اقتباس:
المشاركة الأصلية كتبت بواسطة manou88
استغل الفرصة و ارتاح خير ليك
و كي يبدا العام يجب المذاكرة اليومية و حاول ان تجد شخص تنافسو و يكون نيفو تاعوا عالي
و انشاء الله خير
|
اخي انا حاب نرفع مستواي في اللغات خطرماه هما لي مهبطيني
شكرا على النصيحة
اقتباس:
المشاركة الأصلية كتبت بواسطة mohrafik
انا انصحك احفظ شويا من التاريخ و الجغرافية( مصطلحات تواريخ الدرس ) لكي لا تشكل لك عائق اثناء الدراسة en ++ ساهلة افضل من ان تهتم باللغات لان اللغات معظم الاسئلة حول النص وفقك الله :d
|
شكرا اخي
اقتباس:
المشاركة الأصلية كتبت بواسطة listoma
[b]السلام عليــــــــكم و رحمة الله وبركآتـــــــه ... /
|
وعليكم والسلام اخي
اقتباس:
المشاركة الأصلية كتبت بواسطة listoma
السلام عليــــــــكم و رحمة الله وبركآتـــــــه ... /
أهلا خويا .. وااش رااكـ نتمنى تكون بخير ... ++
و الله راني عاارف حالتكـ ... و عارفها مليح .. و كنت أكثر منكـ تعرف ..ههههه... مي كي فوتها عرفت بللي كنت غير نجيــــــــح ... اسمحلي آآآآآآه ... مي سي لافيريتي ... هههه. ..
شووف بالنسبة للفرنسية و الانجليزيـــــــــة حاول تحل من دركـ لي sujets ..
شوف خويا الفرنسية ماكاش حاااجة محددة تقراها ولا مجال محدد تقرااه و يجي البااكـ عليه .. ولا ما يخرجلكش منو ... لالا ...
غير الشئ اللي يخص الثورة و المشاكل تاع الثورة ... يعني texte historique ... هذا النمط مؤخرا عادو يجيبو موضوع عليه و موضوع على مجاال آخــــر .. يعني ممكن sport ممكن l’environnement ولا pollution كيما العاام هذا جابولنا على le clonage خ و صرآآحـــــة أنا ننصحكـ تبعد على النص التاريخي في البااكـ لأن مفرداتو صعبة و الأسئلة عليه غير مبااشرة ... و شرح الكلماات ولا كاش عباارة .. نومها بااش تجيبها صحيحة ... ههههه....
بصح نصيحتي ليكـ هي حاول تحل النصوص من دركـ سوااء من النمط 1 ولا الثاني ... و ركز خويا على الفقرة حااول تكتــــــب فقراات متنوعــة و أحفظ كااش مقدمة باهية ... تاني الخاتمة ... و الى أمكن و قادر على شقااكـ أحفظ الفقرة كومبلي ....
++ وانا نأكدلكـ بللي الباكـ ما رايحش يخرج من الشئ اللي حليتو من قبل ... ++ خويا ركــــــــز على سلسلة مستقبلي ... في الفرنسية طبعا .. رائعة و فيها مواضيع متنوعـة ....
مممم... كاين شئ تاني لازم نخبركـ بيـــــــه .... هو لازم عليكـ ... و محــــــــتم عليـــــــــــــكـ تاني ...
تبدى تحل les sujets ... تاع الفرنسية ... و مادا بيكـ قبل سبتمبر تكوون حليــــــــت سلسلة مستقبلي هذي كااامل ... و تاني كاين في الأنترنت مواضيع لكن محدودة ... حاول تاني تحلها ... و توعدني ... بللي تحلهم كاامل قبل ما تروح تمركي ... لأنني أنا شخصيا لقيت صعوبة كبيرة .. في حل المواضيع خااصة في الفرنسية ... لأنكـ كيما علابالكـ خلال العام كامل رايح تتفرغ غير للمواد الاساسية ... و شوية مواد الحفظ ... و ما يكونش عندكـ الوقت مامبا للفرنسي و لونجلي
المهم ....
بالنسبة للإنجليزيــــــــة ... فهي مادة ممتعة بزااف عكس الأولى ( .سون سمير بيناتنا آآه ... هههههه )
شووف عندكـ تقرى 4 وحداات ... قول 3 وحداات لأن الوحد 4 قليل وين تدخل في العتبة .. و إلى دخلت ما تجيش بالتأكيد ....
