جامعية ولكن

[مشكلتي]

السلام عليكم ورحمة الله

بدون اطالة .انا فتاة متحصلة على شهادة الباكلوريا العام الفارط و طالبة جامعية شعبةفرنسية .مشكلتي انني سجلت وكل شيء لكن لم احظر اي درس لانني في صدد اعادة البكالوريا [ادعولي ...] وفي نفس الوقت مابلوكيتش العام لانني التحقت بمدرسة خاصة لتعلم اللغة الفرنسية وهذا يتطلب مني ان ابيت في الولاية ليومين متتاليين [اسكن باحد الدوائر المجاورة] لهذا تراجعت ومابلوكيتش العام باش نقدر نكمل نقرا في هذ ليكول ونستفيد من الاقامة .لكن المشكل انني حاليا بطلت من هذيك ليكول وراني في الدار نحظر للباك
وراني خايفة على بلاصتي في الجامعة لانو كاين شي ناس قالولي بلي ممكن يعاقبوك وينحوك كامل كلي ماديتش الباك كامل .ولعدت اسباب نفسية ومرضية وغيرها لم احظر جيدا للبكالوريا وراني خايفة

السؤال هو اسكوا العام الجاي نرجع نقرا عادي يعني يديروني كلي معيدة ولا ينحوني

واذا فيه احتمال ينحوني كامل اسكو نقدر دوكا ندير كاش حاجة قبل ما يفوت الحال[ مع العلم منيش متزوجة لانوا كاينة وحدة قاتلي اذا تزوجتي عادي ]

ارجوكم جاوبوني راني ستنا وبارك الله فيكم .في امان الرحمان

[magister]

السلام عليكم
بالتوفيق ان شاء الله
يا اختي اين هو المشكل تقدري تروحي للجامعة وتسالي هناك عن وضعيتك وهم راح يقولو لك بالتفصيل
ثم انه ما كاش واحد مسجل ينحوه كيما قلتي لكن يطلبو تبرير ممكن للغياب فحسب
انتي اخترتي هدفك والممفروض تواصلي في تحقيقه فقط ....حطي المخاوف على جنب وقدامك البكالوريا هي الحل لكل شئ ان شاء الله موفقة

[لحن الحياة.]

وعلاه تعاودي الباك ؟؟؟؟؟؟؟؟ لوكان بلوكيتي لعام و تبدلي الشعبة خطر إما ماكيش مقتنعة بيها أو ماكيش متمكنة منها
نصيحة حددي هدفا أو شعبة تحبييييييييييينها بشغف قبل التفكير في شعبة يراها الاخرون جيدة يعني ارضي نفسك ما تخمميش كشغل لازم نقرا هذيك البرونش باش كي نخرج نلقى خدمة الرزاق ربي ولا باش يقولو عني الناس اااااااايييييييي قرات كذا و كذا لأنو واحد ماراح يعيش معاك من بعد
ضرك اقراي للباك و ديري حاجة اخرى أو روحي لجامعة و سقسيهم واش تديري

[djamel123]

أنا أستغربت من قصتك
كيف أنك ضيعتي عامك الدراسي في الجامعة في تخصص الفرنسية حتى تدرسي الفرنسية في مدرسة خاصة ... كان الأولى بك أن تتعلمي الفرنسية في الجامعة وبهذا لا تضيعي عامك الدراسي وتتعلمين الفرنسية...

بالنسبة لمخاوفك فهي ليست صحيحة لكن نصيحتي أن تحضري على الأقل في الإمتحانات القادمة -إذا كان آخر أجل لتجميد السنة قد فات-

وتحاولي أيضا أن تسألي في الجامعة عن وضعيتك..... وإذا -لاقدر الله- لم توفقي في البكالوريا فتخصصك جيد وانصحك أن لا تفرطي فيه.

[mohameditdh]

يا الاخت عادي ماتخفيش على بلاستك في اسوء الاحتمالات رايح تعاودي العام
اذا كان عندك وقت ادخلي امتحان فصل الثاني او الاستدراك وحتى ماتدخليش عادي في الجامعة ماكش طرد ماشي كيما المعهد
اما الباك ان شاء الله تجبيه و بمعدل لخاطر راكي تعاودي يعني لوكا ن تبداي التحضير من اليوم برك يكفيك الوقت ة ربي يوفقك

[exellance]

اولااا بالنسبة للجامعة متخافيش مستحيل يديروك كلي مجبتيش الباك علااه وين رانا عايشين كما قالولك في اسوء الاحوال تعيدين السنة
عليكي الان الاهتمام بالبكالورياا فقط سيكفيك التحضير من الان وبامكانك التحصل على معدل جيد وديري التخصص لتحلمي بيه نتمنالك التوفيق

[Algam]

أختي لوكان بلوكيتي العام خيرلك لأنو كي تعاوديه رايحة تحرقي روحك بمعنى في المستقبل ان شاء الله في شهادة متقدمة مثل الماجستير او الماستر لن تكون لكي الأولية بل الاولوية لأصحاب النقاط المرتفعة واللي كانوا يبلعوا في العام والله تعالى اعلم

[محفوظ البسكري]

حصل لي مثل ما حصل لك لما نجحت في الباك لاول مرة انتقلت للجامعة ثم اعدت تسجيل في باكالوريا للمرة الثانية دون تضييع سنتي الجامعية لكني في الاونة الاخيرة اصبحت اغيب قليلا
ولكني ندمت لاني اعدت الباك صراحة الان تخرجت و مازلت منخرط في جامعة اخرى ولكني صراحة كرهت

[المستريح]

توكلي على الله فقد أجابك الإخوة والأخوات هنا وبالتوفيق لك......

[هدى عبلة نورة]

لا تقلتقي فكل هذا الكلام مجرد تفاهات فأن مثلك
عاودت الباك و كنت نقرى في لافاك
و لم يحدث لي اي شيء من الكلام الذي تحدثتي عنه

[bravo1]

دعي القلق جانبا و ارسمي اهدافك و ربي يوفقك لما فيه الخير

[كلنا راحلون]

الله يسهلك

عامي اول جامعة ماقريت وحضرت للامتحانات ............ السؤال هو اسكوا العام الجاي نرجع نقرا عادي يعني يديروني كلي معيدة ولا ينحوني...........................عام مازال ماكمل حضري للامتحان فقط لكتابة اسمك

[*باسم*]

مازلت عندك فرصة تقدري تبلوكي العام وتدليهم شهادة مرضية والعام الجاي تسجلي نورمال لكن إذا مازال ما كملش الديلي تاع لبكولي

[ام ريتاج الجزائرية]

ربي يوفقك اختي

[زهرة بنفسجية]

اختي عادي لا تقلقي ان شاء الله تجيب الباك بالمعدل اللي راكي جابته اولا وثانيا راكي محسوبة في الجامعة كلي عاودي العام لا يحاوزك لا يقولولك حاجة ان شاء الله
انا عاودت الباك و مابلوكيتش ومحضرتش عامي الاول في الجامعة وكي جبت الباك درت واش كنت حابة وفي اول العام خرجت الباك تاعي القديم من الجامعة الاولى عادي جدا
ربي ينجحك