الفرق بين شركة schlumberger و سوناطراك (رجو التوضيح)

lamine-or · 2015-08-20, 17:52

السلام عليكم اخوتي الكرام
اما بعد

اخوتي اريد توضيح ان امكن من اهل الاختصاص و من لديهم معرفة او معلومات حول الموضوع
ماهو الفرق بين شركة schlumberger و سوناطراك و كيف هي ظروف العمل
ومن هي افضل من حيث الاجور وكم هي بالنسبة للتقنيين و المهندسين
هل التخصصات المطلوبة هي نفسها
ارجو المساعدة من اي شخص قد شارك في مسابقة التوظيف في اي من الشركتين او يملك اجابة لاي من استفساراتنا المساعدة و ربي يجازيه ان شاء الله
و بارك الله فيكم اخوتي

lamine-or · 2015-08-20, 17:54

قرات الموضوع المثبت حول شركة شلومبرغي
لكن بقيت هذه التساؤلات نحتاج اجابة لها
وبارك الله فيكم

عبدالرحمان 90 · 2015-08-26, 13:42

السلام عليكم

اخي ارجو لك التوفيق اولا، فيما يخص سؤالك شركة شلومبراجي فهي شركة خدمات اجنبية وسوناطراك راك تعرفها. فيما يخص العمل بهاتين الشركتين فلكل له ايجابيات وسلبيات .
- العمل بشلومبارجي :
*متعب نوعا ما خصوصا لما تكون جديد
*الاجازات لما تكون جديد تعمل بنظام 6/3 تعمل 6 اسابيع وتريح 3 لكن وقت مايحتاجوك يعيطولك يعني ممكن ماتكملش 3 اسابيع ويعيطولك تخدم ، اما لما تقدام شوية تولي تخدم 5/4
* الراتب مرتفع جدا مقارنة مع سوناطراك لكن لما تكون جديد تخلص غير 4 او 5ملايين, ولما تقدام شوية معناه 5 سنوات عمل ممكن يوصل الراتب الى 45 مليون لكن لما تكون خدام ما تخلصش كيما تكون فالاجازة نسيت نقطة مهمة الراتب يختلف لما تكون تعمل فالمكتب او تعمل فالشانطي نتاع الشانطي يكون اكثر
*الشركة ترسلك على حسابها لعمل تكوينات بالخارج
*في حالة عدم وجود عمل للشركةمعناه ما يحتاجزج العمال بزاف يسرحوك بكل سهولة
-العمل في سوناطراك
*نخدم رايح خلاص لان اغلب عمال الشركة يقومون بالاشراف على ماتقوم به شركات الخدمات الاجنبية او الوطنية يراقب برك ويامرهم واش يديرو
*الراتب ضعيف مقارنة بالشركات الاخرى التقني يخلص تقريبا 10 ملاين والمهندس 12 مليون لكن يختلف باختلاف المنطقة معناه لي يعمل فعين صالح يخلص اكثر من لي يعمل في حاسي مسعود ولي يعمل فالشانطي يدي اكثر من لي يعمل فالمكتب
*تخدم 4/4
*شركة وطنية معناه مايسرحوك ماوالو الا ادا كان خلات الدزاير

انا ننصحك ادا كان حاب تدير الدراهم روح للشركة اجنبية لكن حط في بالك بلي راك رايح تتعب نتاع الصح 12 ساعة نتعاك تحكها خصوصا فالشانطي وبلي اغلب الوقت تعديه فالخدمة كلما يحتاجوك يعيطولك

وفالاخير كاش ماخصك انا راني هنا ودعينا معك خويا لعزيز