الأكثر طلبا للزواج المرأة العاملة أم الماكثة بالبيت ؟

[ام رجاء 09]

راي الماكثة في البيت تكون موفقة 100 بالمئة اما ما اراه العاملة ولي عندها البرمي بزيادة ظاهرة منتشرة ومايجيبوش دراري بلخف اصبحنا مثل الغرب وخالفنا ماهو في ديننا وما هو مالوف الله يسر امور الناس على كل حال

[كمال أبو حنين]

حاليا العاملة هي المطلوبة

[الوليـــــد]

ممكن العاملة مطلوبة في بعض مناطق الوطن, لكن في منطقتي الماكثات هن من يتزوجن بنسبة 99 بالمئة, صدقوني لا ينظر احد " بل لا يفكر " اصلا بان يكون شريكا لزوجة عاملة بالرغم من أنهن ملأن الادارات و المستشفيات.

[بيت النّسيم]

المشاركة الأصلية كتبت بواسطة ghania de blida

انا شخصيا درست و اتممت دراستي و لكن دوما مقررة اني لا اعمل خاصة بعد الزواج لاني اريد التفرغ لزوجي و ابنائي و لا احب ان يشغلني شئ عن البيت و اموره بالرغم من ان عائلتي لم تتقبل راي هذا

السّلام عليكم و رحمة الله و بركاته
مثل تفكيري تماما
بارك الله فيك

[جسور المحبة]

المشاركة الأصلية كتبت بواسطة nourtazmalt

السلام عليكم

على العموم العاملة لها حظها من الخاطبين اكثر بكثير من الماكثة في البيت

لكن ولنكن واقعيين هناك من الرجال من يخطبها عاملة ثم يحولها ماكثة في البيت

لكن ان يخطب واحدة ماكثة في البيت عن طريق ماذا

رانا في زمن نشوف انا الراجل هو اللي يخير معناه المراة لازم يشوفها كيفاه لازم تكون عاملة



اما ان تقول ان العاملة لا تعتني باولادها كالماكثة في البيت فانت على خطا



انا ابنه لامراة عاملة

[color="rgb(139, 0, 0)"]وبالعكس علمني تحمل مسؤولية منذ صغري
[/color]
[color="rgb(139, 0, 0)"]ادقق في تصرفاتي و ارتب وانظم اموري ولم تعلمني الاتكال

[/color]


1000 على 1000 صحيح
حتى انا ابنة لعاملة والحمد لله تحملت المسؤولية وانا صغيرة 13 عام نطيب ونغسل ووووووو
صح تعبت بصح الحمد لله نهني في راسي وحتى اخوتي لو نغيبو على الدار يقومو برواحهم
ضرك حتى نزوج ونخدم ما نتعبش لاني موالفة على السيستام
والحمد لله خدمتي في المخبر وغير الصبحة
ولي راهم يقولو تهمل بيتها ما نهمل بيتي ما والو قادرة غير العشوية نظف بيتي ونغسل ونطيب وما يجي الراجل يدخل للبيت يلقا كلش مرتب ونظيف ومرتاحة فوق هذا كامل وراح يكون بيتي احسن وانظف واكثر ترتيب من وحدة ماكثة بالبيت وهذا تحدي باذن الله
اما عن الطبخ غير بعد صلاة الفجر نطيب لغدا كيما راهم يديرو لعجايز ونوجد فطور الصباح ما يجي ينوض الزوج والاطفال يصيبو كلش واجد
الله يعيني ويرزقني بزوج صالح يتفهمني وانا بدوري احفظه في ماله وعرضه
امين يارب

[كمال أبو حنين]

من خلال متابتعتي ارى ان المراة العاملة وخاصة في قطاع التعليم عليها طلب كبير جدا .
هناك شباب من يجعل هذا الشرط اي عمل الزوجة قائما لكي تعينه على صعاب الحياة
لا تستطيع اي زوجة ان تنجح في التوفيق بين حياتها الخاصة والعمل ولو نجحت سيكون على حساب صحتها وتكون في اغلب الاحيان متعصبة
من خلال كلامي مع الازواج هناك من نصحني بعد الزواج بعاملة بالرغم من انه متزوج من عاملة ولما سالتهم يقول لك هناك مشاكل كثيرة تترتب على العمل ويجب ان تغض الطرف.
لست ضد عمل المراة ولها الحرية الكاملة لكني رى شخصيا اذا كان الزوج قادرا على تحمل اعباء بيته فلا داعي لعمل الزوجة والمجهود الذي ستبذله في الخارج بيتها اهم واولادها اهم.وصحتها اهم
هناك حالات طلاق بسب تصميم الزوجة على العمل توقفت عليها لما تعجز الزوجة على الاهتمام ببيتها يفرض عليها الزوج ان تتقف فترفض مما يساعد على هدم عش الزوجية.
هناك حالات ناجحة يعمل فيها الزوج والزوجة ولكنها حالات معدودة

