من الاحسن هل المراة التي تعمل ام الماكثة بالبيت

[**د لا ل**]

السلام عليكم

والله يا اختي هذا القرار يخصك وحدكِ أنت ادرى منا بظروفك وما يناسبك أكثر

تقولين أنكما بالكاد تلتقيان بحكم اختلاف مناوبة العمل والزوج منزعج وغير راض

هنا دورك لتختاري رضا زوجك أم رضا رب العمل ؟

ربي يسرلك كل خير اختي

[hako5000]

الحمد لله اني لم اتزوج بامرأة عاملة.

[ailemak]

المشاركة الأصلية كتبت بواسطة محمد جديدي التبسي

سلام أخي محمد كيراك غاية!

وكيفاه تعرفية يستاهل يا صانعة الصواريخ؟!! سهلا مهلا أخي، يلا دارني فوق راسو
أنا ماشي صانعة الصواريخ ، وإنما صانعة الرجال اللدين انقرضوا
وكأن الرجل يحتاج لإذن زوجته العاملة باش يقولها حبسي الخدمة
بيانسووووور يشاورها، لأنه قبل ما يتزوجها عرف أنها تخدم، ومشرطش عليها تحبس، خاف يلا تروح من يدو ههههه دونك بعد الزواج لازم يشاورها، وكون تفاهموا قبل على أنها تحبس لخدمة ميوصلش لهاد لموصل، ولا واش يا دكي

انتم اللي نزلتو علينا الهم والذل بهذه العقلية البالية
وتقولو اين الرجال؟!!
وهل حنا نحكم فيكم باش درنالكم هكدا؟؟؟، ياك نتوما رجال قوامون !،؟؟، راك متناقض في كلامك ، شفت حنا نساء نتحكم في كلش، لانكم نتوما ضعفتو، وهدا مشكل تاعكم ماشي تاعنا

علاش تربية الابناء بدراسة الفيزياء والكيمياء في الاختلاط
وكي يدخلوا يقراو كيفاش نمنع الإختلاط هههه، اعطني لحل
ومقولات زميلي في العمل والعساس ربي يكثر من امثالو؟؟!!!
ومديرنا ناس ملاح
مع الأسف الشديد، ما نعرف ني مدير ني عساس ني زميل، نعرفك أنت في هدا لمنتدى، و جو بونس أنه إختلاط إفتراضي هههه

ربي يهديكم برك

آامييين يا رب العالميين

[السي محمد]

الحل عندي:

يتوقف زوجك عن العمل و يرعى البيت و الاولاد في النهار و هكذا هو يرتاح من العمل الليلي و انت ترتاحين من عدم الالتقاء بزوجك

[عائشة 88]

انتي ادرى اختي انا لو مكانك الاهم بيتي وزوجي واولادي ربي يوفقك حاولي تمسكي العصا من الوسط وان شاء الله تلقاي الحل المناسب

[ام سيراج]

انا في رايي يا اختي ادا كان راجلك كافيك اقعدي في الدار احسنلك انا قريت بصح لقيت بلي تربية اولادي اولى و ادا بدينا نخمموا في الراجل ادا ممكن يتزوج عليكي ما فراتش و تربية الاولاد و الاعتناء بالزوج مش حاجة ساهلة و بالنسبة لتعب اعوام الدراسة استثمريه في اولادك و قريهم و ربيهم و ربي يوفقك

[m_sport]

المشاركة الأصلية كتبت بواسطة ailemak

نهار ليولي رجل يكفي دارو كيما رجال زمان، ويحترم لمرا كيما ناس زمان ، داك الوقت ترجع لمرا تع دارها وولادها
يا خويا رجال نقصو بزااف في زمان هادا، على بيها ستبدلناه بالمرأة
في هادا زمان رجال صح ماشي بزاف

حتى النساء تاع زمان ميش كيما تاع ذرك

[m_sport]

الحالة ماشي ساهلة راهي تمشي و تصعاب

[ABDOU ELE]

[لحن الحياة.]

