خبز مغنية تلمسان

صدفات · 2014-09-01, 15:53

السلام عليكم هاذ العام أتيحت لي الفرصة وشفت وأكلت خبز مغنية وهو رائع و خفيف.أرجو من كل حرايرنا الساجيات لي تعرف هاذ الخبز تحطنا الوصفة لتعميم الفائدة و شكرا.

صدفات · 2014-09-03, 15:28

ما هاذا يا اخواتي المغنويات اين هي ردودكن .

منال100 · 2014-09-05, 10:06

والله أنا ذهبت هذا العام الى تلمسان وأكلت خبز هنك دائري وخفيف أعجبني كثيرا لكن لاأعرف كيفية صنعه ربما هو المطلوع

تغرينية · 2014-09-06, 09:05

اقتباس:

المشاركة الأصلية كتبت بواسطة صدفات

السلام عليكم هاذ العام أتيحت لي الفرصة وشفت وأكلت خبز مغنية وهو رائع و خفيف.أرجو من كل حرايرنا الساجيات لي تعرف هاذ الخبز تحطنا الوصفة لتعميم الفائدة و شكرا.

اضم صوتي لك من مدة وانا نحوس على الوصفة

منال100 · 2014-09-06, 10:37

وينكم يا ناس الغرب

omar1982 · 2014-09-06, 23:50

je suis de maghnia demain je demande a ma mére et je vous donne la recette

omar1982 · 2014-09-06, 23:52

ne vous inquiétez pas les femmes

سماح 26 · 2014-09-07, 20:39

إلى كل من يبحث عن مطلوع تلمسان ومغنية الوصفة منقولة

السّلام عليكم ورحمة الله وبركاته

نبقى دائما في الأكلات التقليدية

وكلنّا لايستغني عن الخبز ،وخاصة خبز الدّار

والمطلوع فيه أنواع كثيرة وهذا نوع من أنواع مطلوع الغرب الجزائري

وتشتهر به مدينة ما (...........)

للّي عرفها من نصيبو خبزة سخونة

المقادير :

يعني صراحة أنا عيني ميزاني

خذي 2كيلو فرينة أنا نستعمل سفينة سوبار ورطل سميد رقيق يعني الدّقيق واذا كان عندك دقيق القمح أحسن

4ملاعق صغار خمارة الخبز واذا كانت عندك الخميرة الطّبيعية عملي حفنة

ملح حسب الّذوق

أنا طريقتي أضع الماء الدّافئ أولاّ ونذوّب فيه الملح ونضيف الخماّرة والفرينة والدقيق نخلّط جيّدا ونخليّه يتشرّب ويرتاح مدة15د

من بعد نشمخ يديّ بالماء وندلكو شوية 5د ونخلّيه يرتاح 10د من بعد نطّلقو يعني ندلك بشوي ونضيف الماء ونلطخو مليح ونخليه يشرب الماء ونعاود نفس الطّريقة للمرّة الثانية

لازم يكون مرخوف بزّاف ونخليوه يخمر ...ومين يطلع مليح نقطعوه خبيزات صغار نوضعوهم في الدقيق ونخليوهم يخمروا ثاني 15د نسخنوا الفرن مليح وطواجن وهو يطيب على ثلاث مراحل أولا نضع الخبزة في الطّجين سخون على (التريبي)وبمجرد ماتشد روحها ندخهلوها للكوشة سخونة ونارها تكون قوية ...باه الخبزة نتاعنا نتجي خفيفة وبها فراغات من الداخل ..ومن بعد نطلعوها الفوق باه تتحمرّ ...وأنا نخدم باثنين طواجن وبسرعة نكمل لخبيز ......

فهمتي أم خير الدّين ؟؟؟؟؟؟؟

أتمنّى أن تكنّ قد فهمتّن الطّريقة الموضّحة بالصّور .

والى القديم المميّز

تحيّاتي

صدفات · 2014-09-08, 15:21

شكرا لكي أخت سماح26على الرد و على المجهود راح نجربه و إن شاء الله يصدق لي كما حبيت نضيف ملاحظةخاصة بهاذ الخبزلما كنت في السوق الكبير في مغنية لاحظت ألواح دائرية مثقبة لما سألت البائع قال لي انهم يحطو فيها الخبز باه يقدروا يرفدوه و يحطوه في الفرن

عطر الخير · 2014-09-08, 19:22

rabi ybarak fik