[sofff28]

99 بالمائة عاملات كيف لنا ان نجد الماكثة بالبيت اكيد العاملات هم الاكتر طلبا للزواج و ذلك لسهولة التعارف

[السي محمد]

المشاركة الأصلية كتبت بواسطة M0UjaHeD

حاليا العاملة هي المطلوبة

سلعة

[عبد الله 22]

المشاركة الأصلية كتبت بواسطة جسور المحبة

[/color]


1000 على 1000 صحيح
حتى انا ابنة لعاملة والحمد لله تحملت المسؤولية وانا صغيرة 13 عام نطيب ونغسل ووووووو
صح تعبت بصح الحمد لله نهني في راسي وحتى اخوتي لو نغيبو على الدار يقومو برواحهم
ضرك حتى نزوج ونخدم ما نتعبش لاني موالفة على السيستام
والحمد لله خدمتي في المخبر وغير الصبحة
ولي راهم يقولو تهمل بيتها ما نهمل بيتي ما والو قادرة غير العشوية نظف بيتي ونغسل ونطيب وما يجي الراجل يدخل للبيت يلقا كلش مرتب ونظيف ومرتاحة فوق هذا كامل وراح يكون بيتي احسن وانظف واكثر ترتيب من وحدة ماكثة بالبيت وهذا تحدي باذن الله
اما عن الطبخ غير بعد صلاة الفجر نطيب لغدا كيما راهم يديرو لعجايز ونوجد فطور الصباح ما يجي ينوض الزوج والاطفال يصيبو كلش واجد
الله يعيني ويرزقني بزوج صالح يتفهمني وانا بدوري احفظه في ماله وعرضه
امين يارب

كلام جميل بالتوفيق ان شاء الله في حياتك لكن لنفسك عليك حق كيما يقول الدنيا ماهيش هربة اكيد الانسان مرات حبه لعمل معين يخليه ما يفكرش في أمور اخرى لكن الموازنة مطلوبة وان شاء الله في الاخير تفوز عندك روح مسؤلية الام على روح مسؤلية العمل بالتوفيق

[حمزه أبو مريم]

المشاركة الأصلية كتبت بواسطة رسيل بيان

من اي كوكب انت

من كوكب الأرض ..

[صريحة]

قريت كامل الردود وحبيت نرد على اللي قالوا بلي مكاش نساء ماكثين في البيت
الحمد لله اللي ربي ميزنا بصفة السترة يعني في ديورنا مستورين واحد ماشافنا ولايعغرفنا والحمد للله اللي بعثنا رجال يربونا وبعاونونا على هادا الشيء وبالعكس مراهمش وحوش ميخلوناش نخروجو وانما علمونا على مبادئ الاسلام الي هوة المراة متخرجش بدون محرم وهدا اللي دكراتوا الاخت انوا الرسول صلى الله عليه وسلم كان يخرج مع عائشة
وريلي مراة وحدة على الاقل تخرج للعمل مع محرم وكيما قلتي بكري كي يخرجوا النساء بدون اختلاط يعني ادا حبيتوا تهدروا على زمن الرسول والصحابة خذوا كل الشروط الاسلامية اللي امرنا بيها الرسول مشي تاخذوا كلمة وتخلوا كتاب
ثانايا انجاوب على سؤال الموضوع انا اللي نعرفهم يحوسوا على ماكثة في البيت بالرغم من انوا كاين اللي مور الزواج قدروا زوجاتهم يبدولهم رايهم وهادا رايهم ونعرف ليجان في محيط ديباساو 5 اسنين وهوما يحوسوا يتزوجوا وكامل يشرطو العمل وهوما مقبلوش بالشرط هدا
ام بالنسة اللي يقولوا تقدر توفق نقوللها انا راني عايشة الحالة هادي ونقولك بلي المراة الاعاملة نهائيا متقدرش توفق يا اما تتكل على عجوزتها يعني اعمال البيت مراحش تسناها حتى العشية بطبيعة الحال كي تدخل للدار على الخمسة راح تصيب كلشي مخدوم ولالا
او تتكل على الروضات اللي كامل نعرفو نتيجة هادوا الاشخاص في مجتمعنا او تولي كي الروبو وفي الخير وعن تجربة راني نهدر يبداو يدوال في لي مالادي من الخدمة وروحو شوفوا المؤسسات التعليمية كل شهر ملادي اغلبهم نساء حديثي الزواج والملادي يجدد والتلاميذ ضايعيين وهادا كامل باش توازن بين العمل والمنزل ومراحش تقدر
لانو سبحان الله ربي خلق الكون واعطى كل شخص مسؤلياته وحنا بدلنا الادوار ربي اطى المراة دورها في الدار للتربية والاعمال المنزلية وتريحح باشة تتهلى في راجلها كي يجي من العمل واعطى للراجل العمل والجري على الرززق والشقاء في الخارج وكي يرجع يصيب وحدة تتهلى فيه
واعطى للاطفال حق اللعب والمرح في كنف الام مشي الروضة واطالوا حق انوا امو تتهلى فيه وتعلموا المسؤولية في حضورها مشي في غيباها وهدا كامل كي تخلطت الادوار يمكنكم رؤية النتائج بام اعينكم

