قولولي maternité خير ولا clinique privée خير

[pink rockette]

السلام عليكم خواتاتي صح رمضانكم انا قريب نزيد راني في الاسبوع 32 ومحتارة ومالقيتش روحي اذا نولد في clinique privée ولا maternité علما اني عندي عمة راجلي قابلة في maternité على وجه ربي عاونوني راني خايفة بزاف واجركم على الله سلام

[ام اياد]

سلام كي عندك عمة راجلك فابلة تبانلي زيدي في ماتيرنيتي خير لان ادا قدر الله و صراو مضاعفات السبيطار يتلهى بيك عكس كلينيك ينفضو يدهم منك

[khezzane_annabi]

السلام عليكم ورمضان كريم
يااختي ربي يسلك وحلك ان شاء الله وادعيلنا معاك بالتوفيق والنجاح لان دعوة المراة الوالدة مستجابة
انا نحكيلك على حالة الزوجة تاعي ولدت بنتي الاولى في سبيطار عادي في بلفور بالعاصمة الحق خير من سبيطارات لوخرين بصح وهكاك ودارو فيها حالة ( زادولها بزاف . الكلام الزايد . ورقدو زوج في سرير واحد)
لكن المرة الثانية زيدتها في عيادة خاصة (عيادة يامينة بالرغاية) الحق الحمد الله على كل حال قدر وعزة ودلال الغرفة كيفاه الكلام كيفاه وزيدة ولدوها طبيعي استناوها حتان وين باه تزيد وتاني صراتلها شويا مشاكل غير الحمد الله الطبيبة دارت معاها كل الحلول وزيدتها طبيعي
وقدر الله انو بعد الزيادة صرلها نزيف الحمد الله على طول طلعوها لقاعة العمليات وداووها نورمال والحمد الله على كل حال
ادا يا اختي ادا قبلتي نصيحتي شوفي عيادة خاصة وروحي شوفيها على عينك خير وادا راكي في العاصمة انا ننصحك بعيادة يمينة وانا شاء الله ماتندميش وتشكريني بعد الزيادة
صحا فطورك وربي يعطيك واش تتمني

[bhs]

انا عادة ما انصح الحوامل بالتوجه الى المستشفيات العامة خاصة في الحمل الاول لكن لا ادري كيف هي حالة المستشفيات في باتنة
استخيري واسالي اهل الاختصاص حولك
لاتنسينا بصالح دعائك
ربي ييسرلك ما فيه الخير و يعطيك وقفة سااااااهلة

[ahlem wahida]

السلام عليكم ورحمة الله وبركاته أختي الكريمة أولا لازم متقلقيش روحك بزااف ماشي مليح للبيبي وديري في بالك غير لي كاتبو ربي راح يصرى المهم بالنسبة لسؤالك أختي الكريمة أنا ولدت 3 مرات في المشفى الحكومي والله الحمد لله ملقيتش مشكل البنات لي عندنا ما شاء الله فيهم بنات الحلال والله غير قلشوني حتى لبسوني وحطوني في بلاصتي وكانو كل مرة يجيو يشوفولي لاتونسيو ويحكو معايا باه نفوت الوقت مع العلم أني دائما كي نجي في الشهر الثامن ندخل المشفى ونبفى لتم حتى نولد والله غير كي تسلعفيهم ونكوني معاهم مليحة يكونو حتى هوما ملاح وربي عالم هاذا بالنسبة لرايي وشوفي انتي وين راكي مرتاحة أما المشفى الخاص فوالله فير كي تولدي يقولولك غدوة السلام عليكم روحي لدارك ولكان بعيد الشر وليدك مريض راهم يقولولك ديه للمشفى العام ولا يحكموه عندهم بصح تزيدي مصاريييييييييييييف بزاااااف عمتي دارت عملية في البدية قالولها سومة وممبعد كي جات تخرج ولات سومة كثر وكثر وربي يسهلك ويسلكك انشاء الله

[sonia32]

ربي يخلص وحلك صدقيني اختي maternité خير خاصة قلتي بلي كاينة الي توقف عليك صدقيني يا اختي انا نعرف واحدة والله مرمدوها في الكلينيك و الصغير كان مريض والله سحتوها مسكينة والله رجعت لسبيطار انا نقلك ما تخافيش وعملي على ربي marernité يهتمون بك وبالصغير

[khezzane_annabi]

السلام عليكم
والله تختلف الاماكن وتختلف الحكايات فاختي من المستحن انك تروحي وتشوفي بعينك خير
انا حكيتلك على العاصمة ووش فيها والاخوات كل وحدة تحكي على ولايتها وتجربتها امالا روحي شوفي بعينك خير

[ام مهدي 03]

اختى رانى زيدت 3 زيادات فى الماتيرنيتى والله الحمد لله وبلا معريفة
حاجة واحدة هما ما يحبوش لى تعيط بزاف والى تحسب روحها .والبافى راهم يديرو لى عليهم
بالنسبة للعياط لازم يزيرو باش نعاونو رواحنا ولا واحدة لا تزيد
سيرتو راهى معاك واحدة منهم ما تخافيش خلاص وربى يسلكك على خير

[السي محمد]

المستشفى العام ..مجاني

و العيادة الخاصة ..5 ملاين للمولود

[allamallamallam]

المشاركة الأصلية كتبت بواسطة pink rockette

السلام عليكم خواتاتي صح رمضانكم انا قريب نزيد راني في الاسبوع 32 ومحتارة ومالقيتش روحي اذا نولد في clinique privée ولا maternité علما اني عندي عمة راجلي قابلة في maternité على وجه ربي عاونوني راني خايفة بزاف واجركم على الله سلام

