لم يبقى من الجمهورية إلا اسمها ومن الدستور إلا غلافه

adel-sor · 2009-04-14, 04:02

أرحب بكم رسميا في المملكة الجزائرية بعد تولي الملك عبد العزيز ال سعو... اقصد عبد العزيز بوتفليقة العرش بعد ان مسح بالدستور الارض من تعديل و تغير و حذف و اضافة ..... الديموقراطية باي باي و الانتخابات مهزلة و الجزائر ؟ و حده الله يعرف المصير..... أتحدى كل من يخالفني الرأي!! لأن النتائج تبين حقيقة القول .. أعني معقووووول 90 % بالله عليكم !!! .. الخبر و الشروق و الوطن و .. و...الخ كل هذه الجرائد كانت تبرز على مدار السنوات مشاكل البلاد والمجتمع و مدى عدم موافقة الشعب للمنهج المتخذ من قبل السلطة و تفشي مضاهر فساد الادارة على مختلف انواعها من رشوة و حقرة ...الخ و هذا يدل على رفض النخبة الواعية من المجتمع للادارة الرئاسية .. طبعا انا لا أتحدث عن الغوغاء و الناس اللي راحت تتنتخب و هي تزغرد "وين ؟ رايحين للعرس!! " المهم الناس والواعية و اللي فاهمة حقيقة الشيء اللي صار عارفين اننا نازلين الى اسفل السافلين.
رحمة الله على شهداء الثورة و شهداء الديموقراطية و على الديموقراطية أيضا
أستودعكم الله في الجزائر و السلام عليكم

messaoud17 · 2009-04-14, 08:08

الكفن عمره ولا كان فيه جيوب

شكرا على الموضوع

demmaneachour · 2009-04-14, 12:02

السلام عليكم
واش هو الحل في رايك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

asma87 · 2009-04-14, 16:46

ماتلقاش رايس كيما بوتفليقة (أهون الشرين)

رامي23 · 2009-04-14, 16:48

متى كانت ( جمهورية ) عند العرب...
كلها إمارات...
خسارة فيهم كلمة : مملكة

adel-sor · 2014-03-30, 19:56

وش قلت لكم يا جماعة في 2009 ؟ شفتوا وين رانا وصلنا ؟ هاهي الهردة الرابعة جاية و يعلم ربي وش راه جاي بعدها -الله يحفظ ويستر- خلاوها المسعولين و الشياتين.. المهم نقولها بكل صراحة و قناعة، اللي يروح يفوطي راه يعطي في الشرعية لهذه المسعولين الفاسدين و المفسدين، بمعنى اخر راه مشارك معاهم في الإثم، نصيحتي ليكم يا خاوتي في الله، لا انتخاب و لأهم يحزنون، خلوهم يأكلوا الحرام وحدهم و حنا ان شاء الله شرفاء و نموتوا على الحلال، هذا رأيي و الله اعلم!
الله يجيب الخير.

adel-sor · 2014-03-31, 16:21

كلاب متكالبة على السلطة ! لا حول و لا قوة الا بالله

adel-sor · 2016-02-03, 11:54

السلام عليكم يا خاوتي
حبيت نذكركم ان هذه الموضوع يعود لسنة 2009، يعني من بعد تعديل الدستور اللي دارو بوتفليقة باه يقدر يترشح لعدة ثالثة، اليوم راها الرابعة فاتت و التعديل الدستوري الجاي راح يصوت عليه برلمان الشياتين و الحفافات -الا من رحم ربك- و بوتفليقة و جماعتوا خلاو البلاد بسياسة السرقة و النهب و للاسف و هذي اللي تقيضني بزاف انهم خلاونا حنا الشعب تحت مطرقة التقشف و الفساد و سندان الفوضى و الارهاب !
و سؤالي ليكم يا ايها الاحرار بالله عليكم الى متى السكوت؟ ما تفهمونيش خطآ ما رانيش ندعو للفوضى و لا للعنف و لكن كلمة الحق لابد لن تقال .. ماضينا شوهوه بتاريخهم المكذوب، و حاضرنا حطموه بالحقرة و بطغيانهم و استنكارهم لحق الشعب .... فهل يا ترى مازال نوكلهم مستقبلنا ؟؟؟

العضوالجزائري · 2016-02-03, 20:50

الديمقراطية كلها نظام خاطئ و الأفضل ألا نتكلم في الحكام فاللبيب من اشتغل بعيوب نفسه

kameld1982 · 2016-02-20, 15:47

شكرا لكم اخي