[hattal]

المشاركة الأصلية كتبت بواسطة nassira38

السلام عليكم ورحمة الله

كاينة حاجة لفتت انتباهي والي هي معظم الاجابات (الافضل المراة الماكثة في البيت)

السؤال راه يقول بلي

من الاكثر طلبا للزواج، ليس الافضل ؟

يعني في المجتمع نتاعنا على حساب مرانا نشوفوا المراة العاملة هي الاكثر طلبا للزوج في الوقت هذا راهم يحوسو على مولات الدورو الى تصرف عليه وعلى ولادو (ليس عامة الرجال بل فئة منهم )،اما البنت المحترمة الي قاعدة في الدار مسكينة متبانش كامل الا اذا كان باباها معروف

معك حق اخية الاكثر طلبا هي العاملة لان المجتمع اصبح ماديا تحكمه المصلحة و اغلب الرجال حتى من تربو في المدن المحافظة على الغيرة و الانفة انسلخو مما تربو عليه طمعا في المال بحجة التعاون فاصبح اول شرط لدى الرجل في اختيار الزوجة هو نوع الوظيفة =المرتب و التي يتنازل من اجلها عن بقية الشروط
لكن كل من فيه بقية من المروءةو عزة نفس يأنف من ان تنفق عليه زوجته فما بالك بداع الغيرة و الانفة التي لا تسمح له باختلاط زوجته بصالحي الرجال و اقربهم اليه فما بالك بطالحيهم و ما اكثرهم و لو كان المرتب بالملايين فالغيرة لا تسام باموال الدنيا
ثم الذي يدع الحليم حيران هو تناقض بعض النساء فمن جهة تريد من يقبل بعملها اذي لا تتنازل عليه لمن يشترط تركه و من جهة اخرى تريده تريده غيورا محبا وفيا يتزوجها لذاتها .... فكيف يجتمع هذا لها مادام لا فائدة للرجل من عمل المرأة غير مرتبها ؟؟؟ ؟؟؟ و اتحدى اي شخص يذكر فائدة اخرى للرجل من عمل زوجته غير المرتب
فاخترن معشر النساء بين احد الرجلين
رجل يسمح بعملك و بالتالي لا يغار عليك و من ثم لا تنتظري محبة و لا وفاءا فمن يرضى باختلاطك بالرجال فلزهده فيك و انشغاله بالتعرف على انواع النساء
او رجل لا يسمح بعملك و لا باختلاطك بالرجال لانه يغار على من يحب و لا يمكنه الخيانة التي يكون الجزاؤ فيها من جنس العمل
و لا تتحججن بنوع العمل فلا يوجد في الجزائر عمل يخلو من اختلاط

[hattal]

المشاركة الأصلية كتبت بواسطة رسيل بيان

من اي كوكب انت

اكيد انه من كوكب العفة و الغيرة و الانفة و المروءة و قليل ماهم ...اسال الله ان يثبته على الحق

[الماسة النادرة]

انا ماكثة في البيت ونتمنى لوكان راني خدامة قريت في باطل وزدت حتى غمة الدار هههههه مع المراة العاملة الى الامام سيدتي

[mounaminou]

المرأة العاملة هي اللاكثر طلبا .......هدا هو الواقع و مالازمش نكدبو........بما اني تربيت الحمد للله علا يد ام عاملة....نقولكم بللي اللي ماتخدمش خيير......لانو البركة و الله تروح ف البيت اللي تخدم فيه المرأة.....يوليو الدراهم مايكفيوش........و الاولاد لاكان ما انحرفوش (لاخاطر الام كي تخدم ماتقدرش تعسهم مليح)..........أكيد رايحين يتأثرو نفسيا بالغياب المستمر تاع الام.......و حتي كيتجي من الخدمة ف لعشية ماتلقاش الوقت للاولاد .....و لاكان لقات لوقت باه تقريهم و تربيهم أكيد ماتلقاش الوقت للاهتمام بروحها........و هكدا هكدا راهي مقصرة ف الزوج و ف الاولاد و ف روحها قبل كلشي.............