لو انا في مثل حالتك نبطل الخدمة ..........
نسيت نقلك زميلتنا في المادة كيما هاك تخدم بعيد و الدار باسمها بصح ترجع في المساء برك .................شوفي وش دار راجلها

راح كرالها فالبلاصة لي تخدم فيها و تزوج وحدة ما كثة و سكنها في هاذيك الدار و مزال لليوم ماهيش سامعة بالحكاية و احنا كاااااااااامل سامعينها . كاين تفاصيل ما نقدرش ندخلك فيها يا ربي تفهمي كلامي راه معمر بالمعاني.................هذي و تشوفو فالمساء يعني يتلاقاو

الوغ انتي ما تتلاقاوش كامل .....نصيحة كأخت ردي بالك و خممي مليح ...دارك أولا
الرجال أشرار ...صدقيني

[mimi adab]

باعتباري خدامة *استاذة في الثانوية* انا مقتانعة 100/100بلي الماكثة في البيت افيد لعائلتها ولزوجها ولبيتها خمي برك من الاحد الى الخميس خدما برا {التعب،التبكار،الجوع،المشاكل،التنقل.....}وفي نهاية الاسبوع تلقاي روحك مع خدمة الدار{غسيل القش،التسياق،الغدا العشا لولاد التدواش}وهكا خدمة السمانة تخدميها في نهارر وبلا مانقولك على تصحيح الوظائف و التعابير والفروض المهم من عندي انا ندمت عالنهار الي نجحت فالكونكور

[obada bachir]

سلام عليكم والله في زامننا هدا المرأة العاملة أقل مشاكل وتنجريش من الماكثة لأنا العاملة تعلم قيمة المال والحياة ولدا تساعد زوجها ولو معناويا أما الماكثة ادا أحسنت أحسنت في تربية الأبناء ورعاية زوجها لدا كلاهما فيهما خير

[ilhemnanous]

لوكان جا راجلك يخدم فالنهار بالاك ماكانش مشكل..انا راني خدامة وعادي...لكن بما انه هو يخدم فالليل ونتي فالنهار فالصراحة حافظي على زوجك لانه يفكر في الزواج من اخرى حاليا كونه لم يشبع من حنانك كزوجة

[first first]

والله يااختي انا نطرح سؤال؟اقتباسا من بعض الردود
علاش تقولو تعب ايام الدراسة لازم مايروحش هباء؟؟؟انا كي يقولولي غاضتني قرايتي مانفهمش.........................يعني لي ماتخدمش راحت قرايتها؟؟؟
الحقيقة نفهم لي تقولي غاضتني شهريتي................طبيعة عملي ربما؟؟؟
ولا لازم تعب ايام الدراسة ..............................تجي موراه تعب ايام العمل؟؟؟؟؟؟؟؟؟؟؟؟؟؟؟؟؟؟
للاشاررر ة..........................انا ايضا عاملة.
لكل واحدة قناعاتها وقرارتها وظروفها .............................لكن هادي تاع قريت ....................يجب ان اعمل كيفما كان الحال وكيفما كانت الخسائر .............منطق خاطئ براي؟؟
يعني باش ماتحطيش العمل ........................رمز من رموز الهوية الوطية.......................رغم اهميته ربما.
مجرد راي....................اضربيه عرض الحائط ان لم يعجبك ...............او زاد في تشويشك....................وكمااقول دااما مااسهل التفلسيف ومااصعب التطبيق؟

وفي الاخير حطي عقلك في راسك تعرفي خلاصك............شهريتك لوتلميها فلس فلس ...............لاتشتري اسرة مستقرة.............وان وجدتها تتباع بالله عليك ابلغيني على السريع


والله اختي تمنياتي لك بكل الخير

[ailemak]

المشاركة الأصلية كتبت بواسطة m_sport

حتى النساء تاع زمان ميش كيما تاع ذرك

راني معاك 100/100 ، كي الراجل يولي كيما كان بكري، ترجع لمرا كما تع زمان، اللراجل هو الساس ولا وش؟؟