|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
"خاص بالطلبة الذين وجهوا للطب في سيدي بلعباس" تجربتي في السنة الأولى، نصائحي والكثير من التفاصيل
 |
|
|
أدوات الموضوع | انواع عرض الموضوع |
2015-07-29, 20:56
|
رقم المشاركة : 1 | ||||
|
"خاص بالطلبة الذين وجهوا للطب في سيدي بلعباس" تجربتي في السنة الأولى، نصائحي والكثير من التفاصيل
السلام عليكم ورحمة الله وبركاته
أولا وقبل كل شيء مبروك عليكم الباك العقوبة لشيء آخر ان شاء الله لاحظت أن المواضيع التي تتكلم عن الطب وبالأخص السنة الأولى تقريبا متشابهة ولا تمد بمعلومات كثيرة.. لذا قمت بهذه المبادرة لأتكلم عن تجربتي وعن كل ما يخص السنة الأولى في سيدي بلعباس بأدق التفاصيل كيما تحبو نتوما ههههه خاصة وأنني مررت بأوقات صعبة ولم اجد من يساعدني أو من يعطيني معلومات كافية.. أظن أن أهم الصعوبات التي ستواجه الطلبة الجدد هي كثرة المواد، اللغة الفرنسية لدى البعض، ضيق الوقت، عدم معرفة تنظيم الوقت للمراجعة والحرية.. نعم الحرية لأنك ستصبح حرا في حضورك للدروس وفي المراجعة .. اود أن أوضح أن طريقة الدراسة والمراجعة تختلف عن الثانوية.. فعليك أن تدرس بصفة يومية ولا تضيع الكثير من الوقت و إلا ستتراكم الدروس عليك بسرعة البرق صدقني. ويجب أن ترسخ في ذهنك أنك تدرس لتصبح طبيب ناجح ماشي باش تبلع العام وخلاص لأنو malgré كاين بزاف دروس ما تحتاجهاش مستقبلا لكن عليك أن تعرف كل شيء وإذا والفت عقلية نقرا باش نبلع العام غادي تضيع في الأعوام المقبلة. الفترة الصباحية مخصصة بالدروس أما الفترة المسائية فهي مخصصة للأعمال الموجهة TD والأعمال التطبيقية TP التي ستدرسونها كل أسبوعين، يعني أسبوع تقراو حشية و أسبوع ماتقراوش.. بالنسبة لاستعمال الزمن الخاص بالدروس يعطى لكم في اليوم الأول ويعلق طيلة العام في département وفيما يخص استعمال الزمن الخاص بالأعمال التوجيهية والتطبيقية سوف يعطى لكم في الأسبوع الأول او الثاني و سيتم تقسيمكم إلى أفواج. Anatomie علم التشريح مادة رائعة و فيها الكثير من المصطلحات الجديدة لكن ستتعود عليها مع الوقت وسوف تصبح تتقنها بسهولة.. المعامل 2.. سوف تدرسون l’anatomie du membre supérieur et du membre inférieur تحتاج إلى كتابين للأستاذ SI SALAH HAMMOUDI تدرسك الأستاذة آمال.. مليحة بزاف mais واعرة c’est pour ça مالازمش تغلطو معاها sinon تحقد عليكم توجد مصطلحات جديدة ومصطلحات قديمة.. لستم مجبرين بحفظ الإثنين.. لي جاتكم ساهلة حفظوها عند حضور الدرس جيب معاك الكتاب و قلم الرصاص.. وتبع مع آمال.. هي تشرح الدرس ونتا تبع في الكتاب وسطر على كامل واش تقول وبعد الدرس اعد كتابة كل ما سطرت عليه في ورقة واحفظ منها.. هذا هو السر في هذه المادة والقليل يعرفه لأن الكتاب فيه تفاصيل كثيييييييرة و بعض الأخطاء ولن تستطيع ان تحفظ كل شيء !! الشيء اللي تقولو آمال في الدرس هو الملخص وهو الأهم. راني نأكد ونزيد نأكد !!! في الدرس جيبو