السلام عليكم

اولا مازال الحال على نفاس نتاعك اختى الكريمه مازال 5 اسابيع على الأقل

المهم مستشفى باتنه مستشفى جامعى ربما يكون عليه نوع من الضغط من ولاية باتنه و من خارجها

المهم

اذا كان حملك عادى ولا مشاكل فيه حسب دوريات الفحص لى قمتى بيهم من ايكوقرافى و بقية التحاليل

فعليك بالعياده الخاصه نظراا لظروف الملائمه لأن العياده لها القدره على التكفل بالولادات السهله اوقليلة المشاكل

وكذلك العيادات الخاصه تجديها قليله الفوضى كذالك النظافه اكثر بكثير من المستشفى وحتى معاملة فريق العمل خاصة القابلات و الممرضات تجديها اكثر لطافه من مستشفى الدوله

الذى يهمك هو صحتك بالدرجه الأولى ثم صحة الجنين

يعنى

اذا كان هناك مشاكل فى الحمل لا قدر الله عليك بالمستشفى الجامعى فهم اقدر على هاته الامور وانت مضطره الى هذا

هذا اذا كنتى من سكان باتنه المدينه

اما اذا كنت من خارجها فعليك بالمستشفى المحلى التابع لكم ايضا هو قادر بالتكفل بالولادات الطبيعيه التى بدون مشاكل


ما تخافيش اختى الكريمه

الولاده الأولى دائما ما يصحبها القلق لكن ثقى فى نفسك

انا ما نيش راح نكذب عليك
الألم و الأوجاع الكبيره موجوده فى الولاده
ستمر عليك ساعات صعيبه ياسر حتى انك ستحلفين ما تزيديش تجيبى اولاد مره اخرى ؟؟؟؟؟
الألم سيكون شديد ويطول الى ساعات خمسه الى سته وربما اكثر و ربما اقل
الولاده الأولى فيها ارهاق وتعب كبير و ألام لا توصف

انا قتلك هذا الكلام باش تستعدى نفسيا

انت لن تذهبى الى نزهة اختى فأستعدى لمواجهة كل انواع الألم

ولما تلدين بأذن الله ويضعون ولدك فوق بطنك ستشعورين بسعاده ونشوه رهيبه غريبه لا يشعر بها الا انتى برك
وتزول الألام فى لحظات

لتبدأ بعدها ألام اخرى من نوع آخر اقل قوة من ألام الولاده

كما قال الله تعالى

(حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ )


وهاته هى سنة الله فى خلقه و ستجدين كل من حولك لا يشعورن بك ولا بألمك
لذالك اعتمدى على نفسك و ساعديهم فى عملهم فقط

هم ناس متعودين على التوليد فأطيعيهم

وديرى فى بالك انك لست أولى و لا الأخيره من النساء التى ستلد




خلاصه
اذا كان حملك طبيعى بدون مشاكل و مرتاحين ماديا و الدراهم موجوده روحى للعياده الخاصه

اما اذا كان لا روحى للمستشفى تابع ليكم

ربى يسهلك و ولاده سهله انشاء الله و بدون مشاكل

[om assil]

ننصحك بالعيادة الخاصة انا ولدت في كلينيك الزهور عند قابلة اسمها حورية مخلوفي راهي مراة تخاف ربي و شاطرة بزاف ما شاء الله و كل القابلات في الزهور ملاح و يقوموا مليح بالنافس و من ناحية النظافة ثاني ملاح ان شاء الله ما يكونش تبدلو ولدت فب فيفري ب 2 ملايين و ستين الف و اذا حبيتي تقدري تاخذي ابرة الظهر تمنع الالم اثناء المخاض لكن انا ما ننصحش بزاف و ربي يسلك وحلك و اي استفسار راني هنا

[*سيرين نور عيني *]

adokhli hnaya w sakssi wch habiti


https://www.djelfa.info/vb/showthread.php?t=1521876

[bibicha]

شوفي مدام عندك معربفة ننصحك بالماترنيتي تسقاملك مليحة لكن اذا ماعندكش معريفة عزيزتي البريفي خييير انا كانت حالتي شوية صعبة و ولدت فالسابع كي روحت لصبيطار بارني قاتلي مانشدوكش و ناييد الاخ لي حكى على يامينة صح مليحة و مقية و يقومو بيك المشكل الوحيد ماعندهمش couveuse الشئ لي خلاني ولدت في البرتقال صح يقومو بالام لكن البيبي شوية المهم نتي خمي مليح و ربي يعطيك وقفة ساهلة

[hope of life]

اختي كل واحد واش قالك....انا نفضل الماتارنيتي لانو الصغير ماعلابالكش اذا يزيد مليح ولا... لا لا... لان كثير من الناس زيدو فالكلينيك و ماتولهم لي بيبي في الطريق قبل ما يوصلو للماتارنيتي.....الماتارنيتي عندهم الماتريال نتاع لي بيبي كيزيدو مراض ..الكلينيك ماعندهومش ويدزو لي بيبي للماترنيتي....بالاضافة الى ان الكلينيك يحوسو على الصوارد برك قادرين حتى يشقوك وانت ناتستاهليش الشقان...لان الزيادة العادية عندهم تسوى زوج ملاين ...والسيزاريان سبع ملاين يخيرو الي فيه الفايدة كثر...ومادام عندك المعريفة راهي تحطك فوق راسها...نصيحة حاولي قد ما تقدري ماتعيطيش...باه ماتفشليش وماتتعبيش لان العياط هدر للطاقة وربي يسلكك على خير وتفرحي بوليدك

[syliasmine]

وقفة ساهله ان شاء االله و سبيطار يقولو افضل