تارت التفاح من مطبخي Tarte Au Pomme

[walido2011]

السلام عليكم اليوم درت تارت بالتفاح وان شالله تعجبكم



بالنسبة لمقادير العجينة:
250غ فرينة
125غ زبدة طرية
50غ سكر
50غ سكر غلاص
حبة بيض

أما مقادير الحشوة:
2 حبات بيض
100غ سكر
ساشي سكر فاني
25غ لوز محمص و مرحي رقيق
2 ياوورت ذوق تفاح

الطريقة :
نخلط النوعين تع السكر و البيضة و نضربهم شويا بالمضرب اليدوي ، ندخل الزبدة مع الفرينة مليح و نرملها و نضيف البيض و السكر و نجمعها و نغطيها و نحطها فالثلاجة تريح نصف ساعة.
و الحشوة نخلط كامل المقادير و نضربهم شويا بالمضرب اليدوي .
نحل العجينة بسمك 3ملم نقطع التفاح قطع متوسطة ما صغيرة ما كبيرة و نستفها فوق العجينة و نرمي خليط البيض و نحطها في الفرن 180° مدة 45 إلى 55 دقيقة.
و كي طيب نخرجها و ندهنها بالناباج من الفوق و نخليها تبرد.
و جي بنينة بزاف و ان شالله تجربوها و تعجبكم.