الكتاب وقلم الرصاص وسطرو على واش تقول آمال وعاودو كتبو الملخص واحفظوه على ظهر قلب.. لا تشتروا الملخصات التي تباع في المكتبة ماراحش تفيدكم.. حاولوا ان تحفظوا دروسكم بنفس اليوم أو الويكاند تع نفس الأسبوع باش توجدو رواحكم لـ TP وصدقوني إذا اتبعتم هذه الطريقة الحفظ يجيكم ساهل . اما عن المجالات التدي تدرسها فهي: L’ostéologie تدرسون العظام. لازم تحفظو schéma لأنو قادر في الإمتحان تقوللكم ارسموا.. Donc il faut que تعاودو ترسمو العظم مع جميع البيانات واحفظوه مليح L’arthrologie تقراو على les articulations .. ركزوا على النقاط التالية: la définition, les surfaces articulaires, les moyens d’union et la cavité articlaire.. هاذو هوما المهمين أما l’anatomie fonctionnelle ما تركزوش عليها بزاف، اضربو عليها غير طلة خفيفة La myologie تقراو على العضلات Les vaisseaux تقراو على الشرايين والأوردة Les nerfs الأعصاب لا تهملوا الرسومات !!! تعاونكم بزاف في الحفظ باش ما تنساوش أنصحكم بحفظ جميع عظام الجسم والعضلات إن تمكنتم من ذلك قبل الدخول الجامعي c’est la moindre des choses !! نوع الأسئلة: qcm , questions de cours, schémas Cytologie علم الخلية تدرسون فيها على الخلية ومكوناتها بالتفصيل. المعامل 2.. عموما النقاط فيها شوية ضعيفة لكن كاين نقاط ممتازة جدا,, لازم تحضروا الدروس لازم !! يدرسوكم أستاذتين Mme RIH et Mme EL MAHI .. الدروس تاع هاذ المادة تباع في المكتبة لكن لا تعتمدوا عليها كليا لأن الأستاذة تقول أشياء لا توجد في le polycopié .. تبعو معاها أثناء الشرح وسوف تملي عليكم تلك النقاط الإضافية وراح تدير منها معظم أسئلة الإمتحان ولهذا كتبو كامل واش تقوللكم واحفظوه على ظهر قلب.. تقدرو تسجلو الحصة (بالصوت فقط لأن الصورة ممنوع) كي تشرو الدرس شوفو واش ناقص و أضيفوه. هذه المادة فيها TP تديرو فيها تجارب خفيفة وتكتبو le compte rendu وتعطوه للأستاذة في آخر الحصة.. كاين مشروع تديروه في السداسي الثاني.. ما نعطيكمش التفاصيل بزاف parce que la prof تفهمكم كلشي. ننصحكم باش تراجعو دروس الخلية قبل الدخول الجامعي وحاولو تعرفو المصطلحات بالفرنسية خاصة الطلبة لي عندهم مشكل في اللغة. شوفو الإمتحانات السابقة لمعرفة نوع الأسئلة وأيضا لأن بعض الأسئلة تعاد نوع الأسئلة: qcm, qcs ; schéma, commenter un schéma, questions Histologie & Embryologie علم الأنسجة والأجنة من أسهل المواد تعتمد أساسا على الحفظ.. معامل كل مادة 1.. تدروسونها بالتناوب يعني أسبوع تدرسون Histo وأسبوع تدرسون Embryo .. الدروس تباع في المكتبة.. شخصيا لم أكن احظر الدروس ماعدا الحصة الأولى.. لازم تحفظو مليح لأنو تعاونكم بزاف تقدرو تدو فيها نقاط ممتازة حتى 19.. إذا لم تحظروا الدروس اغتنموا الفرصة للمراجعة أو للنوم والراحة ههههه المادتين فيهما أعمال تطبيقية TP ماتديروش فيها حاجة كبيرة.. يعاودو يشرحلكم الدرس فقط ننصحكم باش تراجعو