هندسة معمارية وعمران - جامعة ام البواقي - - الصفحة 3

الياس خلاف · 2014-07-28, 01:37

اقتباس:

المشاركة الأصلية كتبت بواسطة رجل الاحلام الحزين

واشمن سنة تقرا

متحصل على بكالوريا 2014 .. موجه الى شعبة الهندسة المعمارية بام البواقي

رجل الاحلام الحزين · 2014-07-28, 01:44

الياس خويا ماقدرتش نرد على الرسالة قالي لازمك 1000 مشاركة
d:
و الله يا خويا الارشي تخصص مليح ، بالصح صعيب و فيه بزاف تعب لازمك تصبر و تنظم وقتك برك
كي يعطوك خدمة يقولولك اخدمها و جيبها السمانة الجاية ، اخدمها فوقتها ماتخليش حتى تركب فوقها خدمة اخرى
و من ناحية الخدمة غير ما تخممش ، كاين الخدمة و كاين الدراهم و كاين المستقبل
و سقسي لمجرب و ما تسقسيش الطبيب
انا في السنة الثالثة تاعي مازلت نقرا بالصح نخدم مع الطلبة ، على خاطر لي يعرف يخدم بالبرامج هادو كيما سكاتش اب ، عندو مستقبل كبير كبير ، كاين طلبة مايعرفوش يخدمو بالميكرو ، هادوك قادر تولي تخدملهم بأسعار خيالية

رجل الاحلام الحزين · 2014-07-28, 01:45

و كي تتخرج اي حاجة خلاف ، تخدم بقدرك و الخدمة متوفرة
و اللغة انا نقرا في بسكرة ، نقراو عربية و فرونسي
بالصح نتوما في ام البواقي نورمالمو فرونسي برك

الياس خلاف · 2014-07-28, 03:34

باركــ الله فيكـ اخي العزيز .. عيدكم مبارك وكل عام وانتم بألف خير .

لا ادري كيف اشكرك ^__^ تحياتيـــ ..

- حاجة وحدى : من اي درجة الصعوبة في الدروس ؟ [الفهم ، الإستيعاب ، الإكتظاظ ، اللغة ، التعقيد ، شرح الاساتذة ]

- وش تنصحني من برنامج لي نبدا نتعلم الخدمة بيه من الآن فصاعدا .. [برنامج تتوفر فيه الإستيلات والسهولة والدقة اللازمة للعصرنة ] من غير السكاتش إب

بارك الله فيكـ وسمحليـ في تعبكـ ههـ

سلامـ

فاطمة 14 · 2014-07-28, 14:10

اقتباس:

المشاركة الأصلية كتبت بواسطة الياس خلاف

بالمنـــــــــاسبة .. ليام هذو في وقت الفراغ بديتـ نخربش شوي ف هذا المجالـ !
إليكم بعض الأمثلة .. ( لعلمكم هذا البرنامج sketshup استعمله منذ السنة الثانية ثانوي ( امارس به هواياتي هههـ )

ههههـ إن شاء الله يعجبوكم ..

دمتم في رعاية الله .

تصاميم جميلة بالتوفيق ان شاء الله

إكرام ملاك · 2014-07-28, 19:31

اقتباس:

المشاركة الأصلية كتبت بواسطة رجل الاحلام الحزين

و كي تتخرج اي حاجة خلاف ، تخدم بقدرك و الخدمة متوفرة
و اللغة انا نقرا في بسكرة ، نقراو عربية و فرونسي
بالصح نتوما في ام البواقي نورمالمو فرونسي برك

السلام عليكم

اجل في ام البواقي اغلب مقاييس بالفرنسية
لكن ليست صعبة مع الوقت بالكثير شهر يتمكن منها
اغلب الامر راها مصطلحاات وليست بالاسلوب الادبي
ولي تعجبوا الدراسة فيها راح يتمكن من اللغة بسرعة

بالعموم سااااهلة

إكرام ملاك · 2014-07-28, 19:42

اقتباس:

المشاركة الأصلية كتبت بواسطة الياس خلاف

بالمنـــــــــاسبة .. ليام هذو في وقت الفراغ بديتـ نخربش شوي ف هذا المجالـ !
إليكم بعض الأمثلة .. ( لعلمكم هذا البرنامج sketshup استعمله منذ السنة الثانية ثانوي ( امارس به هواياتي هههـ )

ههههـ إن شاء الله يعجبوكم ..

دمتم في رعاية الله .

السلام عليكم

تصاميم راائعة يعطيك الصحة

أبشر لك إذا مستقبل في التصميم

حسب تجربتي الاوتوكاد رااائع
لككن اغلب المعماريين يفضلون الارشيكاد لانه يختصر الوقت عليهم في عمل المقاطع والواجهات
وهو سهل التعلم أيضاا خاصة انك تجيد سكاتش أب
يمكنك البدء في تعلمه

سارة1995 · 2014-07-28, 21:44

مم تصميم رائع انا ايضا سابدء بالتعلم
اجيد الرسم بالاتوكاد بقي الارشيكاد اما سكاتش اب لدي مهارات بسيطة

وفقنا الله

رجل الاحلام الحزين · 2014-07-28, 22:42

السلام عليكم

رجل الاحلام الحزين · 2014-07-28, 22:58

انصحك بالارشيكاد خويا الياس
الارشيكاد ثم الارشيكاد ثم الارشيكاد
عموما لازم تكون عندك فكرة على التصميم بالبرامج
فيه مرحلتين
1 - المودلينج ( modeling ) : يعني كيما راك تدير انت في سكاتش اب ، تدير volume تاع لبروجي تاعك و كاين اكثر من برنامج ، الارشيكاد - سكاتش اب - 3 دي ماكس - سينما 4دي
2 - مرحلة الاخراج (render ) : و هنا تدير الخامات للمشروع تاعك و الاضاءة و تحاول تقرب المشروع تاعك للحقيقة

رجل الاحلام الحزين · 2014-07-28, 23:02

هاي ليك بعض التصاميم خدمتهم انا

رجل الاحلام الحزين · 2014-07-28, 23:08

سارة1995 · 2014-07-28, 23:12

مم بارك الله فيك اخي
اريد سؤالك
اي نسخة من الارشيكاد نستعملوا و هل لديك موقع او رابط لتعليم الرسم فيه و شكراا

رجل الاحلام الحزين · 2014-07-28, 23:16

رجل الاحلام الحزين · 2014-07-28, 23:18

انا اكثر نسخة استعملتها ارشيكاد16
و ادا حابة تتعلمي عليك باليوتيب ، اكتبي ارشيكاد16 برك تخرجلك بزاف دروس و شوفيها كامل ، الدرس لي تشوفيه راح يفيدك
و طبعا التجربة ، لازم تخدمي