حياتي المملة و التعيسة

[مشكلتي]

كانت عندي صديقة هب بنت خالي و كي بدلت الولاية ولات متهدرش معايا لانها تحوس على مصلحتها فقط لكن المشكل كانت تهدر معايا لمدة شهور كل يوم بلكام و كنا نشايخو و نضحكو و ذركا كي راحت خلاتلي فراغ كبييييير لانها هي الصديقة الوحيدة اللي عندي و دكا جاتني الوحدة ...و جاني الملل مللت من كل شيء و مالقيت ما ندير حتى مواقع التواصل الاجتماعي تفرجت كلش فيهم البرامج و المسلسلات و الافلام و اليوتوبرز لدرحة ولات معندي حتى حاجة نتفرجها متقولوليش عندك الفراغ راني متخرجة من الجامعة و بطالة ملقيتش خدمة راني قاعدة في الدار كرهت حياتي و زيد عايشة في دوار و معنديش معامن نخرج نحوس صديقة يعني
مين نلقى صديقة ؟؟؟ و نحوس في الواقع مشي في المسنجر
و لاه تبانلي بللي الدنيا هاذي كاملة مملة و مفيها حتى حاجة ممتعة راني في اكتءاب خاد و نشوف في الدنيا ظلمة ...كيفاه ندير بليز عاونوني

[نورسين.داية]

السلام عليكم

إذا كانت مشكلتك واقعية سوف أجيبك جواب بسيط جدا أتمنى ان تستوعبيه بعقلك و ليس بعاطفتك ، فمن خلال كلماتك يبدو أنكي رافضة لأي حل ......، عموما هذا رأي: أي مشكلة تواجهنا في أيامنا هذه يجب أن نقرأ الرسالة اللتي يريد نا الله عز وجل أن نتعلمها هناك رسالة يجب أن نفهمها تعبر عن خطا نرتكبه يريد الله عز و جل أن يقومه في شخصيتنا سواء على الصعيد الديني المالي الصحي الإجتماعي ، مثال:

رحيل هذه الصديقة معناها يجب أن تتعلمي الإكتفاء الذاتي و الإستغناء على الغير ، و الله أعلم هذا إستنتاج شخصي من خلال ما كتبتي فقط . ربما هناك أمور أخرى ...يجب أن تعيدي إستقراء حياتك و إعادة ترتيب أولوياتك


بالتوفيق عزيزتي

[مراد سابقا10]

هو في هذا الزمان العزلة خير خير لأنوا زمان حسد وبغض ومصالح

وانت تقولي صاحبتك هذي مصلحية مالا معندك ما تديري بيها

بصح هذا لا يعني انوا لا يوجد بنات فاميليا تقدري تشاركيهم حياتك

صح ولاد الفامليليا وبنات الفاميليا قلال بصح مازال الخير كاينة ناس طيبين

كيما انا الناس نقول سلام سلام فقط بصح مع لعشية عندي مجموعة انتاع ناس طيبين

نقعد معاهم نقصروا شوي ونروحوا للدار


انت غلطتك في الأول انك درتي فرد صديقة استحوذت على حياتك وكي راحت القيتي روحك والوا

وهذي غلطة كبرى في الحياة لازم تديري حساب للزمن بلي ميقعد حتى واحد في حياتك ولو ابوك وامك

زيدي انت تقولي راكي جامعية وملقيتيش خدمة انا حسب ظني جاء الإدماج ودمجوا بزاف وين كنتي انتيا

زيد اذا بغيتي تكوني صداقات لازم تخرجي من القوعقة انتاع الدار ابحثي على عمل ولو ليس في مجالك الجامعي

واذا مكانش عاودي تدير تكوين مهني حلاقة او خياطة لأنوا الدوار بالذات مفيهش مستقبل اذا قعدي تبعي فيه

حتى الزواج اذا قعدي في الدار واش كون يشوفك ويتزوجك انا ننحصك روحي للمساجد دورات تحفيظ القران

شارطي في النشاطات الجمعوية والثقافية بصح في اطار محترم طبعا.

[sohaibdz]

حياتك المملة و التعيسة يوجد الملايين من البشر يتمنونها ، توبي الى الله و سوف ترين كل شيء جميل

[ahra]

ومن اعرض عن ذكري فإن له معيشة ضنكا ... فقط ارجعي لله واكثري من استغفار
ربي فقط يريد ان يخبرك ان لا احد يدوم لك غيره فارجعي اليه

[نافعة(=]

روحي للجامع اتعلمي التجوبد وحفظ القرآن
ونتم لي تلقاي صحابات لي همهم الآخرة وميصاحبوكش علاجال المصلحة