دروس التكاثر(الأجهزة التناسلية، الإباضة، التلقيح، الهرومونات.. الخ ) و كيف كيف شوفو المصطلحات بالفرنسية قبل الدخول الجامعي ننصحكم أيضا باش تشوفوا الإمتحانات السابقة وامتحانات الكليات الخرى (تلقواهما على الأنترنت) لان نصف الأسئلة تعاد كل سنة نوع الأسئلة: qcm Génétique علم الوراثة الدروس سهلة تقريبا كما درسناها في الثانوية.. المعامل 2.. تدرسكم Mlle HAMZA CHERIF Fatima Zohra السامطة -_- والمدعوة Ftita.. دروسها لا تباع في المكتبة لذا عليكم حضور الدرس أو الإعتماد على مراجع أخرى.. مع أن المادة سهلة الفهم إلا ان النقاط فيها كارثية بمعنى الكلمة لكن هناك من أخذوا 14، 15، 16 حتى 17 مارانيش حابة نهبطلكم المورال مي هادي هي لازم تعرفو واش كاين باش ما تنخلعوش.. هذه المادة فيها أعمال موجهة TD حيث تقومون بسلسة من التمارين.. عليكم الإتباع جيدا لأن السر في هذه المادة ليس الحفظ و إنما طريقة الإجابة,, عليكم ان تنتبهوا على جميع النقاط المتبعة اثناء الإجابة وإليكم مني هذه النصيحة: إذا طاحت فيكم أستاذة أخرى في TD احظرو عندها بكل تاكيد لأنه ممنوع الغياب بدون مبرر وفي الأسبوع اللي ما عندكش فيه les TD احظر مع كاش فوج عند Ftita راح تستفيد من عندها بزاف (هي سامطة في الدرس برك بصح في TD تكون مليحة) وركز معاها مليح في النقاط التي تركز عليها أثناء الإجابة لأنها هي من تقوم بتصحيح الأوراق ولهذا لازم تعرف الطريقة تاعها. لازم تكونوا واجدين في كل حصة تع TD لأنو قادر تديرلكم test أنصحكم أن تراجعوا قوانين ماندل الثلاثة، الإنقسامات الخلوية (la mitose et la méose)، دروس تضاعف الـ ADN ، الإستنساخ والترجمة. ومن المستحسن قراءتها بالفرنسية حتى تتعودوا. نوع الأسئلة: على شكل تمارين Chimie الكيمياء في الكيمياء تدرسون chimie générale et chimie organique كل واحدة على حدا.. لكن الإمتحان يتضمن كليهما وسوف يكون التنقيط كالآتي: 10points pour la chimie générale et 10points pour la chimie organique .. معامل الكيمياء 2.. تقومون بأعمال موجهة وتطبيقية.. النقاط فيها كــــــــارثية أنصحكم بالتركيز على chimie générale لأنها هي من ترفع العلامة ... chimie organique مهما فعلتم الأستاذة لا تعطي نقاط جيدة.. أنصحكم كذلك ببذل جهودكم في هذه المادة في السداسي الأول لأن لكم حظ أكبر في أخذ نقاط جيدة في هذا السداسي.. لاتهملوا المشاركة في حصص الأعمال الموجهة TD لأنها هي من ترفع معدلكم السنوي في المادة.. تفادوا كذلك الغيابات الغير مبررة، لأنها ستنقص من العلامة و قد تؤدي إلى إقصائكم إن بلغت 3 غيابات غير مبررة وبالتالي سيتم إقصاؤكم من المادة وسوف تعيدون السنة لا محالة (في جميع المواد ليس فقط في الكيمياء). بعد كل حصة TP حضروا le compte rendu لتعطوه للأستاذ واتركوا لأنفسكم نسخة حتى تراجعوا منه لــ examen de TP في آخر السنة. 