الوحدة 1 هي ethics in business يعني الأخلاق في التجارة .. مثلا تقراو على الرشوة bribery ... أو الفسااد في المعاملة corruption شغل و كي نقولكـ تقراو على الرشوة ما تديرش في باالكـ بللي رايحين تتفصلو فيها ... لالا .. تمرو عليها مرور الكراام .. .علابيها خويا حاول دائما تحل مواضيع على هذي الوحدة ...
أوكي الوحدة 2 تقرااو على الاشهاار advertising و تاني داخلا فيها food الغدااء .. و المنتجاات و آثارها ... مثلا السمنة obesity ... هي أحد مواضيعها تاني ... حاول تحل تاني مواضيع تخص هذي الوحدة ...
الوحدة 3 .. وحدة ممتعة جدا ... Astronomy and solar system يعني تقراو فيها على الكواكب .. الشمس .. القمر ... ممكن الغلاف الجوي .. المهم حاول بركـ تلم بمصطلحات هذي الوحدة ....
الوحدة 4 هي feelings and emitions واللي تقرى فيها على الاحاسييس و المشاعر و التخربيش هذاك ... مثلا .. الاحساس تا الباك و التوتر ... المهم .. .
و يعني صرااحة الانجليزية ما تحتاجش للتعب بزااف تاع المواضيع و لا .. .لأن الاسئلة المتعلقة بالنص تجي ساهلة في الغالب و بسيطـــــــة ...
أخيرا وليس آخرا ... كاين القواعد .. .اللي ساهلة بزااف و قادر في يومين تفهمهم كاامل ... بالصح لازم شوية الفطنة و تحل تاني les exercices على كل درس قواعد تديرو في القسم بااش يترسخو في راسكـ .. و تولي تلعب بيهم لعااب ...
ننصحكـ تاني تدرب على كتابة فقرات لأنها محدودة .. و تأكد أنها تجي وحدة مللي كتبتها من قبل ...
نسيت ما قلتلكش بللي كاين 2 وثائق فيها أغلب المصطلحاات التي تخص هذي الوحدات ... كاينة نورمالمو في موقع dzbac.com ...
الى ما صبتهاش نعاود نسكانيهالكـ ماكان حتى مشكل ....
هذي هية حكاية الفرنسية و الانجليزية في البااكـ نتمنى نكون عطيتكـ فكرة عليها ... المهم تهلى في الفرنسي أكثر ... لأن الانجليزية تقرى شوية تجيب 18 ...
و نتمنالكـ التوفيق خويا من كل قلبي .. و تأكد أنكـ أمام أطول عاام في حياتكـ ما تقلقش خلاص .... الوقت كاين و كاين و كاين ... و فاضل .. .هههههههه
و ان شااء الله نزيد نحكيلكـ شوية على باقي المواااد و كل الكتب التي تحتاجها للدراسة ... نسيت ما سقسيتكش شحاال راكـ تجيب في الفصوول ...
ههههه.. راكـ فكرتني شوية بالباصي .... ههههه
أستودعكـ الله الذي لا تضيع و دائعه .... |
شكرا اخي تعبتك معيا
شوف خويا انا عندي مشكل مع اللغات والله هما سبب خوفي انا نجيب المعدل الفصول هو ي13 ي14 والله كان نجيب روحي في اللغات نتحصل على 15او16 وانا لالي بلي كان نبقى هكدا منيش رايه ندي الباك بالمعدل لي حب انا حاب ندير طب سما لازم نرقى طريقة باش نرفع معدلي
شكرا اخي جزاك الله خيرااخي انت جوزت الباك هدا العام
اقتباس:
المشاركة الأصلية كتبت بواسطة listoma
السلام عليــــــــــكم ... /
أوكي خويا .. راني حوست على الوثيقــــــة في الموقع و ما صبتهااش ....علابيها رفعتهالكـ .. ...
