مشكلتي

[مشكلتي]

سلام خاوتي حبيت نحكيلكم حكايتي ونفضفضليكم شوية لانو معنديش لمن نحكي وقالبي خلاص حب يترتق ولانو تاني عجبني هذا القسم بالرغم من انو كنت مترددة ولكن قررت .....نحكيلكم حكايتي
المهم انا فتاة عادي مام تفكيري بسيط نتمنى كما كامل البنات نتزوج ونجيب دراري مي الله غالب منقدرش باسكو عندي تشوه في جسمي والي يجيني نرفضو لانو هذا التشوه داخلي وانا عندي لمسة جمال في وجهي ميظهرش هذ التشوه .. بما يحكيو عايلتي على هذ الموضوع تحكمني القنطة لانو راني رايحة ونكبر هوما يقولولي هذا مكتوب ربي ومتقطعيش لباس مي انا خلاص هذ الموضوع من بالي.....لانو انا نخاف نتعلق باي واحد يجيني وكي نقولو على مشكلتي يروحوميولوش العلم انا خاطيني علاقات حبيتكو طلعولي مورال

[جمال6]

السلام عليكم
ربي يرزقك الزوج الصالح اختي

[نور لاتراه]

السلام عليكم
مالك؟ تستخفين بنفسك
ومالك تنظرين للطرف الآخر بهيبة كانه ولي نعمتك
من يسّر الله وتقدم لك واراد وضع حجر الاساس فعليك بالمصارحة
بالعكس هنا يظهر المعدن الحقيقي لمن يريدك لاجلك وليس لشيئ دون غيره
افضل ماتحكمي على نفسك بحكم سابق
لانك لاتعلمين الغيب ولاتعلمين من قد يكتبه الله لك
فبفعلك هذا كانك تعارضين المكتوب وحكمتي عليه انه سيرفض
وحتى ان رفض واحد وعشرة فمن كتبه الله لك هو من يقبلك دون غيره لانه واحد
وان اردنا تعميم نظرة التردد لما تزوج نفر كثير
توكلي على الله
ولاتنسي دائما الاستخارة

[knives66]

1- متحكش مشكلتك تبقي في مشكل و ممكن متزوجيش طول حياتك و تمرضي

2- تحكي مشكلتك ممكن يرفضوك و ممكن يقبلوك

ملا احكي لي قبل قبل لي رفض رفض هذي دنيا

مكانش حاجة تتخباء الى اخر عمر يجي يوم وتخرج

[خالد عنابي2]

الصراحة لابد منها ولما يجيك مكتوبك ربي رح يسهلك

[لمسة ابداع]

كي تتخطبي المرة الجاية ان شاء الله صارحي خطيبك
لعاد كاين مكتوب اكيد رايح يتقبل المشكل تاعك
ربي يرزقك الزوج الصالللللح

[- بصمة خير -]

علابالك تكبري و تندمي تقولي
لو قوتلهم على التشوه و يبطلو على روحهم المهم انا ديرت اللي عليا

ما تخافيش اللي كاتبها ربي واحد ما ينحيهالك لا تشهوه و لا شيء

ما تبقايش للندم
يزيدو يخطبوك قوليلهم على التشوه
و اتكلمي بكل ثقة و صراحة
و ما تخافيش ربي معاك

و اذا ما قبلوش مكتوب ربي

كاين اللي ما عندها لا تشوه و لا شيء و مايقبلوهاش

و زيد يكون على الرفض على التشوه في الجسم و لا يكون على التشوه في الاخلاق
قولي الحمد لله

خليها على ربي



ربي يفرحك و يسر امرك
و يحقق اللي في بالك
يييييييييييييارب

يا قادر

يا رحمان

[حياتي نبع امل]

كاين بزاف رجال لي يشوف للمراة من عدة جوانب ولا يركز على الجانب الجمالي فقط .كاين بنات الزين مشاء الله والعقلية 0000 كيما كاين بنات جمالهن متوسط لكن بالنسبة لزوجها ملكة جماااال
المرة الجاية لي يخطبك صارحيه وكل شي يرجع للمكتوب اذا كاتبلك ربي راح تتزوجيه حتى وفيك الف عيب
ربي يرزقك بالزوج الصالح وتكونى له قرة عين ويكن هو قرة عين لك

[سجل أنا جزائري]

لماذا تستحين من أمر قدره لك الله ؟!

عادي تقبل الأمر و شوف اللي هم مبتلين أكثر منك و تزوجو عادي

انتي من يريدك صارحي لهم بمرضك و ليكون أمك هي تقول لأم خاطب طبعا حتى ليكون الاحراج لك

اذا تقدم اللهم بارك و تأكدي بان هذا الخاطب ليس همه فقط المظهر و اذا تراجع تأكدي بأن الله أبعده عليك لأنه لا يناسبك و لا تحقري نفسك أبدا

[zalamite]

لوكان غير شرحتي لنا نوع التشوه و حنا نقولولك هل هو مهم .او انك مكبرة لحكاية في راسك برك

[_أحلام_]

أختي نتي علآه ديري في روحك هكــآ كي يتقدمولك أهدري وعبري ع روحك قادر يكون التشوه حاجة صغيرة وانتي تكبري فيها ما تحشميش بروحك وما تعقديش روحك

[الفاتحة]

نعرف مش كل يوم راح يجيك خاطب لكن من هنا وصاعدا متضيعييش اي فرصة تجيك طبعا نقول فرصة بمعنى شخص محترم ذو أخلاق وضمير وليس تافه عندها أخبريه بالأمر وادا رفض لا تحزني فهو قضاء الله اما في حالة القبول تكوني كسبتي رجل بمعنى الكلمة وفي كل الاحوال صبري وتوكلي على ربي سبحانه وانت مأجورة باذن الله.

[*أم سجى*]

يا اختي علاه راكي تعقدي في نفسك وتكبري فلحكاية ضرك يولو يشكو فيك اكثر......نصيحتي ليك اقبلي هذ المرة وصارحي خطبيبك واحكيلو بطريقة ذكية مبسطة واحكيلو ثان بلي كنتي ترفضي الخطاب على جال هذالشي بلاك تحن عليك الكبيدة ويتقبلك بصدر رحب .....متتقلقي موالو مكتوبك واحد مينحيهلك وزيد هذي حاجة ربي مدرتيش حاجة عيب ......وربي يجيب الخير ان شاءالله

[KARIO]

يا ريتك حكيتينا على حجم التشوه و كيفاش داير كان ممكن نعطوك اقتراحات, علاش متلمديش شوية دراهم باش تمشي للخارج و تشوفي دكاترة تجميل ينصحوك اذا هذا التشوه يتصلح او على الاقل يخفف و على هذا الاساس تعملي عمليات التجميل اللازمة لانو هذا المجال تطور بزاف و حقق معجزات (هذا جائز شرعا حسب علمي) ليس فقط من اجل الزواج لانه قسمة و نصيب و انما من اجلك انت بالدرجة الاولى باش تتحسن نفسيتك و تزيد ثقتك بنفسك