من فضلكم أحتاج إلى موظف يعمل في anem

[merwan]

السلام عليكم

من فضلكم أنا من بلدية بوقدير أعمل في CEM في اطار عقود ما قبل التشغيل.

شخص من الشلف يريد مساعدتي في منصب عمل دائم في شركة أو قالي لازملك بطاقة الزرقاء من أجل Bulletin كي رحت

للوكالة الجهوية للتشغيل بالشلف قالولي مستحيل ما عندكش الحق في Bulletin عندكم وكالة تشغيل في بوقدير و إلا بغيت

تسجل لازم جبينا شهادة شطب أو بيان إقامة من الشلف أو زادوا صعبوهالي كثر كي قالولي لازم تكون مسجل قديم عندنا

قلتلهم أنا ما نيش جزائري ؟؟

و أنا يا خاوتي مسجل في وكالة التشغيل ببوقدير عام 2003 إلى يومنا هذا، المسافة ما بين بوقدير و الشلف 24 كلم أنا

لم أفهم هل القانون هذا صح كاين منوا و إلا مطبق على الضعفاء ساعدوني من فضلكم أنا محتاج عمل راني رب أسرة أو

عندي إعاقة من أجل هذه الاعاقة هذا الشخص يريد مساعدتي في العمل فهل من أحد يساعدني على تجاوز هذه العقبة

وشكرا لكم.

[توريس22]

تقدر تحل المشكل نتاعك بالمعريفة لازم يكون عندك عرف متين باش تقدر تحول من منصب الى منصب اخر
وهذا بطلب التجويل تاخذه من الوكالة
مي هذه هي لالجيري عندك العرف رك من الناجحين معندكش كلاك بوبي
ان سراتلي هذا المشكل انا داير عقد مع مقاطعة الموارد المائية وجتاني بون اوكازيو في البريد توتيلار مي
قالولي لازملك عرف متين انا معندي لا عرف لا والو الشدة في ربي
هو الرزاق ......حاول باش تصيب عرف 100 ب100 يحل المشكل نتاعك

وربي يوفقك انشاء الله و يوفقنا نعاك

[merwan]

شكرا لك أخي بالتوفيق للجميع

[merwan]

أنا يا خويا راني عايش في جزائر أو حاير أنا مازال ما فهمتش همالا هذا القانون هو إلى ما يسكنش حذى البحر ما يكلش الحوت

[sirhaj]

السلام عليكم
صدقني أخي راهم يزلو فيك برك
لانهم لا يعرفون القانون....
كسر عليهم طابلة تجيب حقك كما دارو بزاف ناس

[merwan]

و الله عندك الصح

[khalifa200]

السلام عليكم خويا اذا راك تخدم كونترا daip عندك الحق تزيد تسجل فلانام مرة أخرى بصح cta بنفس الديبلوم لأنوا أنا راني درت كيما قلتلك عادي حقك و ما تسكتش عليه و بالتوفيق ان شاء الله و السلام