1. Chimie générale سوف يدرسكم أستاذ رائع.. عليكم حضور الدروس عنده.. يشرح جيدا و يملي عليكم الدرس.. توجد عدة دروس قد درستموها في الثانوية.. عليكم دراسة هذه المادة جيدا لأنها هي من ترفع العلامة في chimie كما قلت سابقا.. راجعوا دروس التحولات النووية جيدا، بنية الذرة والنواة، قوانين الكيمياء. 2. Chimie organique الأستاذة مملة ودروسها مملة، تعقد كل شيء وتقوم بالكثير من الأخطاء.. شخصيا، لم اكن احضر كثيرا دروسها ولما أحضر أندم كثيرا بعد ذلك.. قرار حضور دروسها أو عدم حضورها يعود لكم طبعا ولكن إن لم تحضروا فاعتمدوا على مراجع أخرى للدروس.. أستاذة الأعمال الموجهة TD رائعة وكل من لم يفهم الدرس سيفهمه عندها.. لكن الأستاذة دائما مشنفة وواعرة على الرغم من انها تشرح جيدا.. عليكم أن تحضروا التمارين مسبقا .. خذوها من أفواج اخرى.. لاتنقلوا الحلول حاولوا الفهم ولو قليلا لأنها احيانا تأخذ قائمة الطلبة وتطلع أي واحد للسبورة لحل التمرين وتقعد غير تسقسي فيه.. vous n’avez pas intérêt تقولولها ما حليناش وإلا تعطيكم علامة مش مليحة.. نتوما حاولوا تفهموا وهي تزيد تفهمكم أكثر.. شوية من عندكم وشوية من عندها. راجعوا دروس الكيمياء العضوية وخاصة التسمية لكن بالفرنسية ماشي بالعربية.. سوف أضع لكم درس عن التسمية رائع قراو منو لأنو التسمية تحتاجوها عام كامل هاهو رابط درس التسمية La nomenclature : https://www2.unine.ch/files/*******/s...menclature.pdf نوع الأسئلة: تمارين أو qcm على حساب الأستاذ كل عام وكيفاش Biophysique تشرف أستاذتين على تدريس هذه المادة وهما Dr SEMMAH & Dr HADJ CHAIB بالإضافة إلى أستاذة ثالثة وهي الفيزيائية Mme BELHADJ التي ستدرسكم فقط بضع حصص physique في السداسي الأول أو الثاني (كل عام وكيفاه، حنا قراتنا في السداسي الأول) عليكم حضور دروسها لآنها تملي.. أما الأستاذتين HADJ CHAIB & SEMMAH لم أحضر دروسهما طيلة العام إلا بضع مرات.. تقومان بقراءة الدرس والشرح في حالة لم يفهم أي طالب دروسهما تباع في المكتبة.. إذا تمكنتم بفهم الدروس المطبوعة فلا داعي أن تحضروا الحصص.. حاولوا ان تحضروا تمارين الأعمال الموجهة مسبقا ولا تهملوا المشاركة.. احفظوا التعريفات والقوانين,, صحيح كاين قوانين بزاف بصح معندكمش الاختيار.. امتحاناتها سهلة ما عليكم إلا تطبيق القوانين.. في السداسي الذي تدرسون فيه physique مع biophysique ركزوا بزاف بزاف على physique لأن أسئلتها جد سهلة و هي التي ترفع لكم العلامة. نوع الأسئلة: exercices, excercies sous forme de qcm ou qcs, qcm, qcs, schéma Physiologie معامل المادة 1 ,, يدرسكم عدة أساتذة.. رجل في السداسي الأول وامرأتين في السداسي الثاني (لا اتذكر أساميهم).. بصراحة لم أحضر الدروس في السداسي الأول لكوني أكره الأستاذ و لهذا ما نقدرش ننصحكم.. لكن في السداسي الثاني احضروا الدروس لأن إحدى الأستاذتين تملي.. كاين أعمال موجهة في المادة يعاودو يشرحلكم الدرس ويعطولكم ملخص يفيدكم في حل عدد قليل فقط من الأسئلة فلا تعتمدوا عليه اعتمادا كليا.. راجعوا دروس الجهاز العصبي والرسالات العصبية.. تحتاجوها في السداسي الثاني مارهيش صعبة قادرين من الدرس فقط تفهموها ( العلميون قراو الجهاز العصبي في القسم النهائي لكن الرياضيون لا .. لا تقلقوا انا أيضا كنت رياضية وصدقوني من أسهل الدروس) نوع الأسئلة: qcm ; qcs Biostatistique المعامل 2 ..