الصفــــــــــــحـــــة 1 . /
الصفحـــــــــة 2 /
ملاحــــــظة :
بالنســـــــبة لهذه الوثيقة فهي لجميع الشعب ... و بالنسبة للوحدة 1 في الوثيقة تهدر على مختلف الحضارات القديمة civilisations.. و هي وحدة يقراوها شعبة الاداب و الفلسفة و اللغات الاجنبية .. و غير مقررة لدى العلميين ... كذلكـ الوحدة 3 في الوثيقة فهي غير مقررة للعلميين .. و مضمونها étucation اللي تحكي على التعليم في الجزائر مثلا. . في بريطانيا ... في الو.م.أ ... إلخ
موفق بإذن الله
|
شكرا اخي جزاك الله خيرا
اقتباس:
المشاركة الأصلية كتبت بواسطة روح المعرفة
السلام عليكم و رحمة الله تعالى و بركاته
أولا حبيت نقول راهو الأخ listoma تقريبا وضحلك كل شي ربي يحفظوا راني كيما تعودت عليه من أفضل أعضاء منتدى الجلفة
و كما قال الأخ الانجليزية نوعا ما سهلة و انا بدوري افضلها على الفرنسية و لدلك ادا حاب تقراها صح دوك نبداو من الان ادا كنت تريد دلك فقط اريد ان اقول لك فهم النص =الاجابة على الاسئلة و في الانجليزية عام كامل وحنا نقراو فالقواعد بصح ماجابوهمش الكل جابولنا وحايد ساهلين دوك نديروهم ان شاء الله و تعود متمكن فيهم
أريد أن أقول لك السر في النجاح هو تنظيم الوقت و خصوصا كون تدير الدروس الخصوصية متلقاش الوقت خلاص لدلك نظم وقتك قبل كل شيء لأنه أساس النجاح و القليل فقط من يعلمون هدا الشيء
انا ايضا في المرات القادمة سوف اتحدت معك حول المواد الاخرى و كيفية تنطيمها و لكن الان ساتحدت فقط عن الانجليزية حاول تتهنى منها درك و تفهمها بالكامل في الصيف باش كيتدخل تقرا تلقا روحك مليح فاها باش تبقى تركز غير ع المواد الأساسية و لا تفعل متلما فعل بعض زملائي ممتازين في المواد الأساسية و لكن في اللغات ميعرفوا والوا و هدا كان يحبطهم بعض الشيء و لكن انت يجب عليك من الان ان تنزع هاجس الخوف من اللغة الانجليزية يعني انا راح نعاونك فاللغة الانجليزية (بصح اللغة الفرنسية دبر راسك شوف وحدوخر هههههههههههه اني نتمسخر معاك برك دوك نحاول باش نعاونك فيهم للزوج)
امممممم بالنسبة لللغة النجليزية يعني هيا ساهلة ولكن هل تعلم السر في تعلموي لها هو اني اتبع كتيرا برامج في اللغة النجليزية و اطالع كتب مترجمة و هكدا المهم انت حاول تبع معاي و ان شاء الله راح تفهمها و تولي تلعب باها لعبان فقط يجب عليك التعود على كتابة الفقرات المقدمة و العرض و الخاتمة أفضل من أن تحفظهم هدا برأي لانك لو تحفظ 20 فقرة و مبعد يجيبولك وحدا محفطيهاش وش راح تدير هاااا لكن لو تعرف كيف تكتب حسب المنهجية أي فقرة يقدموها لك سوف تستطيع ان تجيب عليها.
سؤال فقط انا ايضا اريد ان اعرف ماهو معدلك في الفصول ؟
سوف نحاول مع بعض المضي خطوة بخطوة بادن الله الى ان تفهمها وهدا بعون الله فهو اللطيف الخبير
انا واجد ادا حاب نبداو اخبرني في ردك متى نبدا و طبعا نحن لا نرهق انفسنا كتيرا نقرأ و نستمتع لأن أمامك ععععععام طوووووووووويل جدا اتمنى ان تحقق فيه ما تريده و اظن انك تريد ان تكون طبيب إن شاء الله مثلما أ{يد أنا بالضبط
استودعك في الله أخي الكريم
|
اخي انا جاهز كان نبدوا اليوم رني في الانتظار
معدلي رهو 13 وساعات14 وراني ضعيف في اللغات للاقصى درجةاخي ارجوك ساعدني
شكرا اخي العزيز والله معندى واش نهضر عجز ة عن الكلام
اقتباس:
المشاركة الأصلية كتبت بواسطة saddam akacha
الاسئلة معظمها على النص حنا خدعنا بحفظ conjgison ......................
|
صح قالولي صحابي بلي الفرنسية مفهاش الصرف والتصريف
[:
]
( تقرير عن مشاركة سيئة )، و الموجودة أسفل كل مشاركة .
2012-06-19, 16:20
العرض العادي
