تارتلات بالليمون بمول التاج

[ياسمين177]

التحضير:
عجينة الصابلي: 75غ زبدة طرية + ربع كاس سكر ناعم + فاني خلطيهم مليح+ 1صفار بيضة + مغرف معمرة مايزينة وخلطي كذلك+ نصف ملعقة صغيرة خمارة + رشة ملح+ الفرينة حتى تتلم تكون عجينة طرية غلفيها ودخليها للثلاجة ترتاح من 10الى 15د.
من جهة اخرى نحضر كريمة الليمون.
كريمة الليمون: نخلط 3بيض + 150غ سكر ناعم + مغرف معمرة مليح مايزينة + 100ملل حليب + عصير ليمونتين ونخلط الكل حتى تتحل المايزينة ضعيها في كسرونة+30غ زبدة وحطيها على نار متوسطة مع التحريك حتى تعقد



مبعد عمريها في مول التاج تاع السيليكون



مبعد دخليها للمجمد لمدة 1ساعة حتى تشوفيها جمدت .
من جهة اخرى حلى العجينة بسمك 5مم واطبعي دوائر على قيس المول



حطيهم في صينية ودخليهم لفرن 160درجة لمدة 10د



مبعد خلي القاطو يبرد ثم ادهنيه بلاجولي



واقلبي فوقه كريمة الليمون



شوفوا هنا تتنح بسهولة الكريمة وتشد روحها مليح



مبعد ادهني الجواني بلاجولي وزوقي بالبستاش او لوز او كوكاو .......الخ



في الوسط زوقي بالكريم شانتي والكرز المجفف او فريز او قطعة صغيرة من الليمون









الكريمة اذا تبقى شادة روحها نقلكم انا خرجتها وكانت فوق الطابلة ومذابتش لانو الكريمة كي نطيبها راهي تعقد فوق النار مهيش سائلة كي تخرج من الثلاجة تذوب لانها فلاصل عاقدة وجامدة ونديرها في مول وفلمجمد غير باش تحكم الشكل تاع التاج وعلى فكرة ماشي شرط مول التاج نقدر نديرها في اي مول تاع سيليكون راه الاختيار بزاااف الانواع تاع لمول نقدر نديرها في مول سيليكون على شكل كعيكعات مبعد نزوقها بزقزاق شكولا او نديرها في مول القلوب ونطبع العجينة قلوب وندير فلوسط لاجولي هذي افكار جاتني وانا نخدم
.


ملاحظة: كاين لمول تاع التاج تاع السيليكون لفيهم 6حبات هذوك تاع الكريمات او مثلجات تحليات او قطايف او ميني كيك او مادلان ................الخ
وكاين لفيهم 8حبات هذوك تاع لصابلي لراهم كاين فيهم وصفات بزاااااااااااااف متنوعة ولقاطو ساك وايضا الحلويات المعسلة.