سااااااااعدوني من فضلكم

mimina 81 · 2015-08-01, 01:47

السلام عليكم البنات كيف حالكم؟
عندي مشكلة واتمنى منكم ان تساعدوني
درت المشكلة بالكاوكاو شكلها جاني تحفة لكن المشكل انها جاتني يابسة وكل يوم تزيد تيبس اكثر ماعرفتش المشكل وين راه، هل لأني استعملت الكاوكاو او هناك مشكل اخر؟ من فضلكم اجيبوني واذا ممكن تعطولي الحل لاني راح نزيذ نعاود نخدمها وامكانياتي ماتسمحليش نشري اللوز يعني نديرها بالكاوكاو

raboha · 2015-08-01, 02:30

بالاك كثرتي السكر و لا البيض قليل فيها لخطرش الكوكاو يدي البيض على اللوز
اللوز يتلم بالخف ممكن زوج حبات تلم العقدة و كيلو كوكاو خطرات يديلي حتى خمسة حبات أو زيادة
الكوكاو ماهوش مشكل أنا نخدم غير بيه بصح كاين شروط
متخافيش خفاف و ظراف نقولك عليهم أنا الكوكاو منحمصوش نسخنو برك
قبل سخني الفرن مليح و دخلي الكوكاو عسيه و خليه يسخن مليح ثم ارحيه
ديري 3كيلات كوكاو و كيلة ميش معمرة سكر عادي و زوج ملاعق زبدة ذايبة أنا نخدم بماني هايلة و زوج ملاعق كبار فانيلا تاع الميزان تمدلو بنة هايلة
و تلمي بالبيض متخليهايابسة ما طرية و خلي العقدة تبات ثم اخدمي بيها
هذي الوصفه بهذي الطريقة نخدم بيها حتى دزيريات الوردة و الله تخرج طرية
جربيها و رديلي الخبر

bts · 2015-08-01, 09:01

الحل أنك تديري العقدة بلا بيض
اذا العقدة فيها البيض وغفلتي عليها تيبس
ديريها كيما نتاع البقلاوة
كوكاو وسكر ولمي بالماء زهر بلا بيض

mimina 81 · 2015-08-01, 17:19

يعطيكم الصحة اخواتي وجعلها الله في ميزان حسناتكم ان شاء الله كيما قلتلكم راني محتاجتها ضرورى وامكانياتي ماتسمحليش باش نشري اللوز

mimina 81 · 2015-08-06, 22:54

بارك الله فيك اخت raboha راني جربت النصائح اللي قلتيلي جاتني طرية تذوب في الفم

raboha · 2015-08-06, 23:44

اقتباس:

المشاركة الأصلية كتبت بواسطة mimina 81

بارك الله فيك اخت raboha راني جربت النصائح اللي قلتيلي جاتني طرية تذوب في الفم

و فيك بارك الله
الحمد لله اللي عجباتك وصفتي و صدقتلكصدقتلك
بالصحة ععلى قلوبكم