الوحدة الأولى و الثاّنية للتاريخ في شكل حكاية مبسّطة ,,,,

[mc queen]

ﻛﺎﻥ ﻳﺎﻣﻜﺎﻥ ﻓﻲ ﻗﺪﻳﻢ ﺍﻟﺰﻣﺎﻥ ﺗﺤﺪﻳﺪﺍ #ﺑﻌﺪ ﺍﻟﺤﺮﺏ ﺍﻟﻌﺎﻟﻤﻴﺔ ﺍﻟﺜﺎﻧﻴﺔ
ﺍﻧﻘﺴﻢ ﺍﻟﻌﺎﻟﻢ ﺍﻟﻰ #ﻗﺴﻤﻴﻦ ..ﺍﻻﺗﺤﺎﺩ ﺍﻟﺴﻮﻓﻴﺎﺗﻲ ( ﻣﻌﺴﻜﺮ #ﺷﺮﻗﻲ )
ﻭﺍﻟﻮ . ﻡ . ﺃ ( ﻣﻌﺴﻜﺮ #ﻏﺮﺑﻲ ) ﻫﺎﺫﻭ ﺯﻭﺝ ﻣﻌﺴﻜﺮﺍﺕ ﻛﺎﻧﻮ ﻣﺘﺤﺎﺭﺑﻴﻦ ﻋﻠﻰ
ﺍﻟﺴُﻠﻄﺔ .. ﺷﻜﻮﻥ ﻟﻲ ﻳﺤﻜﻢ ﺍﻟﻌﺎﻟﻢ .. ﻭﻛﻞ ﻭﺣﺪﺓ ﻣﻨﻬﻢ ﻛﺎﻧﺖ ﺗﻨﺸﺮ
ﻓﻲ ﺍﻟﻤﺬﻫﺐ ﺗﺎﻋﻬﺎ ﺍﻻﺗﺤﺎﺩ ﺍﻟﺴﻮﻓﻴﺎﺗﻲ ﻳﻨﺸﺮ #ﻓﺎﻟﺸﻴﻮﻋﻴﺔ ﻭﺍﻟﻮ . ﻡ . ﺃ
ﺗﻨﺸﺮ #ﻓﺎﻟﺮﺃﺳﻤﺎﻟﻴﺔ .. ﻫﺎﺫﺍ ﻳﺴﻤﻮﻩ ﺍﻟﺜﻨﺎﺋﻴﺔ ﺍﻟﻘﻄﺒﻴﺔ ﺃﻱ ﻛﺎﻳﻦ #ﻗﻮﺗﻴﻦ
ﻣﺘﻔﻮﻗﺘﻴﻦ ﻳﺘﺤﺎﺭﺑﻮ ﻓﻴﻤﺎ ﺑﻴﻨﺎﺗﻬﻢ .. ﺍﻟﻤﻬﻢ ﻛﺎﻧﻮ ﻳﺘﺤﺎﺭﺑﻮ ﻓﻲ ﺍﻃﺎﺭ ﺍﻟﺤﺮﺏ
#ﺍﻟﺒﺎﺭﺩﺓ ﻭﻓﻲ ﻫﺎﺩﻱ ﺍﻟﺤﺮﺏ ﻛﺎﻧﻮ ﻳﺴﺘﻌﻤﻠﻮ ﻛﻞ ﺍﻟﻮﺳﺎﺋﻞ #ﻣﺎﻋﺪﺍ ﺍﻟﻤﻮﺍﺟﻬﺔ
ﺍﻟﻌﺴﻜﺮﻳﺔ ﺍﻟﻤﺒﺎﺷﺮﺓ ﻻﻧﻬﻢ ﻓﻲ ﺯﻭﺝ ﻛﺎﻥ ﻋﻨﺪﻫﻢ ﺍﻟﺴﻼﺡ ﺍﻟﻨﻮﻭﻱ
ﻭﻣﺘﺴﺎﻭﻳﻴﻦ ﻓﺎﻟﻘﻮﺓ ... ﺑﻌﺪ ﻣﺎ ﻣﺎﺕ ﺳﺘﺎﻟﻴﻦ ... ﺍﻟﻲ ﻫﻮ ﺯﻋﻴﻢ ﺳﻮﻓﻴﺎﺗﻲ
ﻛﻲ ﻣﺎﺕ ﻃﻠﺐ ﺍﻻﺗﺤﺎﺩ ﺍﻟﺴﻮﻓﻴﺎﺗﻲ ﻣﻦ ﺍﻟﻮ . ﻡ . ﺃ ﻳﺪﻳﺮﻭ ﻫﺪﻧﺔ ﺑﺎﺵ ﻳﻮﻗﻔﻮ
ﺍﻟﻘﺘﺎﻝ ﺑﻴﻨﺎﺗﻬﻢ ﻫﺎﺩ ﺍﻟﻬﺪﻧﺔ ﻛﺎﻥ ﺍﺳﻤﻬﺎ #ﺍﻟﺘﻌﺎﻳﺶ ﺍﻟﺴﻠﻤﻲ .. ﻳﻌﻨﻲ
