*غريبية بصور شكل رائع وذوق اروع من مطبخي**

[biba04]

صباح الخير بالجميييييع وان شاء الله كامل تكونو
بالف خير
اليوم جبتلكم وصفة غريبية جديدة راني حطيطها من قبل بدون صور

1كيلة مرغرين 500غ
1كيلة الا ربع سكر بودر 300غ
1 كيلة الا ربع كاوكاو مرحي رقيق 300غ
2كيلة فرينة ( واحدة تحمصيها في المقلاة)
فاني

اولا ذوبي مرغرين لابال500غ
علي نار هادئة

بعد 10د نحيلها الرغوة لي تجي من فوق

صبي المرغرين في وعاء وهداك لي يبقى من
تحت رميه

حطيه في الثلاجة 3 الي 5 ساعات
من جهة حمصي الفرينة في مقلاة
وخليها تبرد

خلطي بيدك المرغرين الباردة ومع سكر بودرمغربل
1كيلة غير ربع نفس كمية الكاوكاو
وفاني

مبعد ضيفي نفس كمية كاوكاو
مرحي رقيق وخلطي

هدا شكلها مثل الكريمة

ونضيف فرينة محمصة 1كيلة
ونعجن ثم الكيلة 2نضيفوها غير بشوية
ونعجن مليح

هنا هزيت شوية عجين لونتو اخضر

نشكلو حربوش ونقطعو
واللون الاخضر نديرو بيهم اوراق

نحط عليهم بياض بيض
باش يلصقو

وقيلة كرهتو من لي فوطو بزاف هههههه
معليش
هكدا باه تفهمو مليح

ندخلوها الفرن 180° لمدة15 الى20 د
الفرن يكون ساخن من قبل

وهادي بقات من العجين درتها تفاحة

ملاحظة تقدرو ديروها بجميع انواع المكسرات درتها مرة
بالفستق (بيستاش) مع اللون اخضر خرجت هايلة
او بالجوز
ملاحظة
باه تنجح الوصفة لازم المقادير يكونو باردين

هدا الطابع لي ستعملتو في شكل الوردة


الازرق راهو غلاصاج