في السداسي الأول يدرسكم الأستاذ Mr TALEB دروسه تباع في المكتبة وفي السداسي الثاني يدرسكم أستاذ آخر يملي الدروس عليكم ولذا يجب عليكم الحضور للفهم والكتابة لأنها دروس جديدة وتحتاج الفهم وليست في غاية صعبة والأستاذ بنفسه رائع ما تكثروش برك الهدرة والضحك عندو.. لم أحضر الدروس في السداسي الأول، كنت نكره الأستاذ طالب.. لا يجيد الكلام باللغة الفرنسية ويقوم يالكثير من الأخطاء في الفرنسية، ما كنتش نقدر نركز معاه من كثرة الأخطاء لكنه رياضي بمعنى الكلمة.. بزاف يفهمو عندو مليح.. في حصص الأعمال الموجهة TD يدرسكم هو و قادرة تدرسكم أستاذة اخرى حابسة.. إذا طاحت فيكم هاذيك الأستاذة الحابسة bien sur لازم تحضروا ما عندكمش الحق تتغيبوا شاركوا عندها من اجل النقاط وحاولوا تحضرو مع الأفواج التي تقوم بالأعمال الموجهة عند الأستاذ طالب في الأسبوع لي ماعندكمش فيه les TD .. الأستاذ صعيب شوية ويقزع ومايحبش التأخير ولا واحد يدخل موراه، لهذا اهدروا معاه بلباقبة غير في صلاحكم واطلبوا منو الإذن باش تحضرو عندو الأعمال الموجهة.. راجعوا دروس الإحصاء التي درستموها في السنة الأولى ثانوي ودروس الإحتمالات التي درستموها في السنة الثانية والثالثة ثانوي.. راجعوها parceque رايحين تنقصوا على رواحكم بزاف خاصة بالنسبة للطلبة لي ضعاف في الرياضيات. إذا استطعتم دراستها بالفرنسية أو على الأقل ترجمة المصطلحات لي باينين سيكون احسن. نوع الأسئلة: تمارين Biochimie المعامل 2.. هذه المادة كابوس الطلبة. كامل يكرهوها.. مافيها لا أعمال وجهة ولا اعمال تطبيقية.. كاين دروس تحتاج الفهم ولهذا لازم تحضروا sinon غير الحفيظ والقدام ملاحظة: ستدرسون la biochimie structurale في السنة الأولى و la biochimie métabolique في السنة الثانية.. هكذا إن أردتم تحميل دروس أو كتب من الأنترنت ما تغلطوش نوع الأسئلة: qcm Informatique أكثر مادة مريحة ههههه معاملها 1.. الدروس تباع في المكتبة,, وانا برأيي حضور الدروس مجرد ضياع للوقت.. تفهموا كلشي في TP.. ننصحكم في TP تكتبو التمارين تع l’algorithme الموجودة في la fiche de TP لأن الأستاذة تديها في آخر الحصة، ما تعطيهالكمش.. اكتبوها مع الحلول التمارين طبعا.. تحتاجوها في المراجعة.. هذه المادة لا تحتاج للكثير من التحضيرات.. الكل يراجعها ليلة الإمتحان. وما عليكم غير تحفظوا الدروس وتراجعوا التمارين. Déontologie et éthique médicale مادة سهلة تدرس في 3 حصص أو 4 في آخر السنة.. لا تحتاج لحضور الدروس. معامل المادة 1 وتعتمد 100% على الحفظ.. قادرين تحفظو في ليلة الإمتحان.. الأستاذ يعطيلكم سؤالين فقط ولازم