ﻳﻘﺒﻠﻮ ﺑﺎﺯﺩﻭﺍﺟﻴﺔ ﺍﻟﻨﻈﺎﻡ ﺃﻱ ﻛﻞ ﻭﺍﺣﺪ ﻳﻬﺘﻢ ﺑﻨﻈﺎﻣﻮ ﻭﻣﻜﺎﺵ ﺍﻟﺤﺮﺏ
ﻭﺍﻟﻨﺰﺍﻉ .. ﻭﻛﻴﻤﺎ ﻛﺎﻥ ﺍﻟﺤﺎﻝ ﺩﺍﺭﻭ ﺍﻟﺘﻌﺎﻳﺶ ﺍﻟﺴﻠﻤﻲ ﻭﻣﻦ ﺑﻴﻦ ﺍﺑﺮﺯ
ﺍﻻﺳﺒﺎﺏ ﻟﻲ ﺧﻼﺗﻬﻢ ﻳﺪﺭﻭﻩ ﻫﻮ ﺍﻧﻬﻢ ﺍﻟﻘﻮﺓ ﺗﺎﻋﻬﻢ ﻛﺎﻧﺖ #ﻣﺘﺴﺎﻭﻳﺔ ﻭ
ﺍﻳﻀﺎ ﺍﻧﻬﻢ ﺍﻛﺘﺸﻔﻮﺍ ﺣﺎﺟﺔ ﺟﺪﻳﺪﺓ ﺍﻫﺘﻤﻮﺍ ﺑﻴﻬﺎ ﺃﻛﺜﺮ ﻣﻦ ﺍﻟﺤﺮﺏ ﺍﻟﺒﺎﺭﺩﺓ
ﻫﺎﺩ ﺍﻟﺤﺎﺟﺔ ﻫﻲ #ﻏﺰﻭ ﺍﻟﻔﻀﺎﺀ .. ﻭﻻﻭ ﻳﺘﻨﺎﻓﺴﻮ ﻓﻲ ﻣﺠﺎﻝ ﻏﺰﻭ ﺍﻟﻔﻀﺎﺀ
ﻭﺣﺒﺴﻮ ﺍﻟﺤﺮﺏ ﺍﻟﺒﺎﺭﺩﺓ .. ﻭﺑﻌﺪﻫﺎ ﻇﻬﺮ #ﺍﻻﻧﻔﺮﺍﺝ ﺍﻟﺪﻭﻟﻲ ﻳﻌﻨﻲ ﻭﻻﺕ
ﻋﻼﻗﺘﻬﻢ ﺑﺒﻌﺾ ﻣﻠﻴﺤﺔ ... ﻭﺗﺒﺎﺩﻟﻮ ﺍﻟﺰﻳﺎﺭﺍﺕ ﺑﻴﻦ ﺍﻟﺰﻋﻤﺎﺀ ﻭﺍﻟﻘﺎﺩﺓ ﻭ ﻭﻗﻌﻮ
#ﺍﺗفاقياتﻣﻊ ﺑﻌﺾ ﺍﻫﻤﻬﺎ ﺍﺗﺎﻗﻴﺔ ﺳﺎﻟﺖ 1 ﻭ ﺳﺎﻟﺖ 2 ﻟﻠﺤﺪ ﻣﻦ
ﺍﻟﺘﺴﻠﺢ ..
ﺑﻌﺪ ﻛﻞ ﻫﺬﺍ ﺍﻧﻬﺎﺭﺕ ﺍﻟﻜﺘﻠﺔ ﺍﻟﺸﺮﻗﻴﺔ ﺑﺴﺒﺐ ﺍﻧﻮ ﺍﻟﻮ . ﻡ . ﺃ ﺍﺗﺒﻌﺖ ﺳﻴﺎﺳﺔ
ﺍﻟﺘﻄﻮﻳﻖ ﻋﻠﻴﻬﺎ ﻭﻓﺸﻞ ﻧﻈﺎﻣﻬﺎ ﻣﻤﺎ ﺍﺩﻯ ﺍﻟﻰ ﺗﻔﻜﻜﻬﺎ .. ﻭﻛﻲ ﺗﻔﻜﻜﺖ
ﻇﻬﺮ ﻧﻈﺎﻡ ﺟﺪﻳﺪ ﺍﺳﻤﻮ ﺍﻟﻨﻈﺎﻡ ﺍﻟﺪﻭﻟﻲ ﺍﻟﺠﺪﻳﺪ ﻫﺪﺍ ﺍﻟﻨﻈﺎﻡ ﻛﺎﻥ ﻣﻌﺘﻤﺪ
ﻋﻠﻰ ﻗﻮﺓ ﻭﺣﺪﺓ ﻋﻠﻰ ﻋﻜﺲ ﺍﻟﺜﻨﺎﺋﻴﺔ ﺍﻟﻘﻄﺒﻴﺔ ﻟﻲ ﻛﺎﻧﺖ ﻣﻌﺘﻤﺪﺓ ﻋﻠﻰ
ﻗﻮﺗﻴﻦ ..
ﻟﻲ ﻓﻬﻢ ﻫﺎﺩ #ﺍﻟﺤﻜﺎﻳﺔ ﻣﺒﺮﻭﻙ ﻋﻠﻴﻪ ﺭﺍﻩ ﺣﻔﻆ ﺩﺭﻭﺱ ﺍﻟﻔﺼﻞ ﺍﻷﻭﻝ


