الي اين ايتها المحترمة؟؟

[زهرة ملوح]

هو موضوع حساس تبدلت الدنيا بزاااف وتبدلت قوانينها وكل خمس سنين يحدث تغييرات كبيرة في المجتمع صح صرنا بزمن سريع
موضوعي ضرك علي البنات المحترمات الشريفات علاه عزفه عليهم ؟ ننظر للواقع نشوف بنات ماشاء الله شريفات ولاتراهن شمس للاسف كي تشوف ان نسبة العنوسة في المحترمات والشريفات تظل تندهش كيف يفكروا الرجال اذا كانه فعلا رجالا يخلي المحترمة ويروح يجري مور واحدة لا تمت لشرف بصلة لما؟
المشكل الكلام متناقض كلهم يقوله نحبه نتزوجه بالمحترمات بصح الواقع شي آخر ، وهذا سبب لخلي كثير من الشريفات يتخله عن مبادئهم باش يتزوجه وكي تسقسيها علاه تقولك اذا مامشيتش ما نتزوجش ولازم انا لنسعي ونحوس باش نتزوج هل الامر اصبح بهذه الخطورة هل باش يتزوجه البنات لازم يتخلاو علي مبدء الشرف ويمشيو باش يتزوجه؟ من المسؤول عن هذا الوضع اظن انهم اشباه رجال هما المسؤولين عن انحراف الفتيات هما لولاو مايتزوجوش سوي بالبنات ليمشيو لوكان كانه يخطبه في المحترمات وما يتزوجوش غير بهم فوقتها الكل راح تولي محترمة باش تتزوج ملا هنا ما نلوم غير جنس ذكوووري