تعمرولوا الورقة.. إذا ما عرفتوش تجابوا.. كتبوا كامل واش حفظتوا المهم الإجابة ما تكونش في سطرين. بالنسبة للطلبة الذين لا يجيدون اللغة الفرنسية: حابة نقول للطلبة لي عندهم مشكل في الفرنسية ما تخافوش، معظم الطلبة عندهم هذا المشكل حتى بعض الأساتذة... الذنب ليس ذنبكم والكل يتفهمكم لكن حاولوا قدر المستطاع من تحسين مستواكم.. رايحين تكونوا أطباء إن شاء الله ومن المهم التكلم بالفرنسية.. حاولو تسجلو في دورات لتعلم الفرنسية بالنسبة للطلبة لي ما يفهموهاش كامل .. اشتروا كتب لتعلم الفرنسية.. حاولوا التكلم بها في كل وقت باش تتعلموا. بالنسبة للمراجعة: يجب أن تراجعوا و تحفظوا دروسكم كل يوم !! لا تنسوا تحضير التمارين للمشاركة.. حاولوا قدر المستطاع ان تدرسوا مساء كل ما أخذتموه صباحا ومراجعة الكل في عطلة آخر الأسبوع.. كل واحد ينظم وقتو على حسابو لا أفرض نظام معين على احد.. أثناء الأسابيع الأولى لا توجد أعمال تطبيقية وموجهة فاغتنموا هذه الفرصة لحفظ جميع دروسكم في جميع المواد لا تتركوا الدروس تتراكم عليكم !! إياكم ثم إياكم !! ماعليش تتراكم في مادة حتى 3مواد لكن ليس أغلبية المواد أو كلها.. إغتنموا العطل للمراجعة واستدراك ما تأخرتم عن حفظه.. كونوا أذكياء واعرفوا كيفاش تحفظوا باش ما تنساوش.. شوفو des vidéos sur youtube يعاونوكم بزاف باش ما تنساوش بالنسبة للطلبة المقيمين في الإقامة الجامعية: حاولوا أن تأتوا قبل يوم الدخول الجامعي ببضعة أيام وذلك لترتيب الغرفة وتنظيفها وكذلك للتعرف على المدينة الجديدة التي ستدرسون فيها وكل الأماكن التي قد تحتاجونها كالمطاعم، مقاهي الأنترنت، المرشات، المحلات الغذائية، المكتبات، المكتبة العمومية...الخ حتى لا تضيعوا الوقت أثناء الدراسة.. وحاولوا أن تقللوا من "الخرجات" إلا للضرورة أو التغيير من جو الدراسة من حين لآخر. بالنسبة للأعمال الموجهة والتطبيقية: حضروها مسبقا قدر المستطاع واسألوا الأفواج الأخرى عن ما قاموا به واطلبوا منهم les fiches.. حذاري ثم حذاري الغيابات غير المبررة !! فإن بلغت 3غيابات غير مبررة سيتم إقصاؤكم من المادة وبالتالي ستعيدون السنة.. ما تقولوش غياب واحد لا يأثر.. بل سيأثر في العلامة، باش ما تندموش في آخر السنة.. شاركوا دائما لأن المشاركة أيضا ترفع من العلامة. سأشرح لكم طريقة تنقيط الأعمال الموجهة: 5نقاط للمشاركة، 5 للحضور والغيابات و 10 لـ examen de TD أو examen de TP.. وبالتالي لازم تضمنو على الأقل 8نقاط تاع المشاركة والحضور. بالنسبة للدروس: حاولوا تجو صباح بكري باش تشدو المكان في المقاعد الأولى لأنه أحيانا ما تقدروش تبعو في الخلف.. تبعو مليح الدرس، تقدرو تسجلو الحصة بالصوت.. والمواد التي تباع دروسها والأساتذة يقومون فقط بالقراءة تجنبوا حضورها..