معلومات حول المدرسة العليا للعتاد -الحراش-

[canada_13]

السلام عليكم و رحمة الله
لقد كنت في ثكنة الحراش سابقا و سأزودكم ببعض المعلومات عن هذه المدرسة -تجارب حدثت معي - و سأبدأ من يوم الدخول حتى الخروج
-عند الوصول الى الحراش من محطة القطار تستقل تاكسي و تقولوا يحطم في المدرسة العليا للعتاد الثمن 35 دج للبلاصة -اذا بغيت تروح وحدك اتفاهم معاه على السومة-
-وصلت الى الثكنة على الساعة 15:00 قبل الدخول اتصلت بالأم و طمأنتها بوصولي كما اتصلت ببعض الأصدقاء...........و خبأت الهاتف
-دخلت الثكنة أخذ مني لوردابال و بطاقة التعريف و تم تفتيشي تفتيش عادي شاف في الحقيبة بوخفيف و قالي اسنا درك ندخلك - هذا اللي يقعد عند الباب -
-بعد فترة جاء جندي و أخذني الى داخل الثكنة - الله يبارك الثكنة نقية و كبيرة - المفييد هدرنا انا و هذاك الجندي قالي الحالة لاباس
- وصلنا للشاليات وين نرقدو سبتهم مراسومبلين و كانوا حاكمينا 2 ابلي دركا يكونو كملو هايا امالا مدلهم الجندي الوثائق نتاوعي مدولي كأس و مغرف و اداني واحد من هاذوك اللي حاكمينا للشالي اللي نرقد فيه حطيت كابتي في لارموار و بلعتها و رحت نتعشا ....
- كيما رجعت راسومبلينا حسبونا و جبو لا ليست اللي يروحو للعيادة في يوم غد و اللي يروحو الى البليدة .....أنا كنت في قائمة العيادة لانوا متقلبتش
-كيما كان الحال جمعت شوي مع الجماعة و رقدت ....الصباح 4 تسوني الاولى و يجي واحد ينودك يشعل الدو تنوض تغتسل تصلي .......و تدي كاسك و تهبط باش تروح تستقهوا
- كيما رجعت عاودو عيطونا اللي نروحو للعيادة قالك اللي عندو دوسي يجيبو و يجيب التلفون باش يدفعو
- كان عندي دوسي تع عينين اديتو و رحنا للعيادة فتنا على الطبيب على 8 8.30 ميحلبكش كامل الطبيب يا يديرك apte يا instant انا دارني instant
- كيما جزت للعيادة و رجعت للشالي بدا روتين واحد يدور : تنوض صباح على 4 تستقهوا ترجع راك قاعد برا في البرد جماعة اللي مفاتوش للعيادة يروحو جماعة يروحو للبليدة جماعة يتلعوا يسيقوا شنابر و لوخرين راهم قاعدين حتى لل 8 تراسمبلوا يحسبوكم و تدخلوا للشاليات اللي يرقد اللي يقرا اللي يشارجي التلفون بالتخبية ............:11:00 تسوني تخرجو يحسبوكم يكونوا رجعو نتاع العيادة تروحو تفطرو ترجعو يحسبوكم و تدخلو ا تدخلوا للشاليات اللي يرقد اللي يقرا اللي يشارجي التلفون بالتخبية ......... 16:00 تسوني تخرجوا م يكونو رجعوا نتاع البليدة . تراسومبليو ممبعد يجبد لا ليست يعيط الي راحو للبليدة نتاع البارح و اللي راحو في هذاك النهار حتى غدوة باش تحرج ريسيلتا ....للي عيطلو محسوب يرفد كابتو و يدفع كاس و مغرف محسوب قبلو الملف نتاعو يروح لدارهم لوخرين اللي بغا يروح كاش ميشري من foyer ممبعد 17:30 تتجمعوا تروحوا تتعشاو و ترجعو تراسومبليو يحسبوكم و تخرج لا ليست اللي يروحو غدوة من داك للبليدة و اللي يروحو للعيادة ..........وو راهي تتعاود
ملاااااااحضات هامة :
-البورطابل ممنوع ادي معاك 2 واحد ادفعوا وواحد خبيه
- كاين وحد المقال في المنتدي يقلك واش تدي صوالح معاك و دراهم و كامل ....
- الحراش ثكنة نقية التوالات نقية الماكلة شابة
- اللي يحكموكم راخم كل دفعة يتبدلوا يسما نتا و زهرك
- اللي عندو اي دوسي يديه ... الطبيب ميقدرش يقلك اذا يقبلولك دوسي هو يبعث للبليدة و اللي معندوش دوسي يديرو مقبول
- اللي يدخل مع الصباح يدفع البورطابل و يروح للعيادة في نفس النهار ماشي كيما صراتلي انا دخلت في المساء
- الروطار انصحكم ماديروش بزاف
-بخصوص الفائض يبداو للي راهم instant و مزال مافاتوش للبليدة ثم يتلقوا من الكبار في السن 82 83 84 تلحق حتى 90 على حساب الغاشي
- المتزوجين يقولولخم ادفعوا فيش فاميليال و يكون عندهم حضوض قي الفائض
- نتاع الوزن كامل طلقوهم
- نتاع العينين تلقوهم
و هاذي هيا بالاك كاش ما نسيت و لا اللي عندوا استفسار يقولي نفهموا بواش نعرف .........

[mino 13]

شكرا لك اخي
نتا قلت لنا دفعت ملف عينين
هل هو نقص النظر ؟
وكم كان نقص النظر لديك ؟

[canada_13]

نعم أخي نقص النظر و عندي -4 في اليمنى و -5 في اليسرى ....

