رايحة نهبل

[مشكلتي]

5

"]السلام عليكم............صح عيدكم
والله لرايحة نهبل من ماما ..ولات تحسسني أني راني مثقلة عليها ...تكون مليحة بصح كثرة الكلام والآراء من قبل الخالات خلاها تخمم بزاف... يادرا مابان والو معنتها الزواج ..ومين تتكلم معاها تزيد تعمر لها راسها بالهدرة ودخللها الشك في راسها معنتها بالاك كاين حاجة راهي تعرقل زواجها او السبة في التبطال الزواج...وهو كلشي مكتوب الله.............حتى ولينا نكرهو مين تعيط خالتي لماما ..
وقبل رمضان تاني صرات وحد الحادثة ...جات عندنا خالتي أخرى وبدات تتكلم مع ماما على الزواج وسبب تعطيله...جات عندي وقالتلي ارواحي تروحي معايا تبدلي شوية قبل مايجي رمضان لأنها تسكن في ولاية اخرى ساحلية ..قلنا صح وهي راهي متفاهمة مع ماما...رحت معاها ..وفي الطريق قالتلي حابة نديرك حاجة تع حلال باه تبخري بيها وقالتلي أن بنتها دارتها بعد ماكان عندها مشكل في عرقلة زواجها وربي سهللها...معنتها تشريلي وحد الصوالح نبخر بيهم واذا كانت اي عمل يعيق زواجي يروح ...قلنا ماعليش وفي ذلك اليوم بخرتني خالتي ..انا درت النية وهذا ليش جهل لأنني متعلمة والحمد لله وثقتي بالله كبيرة بصح المشكل في ماما خفت اذا مادرت ومابخرتش رح تزعف مني ..راكم عارفين الام تحب تفرح ببناتها.........ساعفت خالتي ودرت عليها بصح تنارفيت منها على خاطر في الغذ عاودت راحت عند العطار الي شرات عنده الصوالح الي بخرتني بيهم وبدات تحكي معاه بسرية بلا مانسمع..واعطاها امور اخرى نعملهم...واحنا راجعين سألتها عن الحديث الي دار بيناتهم تقولي قالي ان هذه الفتاة راهم دايرينلها عمل باه يعطللها زواجه...لاني تاني نخطبت مرتين وربي ماكملتش ناهيك عن الخطاب الكثر الذين تقدموا الي على و انا نقول مكتوب الله سبحانه........
العطار اعطاها حجاب باه نديره...مكتوب فيه اسمي قالتلي ديريه باه ربي يفتح عليك ...........انا تمة حبست وقلتلها قولتيلي بخري قلنا ماعليش بصح باه نعلق حجاب هاذي قاع ماتصراش ...وانا عمري ولا اتبعت هذا الطريق...والله لحسيت روحي خرت عن طريق ربي سبحانه واني وليت جاهلة ...ماما تعرفني بلي مانحبش هاذو الامور على بيها كلفت خالتي بالمهمة.......وزيد سقستني على الحجاب اذا راني معلقاته وطلبت مني وترجتني نديره...انا باه مانغيضاه كذبت عليها وقلتلها رح نديره.........والله لهبلت من هذا المشكل ما بغاوش يفهموا بلي هذي مكاتيب الله سبحان.......ماما تكون مليحة مليحة بصح مين تروح عند امها او خواتاتها يعمرولها راسها بكثرة الشك ...

[/center][/size]

[خالد عنابي2]

هذا عطار ام دجال ؟

اما الكتاب والحجاب فهذه شركيات وكل من اثبت سببا لم يرد في الكتاب والسنة والسيرة فهي بدعة وشرك بالله عز وجل

لا تصدقيهم ولا تسمعي لتراهاتهم واحرصي على الصلاة في وقتها والدعاء لله عز وجل

[baalache]

اختي هده دعوة الشر نيشان لوكان تتزوجي يعذب ربي ما تبعيهمش هادو هبلوا باغي يدخلوا في غيب الله ولا ما كتبلكش الزواج هدا قاع كي ولا البخور هو الي يزوج نروح انا تاني نبخر وصاي واش هد الخزعبلات