من الأفضل لكم ان ترتاحوا أثناءها او تراجعوا.. لا لتضييع الوقت !! الأدوات والكتب اللازمة: تحتاجون فقط كتابي الـ anatomie للأستاذ حمودي.. لا تشتروا LaRousse médical لا تحتاجوه في السنة الأولى.. بالنسبة للطلبة لي عندهم مشكل في الفرنسية ربما قد يلزمكم قاموس المنهل فرنسي-عربي، عربي-فرنسي.. عموما كامل الطلبة يحتاجوا قاموس فرنسي-فرنسي حتى الطلبة الذين يجيدون اللغة الفرنسية لأنو كاين كلمات جديدة ومن الأحسن تحميل application sur votre smartphone si vous en avez أفضل من شراء قاموس. خطيكم من استعارة الكتب من المكتبة فلا فائدة لها، أصلا ما يكونش عندكم الوقت، احفظوا دروسكم بزاف عليكم. تحتاجون مئزر أبيض une blouse blanche تلبسوها في الأعمال التطبيقية TP أقلام ملونة – les surligneurs – قلم رصاص- ممحاة – أوراق بيضاء ....الخ هههه ماراناش في الإبتدائي بالنسبة لكتابة الدروس وحلول التمارين.. لكم الإختيار إما كراريس أو أوراق ترتبونها في des portes documents ou bien des classeurs كل واحد واش يساعدو.. ما تكثروش les registres وإلا سيبقى منها الكثير من الأوراق الفارغة في آخر السنة.. لاحظت أن أغلب الطلبة يستعملون كراريس صغيرة لكونها خفيفة.. أنا شخصيا كنت أستعمل des portes documents كل مادة بلون خاص كما استعملت كراريس 96صفحة للأعمال الموجهة، كراس واحد لمادتين. تحتاجون أيضا قهوة كحلة هههههه خاصة أيام الإمتحانات.. تقدروا تشروا فيتامينات من الصيدلة بصح ما تكثروش منها sinon تهلككم إيـــــــــــــــاكم * الغيابات في الأعمال التطبيقية والموجهة.. راني ناكد ونعاود * إهمال الدروس وعدم حضورها (ماعاد التي يقوم فيها الأستاذ بالقراءة) * إهمال المراجعة اليومية وعدم التنظييم * الإكثار من الخرجات والسفر والعودة إلى المنزل لأيام كثيرة (للطلبة لي بعاد على دارهم) وإهمال الدراسة * مخالطة الناس لي يشكو بزاف أو لي مايقراوش أو الذين ينزلون من معنوياتك * تحفظو les QCM بدون فهم أو حفظ الدرس.. هدفكم أن تكونوا أطباء ماشي باش تبلعو العام * إهمال أي مادة، حاولوا قدر المستطاع أن لا تتحصلوا على نقطة إقصائية note éliminatoire أي أقل من 5.. لأنه سيصبح من الصعب تعويض النقص.. ما عليش نقطة تحت المعدل تزيرو رواحكم و تعوضوها لكن النقطة الإقصائية لا * فقد الثقة في النفس والإستسلام.. حاول قدر المستطاع و ما تفشلش,, ستمر بأوقات صعبة جدا لكن لا تفقد الأمل لست وحدك بل جميع الطلبة مثلك.. كامل يعانو مثلك.. وما تفشلوش كي تشوفو نقاط ماشي مليحة، نساو النقاط الممتازة تاع الثانوية والباكالوريا. * إهمال الراحة.. لازم ترتاحوا باش تقدروا تكملوا. لازم تكونو مرتاحين moralement et physiquement.. بعدوا على المشاكل وخذوا قسط كافي من النوم قدر المستطاع وكلوا مليح، ما تقعدوش للجوع باش مخكم يقدر يخدم. * الإكثار من المراجع فيما يخص الدروس وإلا ستضيعوا مواقع قد تفيدكم للدراسة ولتحميل الدروس والكتب ومواضيع الإمتحانات: https://www.wikinu.org/ https://www.cours-medecine.info/ https://www.megaqcm.com/qcm-1er-medec....zDGnLPFy.dpbs https://univ.ency-education.com/medec...n-lessons.html