و بارك الله فيكم اي واحد يقدر يتاصل بيا

[serza]

المشاركة الأصلية كتبت بواسطة abdou cif

السلام عليكم اخوتي الكرام
انا اليوم وصلني ordre d'appel طالب صف ضابط الى المدرسة التطبيقية للدفاع المضاد للطيران الاغواط الالتحاق يكون يوم 15/01/2015انا من ولاية سكيكدة . اريد ان اعرف هل يمكن اعفائي لاني عندي قصر كبير في النظر و عندي النظارات الطبية و بعض الوصفات الطبية لدرت بيهم النظارات الطبية و هل نروح في الموعد و لا ندير تاخير و بارك الله فيكم اي واحد يقدر يتاصل بيا

متشريفين اخينا ان ثاني من سكيكدة ، انا كنت فيها وخرجت بالاعفاء والحمد لله. بالنسبة لهده المدرسة فانها مليحة بزاف من حيت المعاملة ، والتدراب فيها مش مزير ، والبورتابل مسموح ، اضافة الادلك هده الثكنة يفوتوا فيها الخدمة الوطنية : الضباط والسراجن "
حبيت نسقسيك انت قريت في الجامعة ولا ماقريتش ، الاقريت في الجامعة تقدر تصحح الدبلوم ويبعتوك ضابط بدل صف ضابط
، اداكان هناك فائض في الثكنة فان حظوظك في الخروج كبيرة جدا
قلت بلي عندك نقص في النظر واش نقولك الا عند ك من قبل لي زوردونوس انتع الطبييب لي تفوت عندو اديهم معاك / وزيد روح درك لعند طبييب اختصاصي في العيون يخدملك شهادة طبيية بلي عينيك ناقصين ويكتبلك في هده الشهادة تقرير مفصل على عينيك ، المهم
وديهم معاك للثكنة،
اولا لما تدخل الثكنة ايحين يسجلوك ومبعد تفوت على الطبييب ادا كتبلك الطبييب مقبول تستنى حتى ييجندوكوادا كتبلك غير مقبول راح تستنى على الاقل اسبوع تم تخرج بالاعفاء هدا بالنسبة ضباط صف ، اما الضباط فاعكس رايحين يبعتوا جماعة الملفات الطبية الا ورقلة للقيام بفحص مضاد هناك
واش نقول يااخي الا حبيت تعرف اكتر عن هده الثكنة راجع المواضيع السابقة لي كتبتها من قبل
وبالتوفيق وان شاء الله تدي الاعفاء