[baalache]

بصح انا نلومك انت انت قارية تبعي في .......الجهل

[خالد عنابي2]

المشاركة الأصلية كتبت بواسطة baalache

بصح انا نلومك انت انت قارية تبعي في .......الجهل

يرجى اعادة قرائة الموضوع جيدا وفهم الموقف قبل فتح النار

[baalache]

يا اخي انا الومها واش من النار هده الي راك تحكي عليها

[yassefe]

خير الخطائوون التوابون وشكرا

[~~ أغيلاس ~~]

السلام عليكم؛

هذا ليس عطارا و إنما ساحر سحّار، بعض العطّارين هم في الحقيقة سحرة،

و السحر كفر و شرك،

أمسكي لحجاب و افسخيه و ابحثي في غوغل عن كيفية فسخه، تجدين بعض الطرق في اليوتيوب لتمائم و حجابات حقيقية يفسخها بعض المشايخ.

[بنت الرّحّل]

4شوّال 1436 من الهجرة النبوية

المشاركة الأصلية كتبت بواسطة ~~ أغيلاس ~~

السلام عليكم؛



و ساهل؛ جيبي قماش و اخدمي حجاب تمثيلي يشبه حجاب خالتك و قوليلهم هاهو راهو معلق،

.

السلام عليكم ورحمة الله وبركاته
المعذرة - أخي الكريم -الأمر ليس سهلا أبدا في الأمور الشركية حتى ولو مجرد خدعة أو مزحة لأنه وإن كان لإرضاء الوالدة فهو شيء يغضب الرب سبحانه ولو كان بدون إعتقاد
فأمها تعتقد فيه بأنه ينفع ويضر وهي ستقع في التشبه بمن تلبّس بشرك وقد نهى الإسلام عن هذا

أما -الأخت الفاضلة- فأقول لك إن كنت تعتقدين أن ذلك مقدر من الله سبحانه فعليك أن تقنعي أمك بذلك وأن تجتهدي في نصيحتها
وأخبريها أن دعاء الأم ورضاها أحب إلى الله سبحانه من هذه الأمور
ولك في الأنبياء أسوة حسنة فكان أحدهم يجتهد في دعوة أبيه وابنه فلا تتهاوني في مثل هذه الأشياء ولو كانت بخورا أو عطورا فإنها قد يكون حكمها نفس حكم الأحجبة ولا فرق بينهما

وعليك أن تتيقني أن مصيبة الدنيا تهون لكن المصيبة في الدين مصيبةعظيمة جدا : فاللهم لا تجعل مصيبتنا في ديننا !
وكيف يلقى العبد ربه وهو يعتقد أن قطعة حجرأو رقعة قماش أو رائحة بخور تنفع وتضر من دون الله الذي خلق السّموات والأرضين وما بينهنّ !

وتعلّمي من سيرة أبينا إبراهيم - عليه الصّلاة والسلام - إمام الحنفاء ومن خطابه اللين العطوف المتأدب والمشفق على والده ((وَاذْكُرْ فِي الْكِتَابِ إِبْرَاهِيمَ إِنَّهُ كَانَ صِدِّيقًا نَبِيًّا (*) إِذْ قَالَ لِأَبِيهِ يَا أَبَتِ لِمَ تَعْبُدُ مَا لَا يَسْمَعُ وَلَا يُبْصِرُ وَلَا يُغْنِي عَنْكَ شَيْئًا (*) يَا أَبَتِ إِنِّي قَدْ جَاءَنِي مِنَ الْعِلْمِ مَا لَمْ يَأْتِكَ فَاتَّبِعْنِي أَهْدِكَ صِرَاطًا سَوِيًّا (*) يَا أَبَتِ لَا تَعْبُدِ الشَّيْطَانَ إِنَّ الشَّيْطَانَ كَانَ لِلرَّحْمَنِ عَصِيًّا (*) يَا أَبَتِ إِنِّي أَخَافُ أَنْ يَمَسَّكَ عَذَابٌ مِنَ الرَّحْمَنِ فَتَكُونَ لِلشَّيْطَانِ وَلِيًّا ))

وظيفتك هي هذه أخية وهذا هو واجبك فلست تدرين لعل الله أخر زواجك وفتح لك هذا الباب العظيم ليجزيك خير الجزاء !