[mino 13]

المشاركة الأصلية كتبت بواسطة canada_13

نعم أخي نقص النظر و عندي -4 في اليمنى و -5 في اليسرى ....

شكرا اخي
انا عندي -3 .. -3.5
هل هناك امل ؟

[حماده هلال]

ما قلته في هذا الموضع قاع صحيح خويا العزيز .. انا كنت في الحراش ثاني .. دخلت يوم 26 جانفي الماضي .. وصلت للثكنة حوالي الساعة 10.25
دخلت عند البوست بوليس فتشني الجندي تفتيش عادي والحمد لله انو عادي .. لانو كنت مخبي التلفون نتاعي في الكابة ههه .. ومن بعد داونا وحد القاعة
نحولنا الاوردابال ولاكارت ناسيونال .. ومن بعد اعطيناهم كامل معلوماتنا في وحد الورقة .. وبعد حوالي 15 دقيقة ..ومن بعدها رحنا للطبيب والمزية اللي مالقيناش هذاك الطبيب لاني سمعت بلي مايستعرف حتى بواحد .. الطبيبة هذيك غير تعقب فينا .. فحص عادي جدا واللي عندو دوسي دارتو instant والي ماعندو والو دارتو مباشرة ابت .. ومنبعدها جانا جندي اخر دانا للشاليات وين رايحين
نقعدوا .. في هاذك الوقت كانوا الشاليات معمري بالغاشي مع الاسف .. ريحنا برا حوالي ال 3 ساعات حتى لقينا بلاصة وين نريحوا ونرقدوا فيها
الحمد لله رحت لوحد الشالي كانوا فيه غاشي الله يبارك .. ناس متثقفين ورجالة نتاع الصح .. حطيت كابتي ورقدت وحوالي الساعة ال16.00 صونات وهبطنا
درنا رصومبلومو .. وطلعنا للشالي وانا ماني فاهم فيها حتى شي .. وبدا الروتين في اليوم الموالي وايلوم اللي بعدو واللي بعدو والحمد لله .. نهار 29 جانفي جاونا الصباح وقالولنا بلي اليوم رايحين نصفوكم يعني اللي يعقب يعقب والي يروح يروح ههه .. نضنا الصباح على الخمسة على غير العادة .. وقالولنا هاتوا معاكم الصوالح اللي مديناهالكم . هبطناهم ومديناهملهم ومن بعدا رانا نستناو من هذاك الوقت حتى لل 15.15 جات لاليست عيطوا ل 300 شخص رايح يفوت وانا ماعيطوليش .. قالولنا اللي ماعيطنالهمش يجوا معانا .. حطونا في وحد الغابة داخل الثكنة و قالولنا هاكم ورقكم .. عطاوني لاكارت نتاعي ولوردابال + ورقة الخروج كفائض من المدرسة .. وبعد حوالي 11 يوم ذهبت للبليدة وحصلت على ورقة الاعفاء الخاصة بي

[Master G]

السلام عليكم
شكرا أخي ممكن ما هو الوزن الأدنى باش يطلقوك أقل من ٥٠ أو ماذا
في الحراش أو غيرها

[canada_13]

mino 13 انشاء الله فيها خييير و امل كبير ............ روح للثكنة مع الاوائل باش تفوت للبليدة ادي معاك النواضر و دوسي و ادي فوتوكوبي ثان و خلي عنك في الدار فوتوكوبي ...المفيد كي يقلبك الطبيب يديلك النظارات يشوف بيهم يعرفك اذا ناقص و لا لا لا و يبعثك للبليدة
Master G الوزن فوق 100 و تحت 50 كيما اجي راح تتقلب يوزنوك و يشوفو الطول نتاعك اذا كانو ناس ملاح هوما ينقصولك الطبيب كي يشوفك ناقص يبعثك للبليدة ما تاكلش نهار ولا راك تعرف و ان شاء الله ربي يسهل

[brahim staifi19]

سلام عليكم.............عندك الحق ا صاحبي.........والله تقول عليها البارح................انا كنت معاك ثاني.............سبحان الله

[mino 13]

شكرا لك اخي على اجابة

[ZorOoo]

[FONT="Arial Black"][/FON
السلام عليكم
عندي إقتراح ، لماذا لا نتواصل و كل واحد من يقدم نفسو إذا هو حقا جاي للحراش ، لكي يكون لنا معلومات حول العدد الاجمالي ، معلومات أيضا عن نوع الملفات المقدم .... إلخ من معلومات ستفيد الجميع بإذن الله
كل غضو يشارك و لي يعرف كاش واحد يخبرو ا ، لتعم الفائدة
دمتم في الرعاية و الحفظ ، بالتوفيق للجميع

[moh 007]

سلام شكرا اخي على المعلومات

[moh 007]

وسالتحق يوم 25 جانفي للمدرسة العليا للعتاد بالحراش وشكرا

[canada_13]

ZorOoo حاجة مليحة ... شوف مع اللي بعثوهم للحراش و رانا هنا كاش متسقسونا
moh 007 المتزوجييين كانوا يعاملوهم معاملة خاصة ههههههههههه المفيد كانو يقولولهم راكم في الفائض مي ملحقتش عليهم مانيش عارف اذا طلقوهم كامل
brahim staifi19 الحمد لله

[moh 007]

شكرا ليك اخ canada_13

[moh 007]

اوك في الايام الي كنت تستنى كانوا دايرينكم في الشليات canada_13