نحبــــها جزايـــرية

KHAN DZ · 2012-02-02, 15:56

نحبــــها جزايـــرية

*

*

*

*

مانحبهاش سورية ولا لبنانية
ما تملى عيني الا جزايرية
نحبهاجزايرية في القلب تعز عليا
في الحوش نتعاركوا وتعيط عليا
وقدام الناس اتحبني وتموت فيا
نحبهاجزايرية عند امها تشكر فيا
وقدام صاحبتها العانس (وااااع كيما احنا ) تتباهى بيا
نحبهاجزايرية
وكل يوم برجالة صاحباتها تقارن فيا
سمية راجلها جابلها ثلاجة أصلية
وكان تشوف طقم الالماس اللي شراه لفتحية
وانت حتى في عيد الحب ما شفت منك هدية
يا مرتي يا جزايرية هاذو يكذبوا عليك باش يفسدوا عليا
اكذبي عليهم حتى انتي وقولي انه ماشي منقص شي عليا
وقولي كل سنة نصيفوا في اسبانيا ولا تركيا
وكل عام سيارتي يغيرلي فيها من مازدا لكيا
نحبهاجزايرية تصرف بزاف وتفلس فيا
ما يهمهانتحاوز مالخدمة ومبهدلة بيا
نحبهاجزايرية عسل وأحلى من الشامية
يكذبوا عليكم مافيش راهو أحلى جزايرية
نحبهاجزايرية ... اللجزايرية انحبها وانموت فيها
نحبها عسولة ولا تكون جوها مليح عاصمية
ولا من الشرق لو نزعفها خوتها يهجموا عليا
ولا تكون من الصحرا خمرية
نحبها نايلية زينة وكبيرة في العقلية
ولا حتى من الغرب ما تخون ولا تنكد عليا
نحبها تكون بيضاء امازيغية
كي تتكلم منفهم شي من القبايليا

المهم نحبها تكون جزايية

ماجدة2009 · 2012-02-02, 20:44

راك طلعتلي لمورال
بارك الله فيك

فراشة الذهبية · 2012-02-03, 17:13

بارك الله فيك

ROSAWA · 2012-02-07, 15:19

هاكا الهدرة شكرا كيما قالت طلعتنا امورال

KHAN DZ · 2012-02-09, 01:50

راني في حملة تطليع المورال لبنات بلادي

نرجو الدعم من الشبيبة بناتنا راهم بااااااارو
هههههههههه
نتمسخر برك

مشكوووووووورين على المرور الحلو يا حلوين
نورتم صفحتي بعبير إطلالتكم