والتأخر في الزواج يؤثر على نفسية المرأة ولو بدون مشاكل أخرى فكيف يكون الحال مع شماتة الشامتين وشفقة المشفقين وانكسار الوالدين فلاشك أن العبء يكون أكبر فأعانك الله وفتح عليك وهدى أمّك وخالاتك إلى ما يحب ويرضى
أتمنّى لك التّوفيق

[~~ أغيلاس ~~]

المشاركة الأصلية كتبت بواسطة بنت الرّحّل

4شوّال 1436 من الهجرة النبوية

السلام عليكم ورحمة الله وبركاته
المعذرة - أخي الكريم -الأمر ليس سهلا أبدا في الأمور الشركية حتى ولو مجرد خدعة أو مزحة لأنه وإن كان لإرضاء الوالدة فهو شيء يغضب الرب سبحانه ولو كان بدون إعتقاد
فأمها تعتقد فيه بأنه ينفع ويضر وهي ستقع في التشبه بمن تلبّس بشرك وقد نهى الإسلام عن هذا

كالعادة أختي الكريمة، أصبت بكلامك، و أشكرك فأنت و أمثاللك ذخر للمنتدى و ذخر لوطننا و أمتنا، نحسبكم كذلك و الله حسيبكم و لا نزكي على الله أحدا،

جاري حذف الخطأ.

[salem1985]

ربي يهديك الي في الجبين ما ينحوه ليدين والله تقول انا ما رانيش في الكوكب هذا اكثر من عامين وما لقيتش بنت باش نتزوج بيها والناس راهم يركبو مراكب الشيطان باش يتزوجو والله لوكان حابة تستقري مرحبا بك المهم ما تشرطيش وخلاص
المهم ربي يرزق زوج صالح ان شاء الله

[karimo.karimo]

المشاركة الأصلية كتبت بواسطة salem1985

ربي يهديك الي في الجبين ما ينحوه ليدين والله تقول انا ما رانيش في الكوكب هذا اكثر من عامين وما لقيتش بنت باش نتزوج بيها والناس راهم يركبو مراكب الشيطان باش يتزوجو والله لوكان حابة تستقري مرحبا بك المهم ما تشرطيش وخلاص
المهم ربي يرزق زوج صالح ان شاء الله

شوفى مع اخى سالم
-----ربى يوفق----

[imenemalak]

اختي كثري من الصلاة والدعوات وقيام الليل هدا وش نقولك ,,,,,,,,, وان شاء الله ربي يفرج عليك

[ام رضوان]

السلام عليكم
نصيحتي ليك بنيتي ابتعدي عن هذه الطريق راهي تديك للمهلكة
واش من زواج واش من سعادة وهنا رايحة تحسي بيهم كي تخسري طريقك مع ربي سبحانه
لازم تكون عندك كلمة وراي ما نددددددددييييرش لحجاب والبخور راهم من علامات الشرك بالله والعياذ بالله
بنيتي تاكدي بلي راكي تدي من الدنيا واش مكتبلك ربي سبحانه وحاجة اخرى
مش كل من تزوجت راهي هانية ومش كل من مكتبلهاش ربي الزواج راهي تعيسة
عندك حاجة وحدة تقدري تحقي بعا امنياتك
الدعاء الدعاء الدعاء
ربي ينجيك من طريق لهلاك ويرزقك بالزوج الصالح والذرية الصالحة امممممين

[amira1989]

الزواج مكتوببببببب يا ناس افهمووووووووووووو علاش هكدا علاششششششششششششش
الله لا تزوجنا واش رح نموتو وقيل
اخطوناااااااااااا