أيا بعض التفاعل و نحط الحكاية 2

[~ هبة الله ~]

مشكورة اختي
بانتظار الحكاية الثانية

[black dark knight]

انا اصلا جيت على جال لحكاية التانية
في الانتظار
شكرا جزيلا

[samsoma bac]

ميرسي اختي

[mc queen]

أسمحولي خاوتي على التأخّر
حكاية 2
اقراها متندمش
الوحدة 2 (الجزائر بين 1945 و 1989 )
مور ما دخلت فرنسا للدزاير و صراو مقاومات شعبية و حركات تحررية ما فادوش باش يخرجو الاستعمار و لحق عام 1945 و واحد ماراو سامع بالثورة ديالنا
و فرنسا مازالها دايرة رايها فالشعب الجزائري خاصة مجازر 8 ماي 45 اللي زادت قنعت الدزيريين باش يديرو ثورة عالمستعمر
بدات الخدمةو تاسست المنظمة الخاصة في15 فيفري 47 و زادت موراها حركة انتصار الحريات الديمقراطية في 1950 و بدات ريحة الثورة تطلع و المجاهدين بداو يحسولها
و هنا دارو لجنة ثورية للوحدة و العمل 23 مارس 1954 و بداو يتلاقاو و يتفاهمو وقتاش تندلع الثورة و دارو بيان 1 نوفمبر اللي كتبو بوضياف محمد.
لكن الواحد بش يدير ثورة ناجحة مشي ساهل و لازم الشعب يوقف معاه
و هنا في 1 نوفمبر مور ما إنطلقت اول رصاصة فالاوراس (خيرو الاوراس لانها منطقة واعرة عالمستعر و الدزيريين يعرفوها مليح) هنا سرباو بيان نوفمبر اللي يشرح فيه سبب الثورة و النتائج ديالها و في نفس الوقت دارو بث في إذاعة صوت العرب المصرية باش يفهمو العرب وش راو صاري
في هاد اليامات اللولين تاع الثورة الدزيريين ماكانتش عندهم القوة و الخبرة الكافية علابيها إعتامدو سياسة الكر و الفر بالعربية اضرب و اهرب و دارو جيش على الحدود الجزئرية و بداو العمل الفدائي (يفجرو رواحهم في وسط الفرنسيين و يخربو وسائل النقل و بدات الحالة تتوسع حتى لحقت لداخل فرنسا
و مع كامل هاد الحوايج اللي صراو فرنسا ما بقاتش قاعدة و مربعة يديها
مام هي دارت ردت فعل و حاصرت كامل الاوراس باش تحبس الثورة
هنا زيغود يوسف جاتو فكرة باش يدير جاست تخلي فرنسا تبعد على الاوراس و داو ما يسمى هجومات الشمال القسنطيني 20 اوت 1955 في نص النهار باش يبين بلي الجزائريين واعرين
و جات كرد فعل لمشروع سوستيل و اعتقال مصطفى بن بولعيد و رابح بيطاط و قتلهم لديدوش مراد احد قادة الثورة
و جات هاد الهجومات مع اجتماع هية الامم و اصبحت الجزائر قضية دولية( تم تدويل القضية الجزائرية في هيئة ألأمم في دورتها 10
و الشعب زاد وقف مع الثوار و عاونهم و الحصار تنحا على الاوراس لكن للاسف إستشهد 1500 جزائري
جازو عامين و الجزايريين مازالهم مكروشيين مع فرنسا
