معا لصيام رمضان ايمانا واحتسابا

أم شاهين · 2015-06-07, 15:22

مساء الخير يا بنات
بعدما نظفنا بيوتنا تنظيف عميق وغيرنا الديكور وجهزنا المطبخ وحضرنا ما يلزمنا لاستقبال الشهر الكريم وبعدما نقصنا على رواحنا قضيان وقضيات هذا كاااامل لربح الوقت واستثماره في مختلق انواع العبادات
درك جاء وقت كل وحدة فينا تحط برنامجها الرمضاني من ناحية العبادة وكل وحدة تقوللنا وش ناوية تدير حاجة جديدة في رمضان تتقرب بيها لربي سبحانه
كيفاش ناوية تختم القرآن كم جزء تقرا في النهار ولا كم صفحة
شحال من ركعة ناوية تصلي قبل ووراء كل صلاة
اي ادعية ناوية تدعيها
والصدقة كيفاش وباي طريقة ناوية تصدق
ما هي الايجابيات لي ناوية تقوم بيها والسلبيات لي فيها حابة تنتهز فرصة الشهر الكريم وتتخلى عليها

اعطونا افكار وطرق نتعاونو بيها ونتقربو كامل لربي سبحانه
نبدا انا واعوذ بالله من كلمة انا
حبيت نحكم ورقة وقلم ونسجل عيوبي وناحول من الآن ننقص منها حتى ان شاء الله يخرج رمضان ونكن نحيتها
نحاول قدر المستطاع نتحكم في اعصابي وما نقول حتى كلمة تقلق واحد ولا تجرحو ونحاول انو يخرج مني غير الكلام الطيب
نخصص سينية كل يوم فيها شوية من كل حاجة طيبتها للفطور ونخرجها وحابة نبقى على هذه العادة حتى بعد رمضان
مصحفي وين نكون يكون معايا في الطريق للعمل ولا في العمل ولا في الرجعة منو وراء كل صلاة نقرا شوية (مازال ماحددتش شحال) ونعطيلو اكبر نصيب وراء الفطور
الصلاة نحافظ على النافلة وبعد العشاء نصلي قد ما قدرت ركعات ومور الفجر
وللذكر نصيب وين ما نقدرش نصلي ونقرا في المصحف رايحة باذن الله نحافظ على الاذكار يعني وانا نخدم في الشغل وانا نوجد في لفطور وانا ماشية في الطريق
ان شاء الله تزيدو تنورونا بافكاركم واقتراحاتكم ونكونو مع بعضانا وحدة تحفز الاخرى ان شاء الله
الفكرة هذا وين جاتني لذا الافكار مشوشة شوية وماشي مرتبة

houda2006 · 2015-06-07, 16:45

اشكرك اختي الفاضلة على طرح هذا الموضوع العضيم الله يجعله في ميزان حسناتك و يجعلنا من صيامه و قيامه ان شاء الله

أم شاهين · 2015-06-08, 08:13

العفو اختي هدى ان شاء الله نكون مع بعض وربي يقدرنا على صيامه ايمانا واحتسابا يا رب

أم شاهين · 2015-06-08, 14:20

كااامل هذه المشاهدات ولا رد

أم شاهين · 2015-06-09, 13:56

للرفففففففففففففففففففففففففففففففففع

ام تقوى 34 · 2015-06-10, 21:39

السلام عليكم اختي بارك الله فيك على هدا الموضوع القيم اللهم بلغنا رمضان واعنا على صيامه وقيامه

Nadiamanal · 2015-06-10, 23:49

رانا وجادين و الحمد لله كل عام يرجع لينا بخير

ران الذكية · 2015-06-13, 14:51

بارك الله فيك أخت أم شاهين و رمضانك مبارك ان شاء الله عليك و على كامل المسلمين
حقيقة موضوعك هايل و رمضان فرصة لازم ما نخلوهاش ضيع منا من غير من نستغلوها أحسن إستغلال
البرنامج تاعك مليح و عجبتني فكرة الصدقة من الفطور ربي يجازيك عليها
حبيت نضيف حاجة انا شايفتهافي أمي ربي يحفظها النية قبل ما تبدا تحضير الفطور تنوي انها رايحة تخدم لوجه الله و لافطار الصايمين ايضا فيها عادة حسنة هي كثرة الاستغفار
انا في نهار رمضان نستغل الفترة الصباحية في الاعمال المنزلية و جزء كبير لقراءة القران، العام اللي فات كنت نكتب الأدعية الخاصة بكل يوم في رمضان و نعلقها في المراية في الهول و أكيد كاااااااااااااامل يفوتو عليها و يشوفوها و يقراو الدعاء، هاد الفكرة بالذات عجبت بابا و شكرني عليها

هادا وش راه في بالي في هاد الوقت كي نتفكر حاجة رايحة نفيدكم بيها بإذن الله
سلالالالالالالالالالام

رزيقة16 · 2015-06-13, 15:00

ياراك الله فيك الاخت نشا لله نصوم با الصحة و الهنا و ربي يتقبل منا انشا لله

Hichem1998 · 2015-06-13, 18:36

السلام عليكم انا اختكم في الله سجلني اليوم اخي ببريده لاني لا اعرف المهم ربي يقدرنا ونصومو رمضان ايمانا واحتسابا انا ايضا اريد وضعبرنامج للعبادة خاصة انو هذا العام بنتي عندها عام والتربية تاخذ وقت بصح ان شاء الله ربي يقدرنا ويتقبل منا

أم شاهين · 2015-06-14, 08:20

بارك الله فيكم جميعا وربي يقدرنا ان شاء الله ونصوموه بالصحة ولهنا ونكترو فيه العبادات ونبتعدو قد ما نقدرو على المنكرات ولحوايج لي ماشي مليحة اخت ران الذكية عجبتني فكرة الدعاء لكل يوم في لمراية والله هايلة صح ماكانش لي يفوت على لمراية وما يشوفش روحو مالا هكا يدي معاها الاجر ان شاء الله تاني ونتي تديري في اشغالك المنزلية حيث ما تقدري لا تصلي لا تقراي قرآن استغلي الوقت في الاذكار والله ما تفيقي تلقاي روحك كملتي بكري وربحتي الاجر
حضرتني فكرة اخرى وهي صلة الرحم لي اهاليهم قراب ليهم يقدرو يعملو برنامج كل يوم يزورو واحد ولي بعاد عليهم يخصصو يوم في الاسبوع ولا في 15 يوم ويتصلو بالجميع يسقسو عليهم على احوالهم وهادي عادة ان شاء الله نداوموها حتى بعض رمضان وهكا نحسنو علاقاتنا مع ربي ومع الناس ان شاء الله

0ibtissam · 2015-06-14, 10:24

بارك الله فيك ان شاء الله ربي يقدرنا على صيامه وقيامه

أم شاهين · 2015-06-15, 15:10

آآآمين يا رب

فاتي تيارت · 2016-04-07, 10:45

اشكرك على طرح هذا الموضوع العضيم الله يجعله في ميزان حسناتك و يجعلنا من صيامه و قيامه ان شاء الله
انا يوميا اقرء جزء من القران مع كل ايام السنة واصلى8ركعات نافلة يوميا الحمد لله