البسبوسة خفيفة وبنينة وساهلة من مطبخي

[ام تسنيم.]

السلام عليكم ورحمة الله تعالى
حبيت اليوم نشارككم هذه الوصفة تاع البسبوسة بنينة وساهلة من عندي
المقادير:2عضمات. نص كأس زيت.نص كأس سكر .قشور الليمون . 1 خميرة.كأس ونص سميد (دقيق) كأس غيرشوية تاع الحليب السائل طبعا ملاحظة:الكأس اللي تستعمليه ماشي كبير وديمة تكيلي بنفس الكأس
الطريقة : اخلطي المكونات جميعها معا حطي الخليط في صينية قطرها ما بين 20 و25 سم مدهونة بالزيت حطي الخليط في الفرن وكيما تطيب من تحت زيديلها من فوق . وبينما تطيب حطي في طاوة كأس ونص سكر وكأس ونص ماء وقشور الليمون يغليو وكما تجهز البسبوسة خرجيها ويكونوا الشاربات غلاو
اسقيها وهي سخونة وكيما تبرد يمي تهبل جربوها وردولي الخبر.