مي الثورة خصها تنظيم (التنظيم المؤسساتي ) و هادا اللي داروه فمؤتمر الصومام20 اوت 1956 في بجاية و حكاو فيه على العامين اللي جازو وقسمو فيه البلاد إلى ست ولايات و دارو جيش منظم و بقات جماعة 3 (الوفد الخارجي ) تخدم على برا
و تم تشكيل الحكومة المؤقتة 19 سبتمبر 1958 رئيسها فرحات عباس
و بداو الاضرابات (إضراب 8 ايام) و المظاهرات (17 اكتوبر 1961 ف فرنسا )
هنا فرنسا داقتلها و اختاطفت الوفد الخارجي في 22 اكتوبر 1956
و بدا تعديب الجزايريين و إنشاء مناطق محرمة و محتشدات
و زادت شاركت في العدوان الثلاثي على مصر (حكاية العدوان الثلاثي بدات كي امم رئيس مصر جمال عبد الناصر قناة السويس اللي كانت بريطانيا حابَ تديها و دارت هي و إسرائيل عدوان على مصر خاطر كانت تابعة للإتحاد السوفياتي و فرنسا عاونتهم)
و كذا إقامت خطي شال و موريس (و هو عملية غلق الحدود الجزارية الشرقية و الغربية باسلاك شائكة و مكهربة و زرع الالغام
و بدات فرنسا تضاعف فالقوة ديالها و تتبع في سياسة القمع و التجويع و هكذا و الجزايريين بقاو صامدين و فرنسا حبت تجبدهم ليها (سياسة الاغراء) بداتها بمشروع قسنطينة اللي فيه 400 الف خدمة و250 الف سكنة و 255 الف مورصو تراب و دخل ثلثي الدراري الجزايريين يقراو ( مي قرايتهم تكون بالفرنسية و يقراو تاريخ فرنسا و يتعلمو المسيحية ... يعني بالعربية حبت تقضي على الهوية الوطنية) و إذا صرا و قبلو الجزايريين بهاد المشروع تتسمى الثورة ب ثورة الجياع و الجزايريين رفضوها رفض تااااااااااام مي كاين شي ناس حركة قبلو و ولاو خدامين عند فرنسا و زعما يمثلو الجزايريين على برا
و هنا الجنرال الفرنسي ديغول قالهم نديرو سلم الشجعان 23 اكتوبر 1958(الثوار يحبطو م الجبال و فرنسا تسامحهم و هدا باش يمزق صفوف الثوار مي ما صدقتلوش
زاد دار مشروع تقرير المصير 19 سبتمبر 1959 و فيه يحبس القتال و يديرو استفتاء على 4 سنين باش يشوفو ادا يبقاو الجزايريين مع فرنسا ولا ينفاصلو عليها ولا يبقاو تابعين ليها برك و يحكمو وحدهم .......مام هاد المشروع مافادوش مسكين ههههه
و راحت دات الصحراء و بدات تجرب فالاسلحة النووية ديالها فيها
و سمحت فرنسا تقريباً فكامل الدول اللي كانت مستعمرتها على جال الدزاير باش ما تطلقهاش من يدها





نتمنى يفيدوكم بالتوفيق ادعيولي

[عمر البناري]

mrc bcp mais la conclusion ta3 2eme histoire

[علمها نورها]

مرسي عليييييييييييييييييييييييييييييك

[ahlem 05]

شـــــكرآ اخـتأه في انتظار البقـية

[دنيا بوصبيع]

واااااااااااو ماشاء الله تحفه كنت نحوس عليها ربي يخليك ويحفظك

[yousrayous]

مشكورة على هذه القصة

[samsoma bac]

شكرا بارك الله فيك