https://www.sba-medecine.com/ https://medsba.hyperqcm.com/ https://univ.ency-education.com/medecine_1an-exams.html https://www.lachimie.net/ https://cvirtuel.cochin.univ-paris5.f...yCh01intro.htm https://hyperqcm.com/ https://www.livrebooks.eu/search/label/m%C3%A9decine https://www.cours2medecine.com/ هذه مجموعة فيديوهات تتضمن درس cytologie مشروحة بالعربية والفرنسية قد تفيد من لديهم مشكل في اللغة: https://www.djelfa.info/playlist?lis...qzQkEvtKVd5BPe دروس أخرى على شكل فيديوهات: https://www.djelfa.info/playlist?lis...C6D5D50AA8CD09 https://www.djelfa.info/playlist?lis...8120680A8551F4 https://www.djelfa.info/playlist?lis...TvxJTyqAev7U_x https://www.djelfa.info/playlist?lis...1A4652795818BF https://www.djelfa.info/playlist?lis...UtG9AgVZ1-X81u ملاحظة هامة: حاولوا استغلال ما تبقى من العطلة ولا تشغلوا أنفسكم كثيرا بالدراسة.. الدروس التي نصحتكم بمراجعتها قبل الدخول الجامعي، راجعوها قبل الدخول بحوالي أسبوع فقط باش تتفكروها وتكون عندكم فكرة وماتضيعوش بزاف الوقت أثناء الدراسة, لستم مجبرين. وفي الأخير، أتمنى لكم التوفيق والنجاح إن شاء الله.. ماتخافوش مارانيش نخلع فيكم صدقوني كلشي يفوت ويبقاولكم ذكريات جميلة,, صحيح الدراسة صعبة لكن النجاح ليس مستحيلا فمن طلب العلا سهر الليالي.. الدليل كاين بزاف أطباء كانوا كامل يعانوا لكنهم نجحوا في الأخير.. حضروا أنفسكم لازم تكون عندكم إرادة قوية وربي معاكم إن شاء الله أتمنى أنني قدمت لكم معلومات كافية ومفيدة ومن لديه أي سؤال يتعلق بالدراسة أو الإمتحانات أو الإقامة الجامعية للبنات في سيدي بلعباس أو الحياة الجامعية بصفة عامة فليتفضل إن أفادتكم معلوماتي أفيدوني بدعائكم  دمتم في رعاية الله
آخر تعديل bennou28 2015-07-29 في 21:12.
|
||||
|
|
2015-07-29, 22:57
|
رقم المشاركة : 2 | |||
|
السلام عليكم |
|||
|
|
|
2015-07-30, 00:02
|
رقم المشاركة : 4 | ||||
|
اقتباس:
مبروك عليك نتمنالك المزيد من النجاح |
||||
|
|
|
2015-07-30, 00:23
|
رقم المشاركة : 5 | ||||
|
اقتباس:
وعليكم السلام ورحمة الله وبركاته
الله يبراك فيك اختي مبروك عليك ربي ينجحك توجد إقامتين للبنات.. الأولى فيها طالبات السنة الرابعة وما فوق وتتواجد قرب الكلية لاصقة فيها,, والثانية لي راني فيها توجد بها طالبات السنة الأولى إلى السنة الثالثة.. إذا عندك العرف تقدري تديري transfert للإقامة القريبة وخاصة إذا أتعبك مشكل المسافة بين الإقامة لي راني فيحا والكلية (حوالي 6كم) في الإقامة البعيدة لي راني فيها الغرف تاعها كبار وفيهم 3placards, un lavabo et un potager .. يديرو 2بنات في الغرفة وفي هذه الإقامة بالإضافة إلى طالبات الطب ومشتقاته، كاين طالبات الآداب و التسيير والإقتصاد وهاذو صراحة ما يتعاشروش.. كاين des blocs خاصين بهم وهم A,B,C et D أما les blocs الخاصين بطالبات الطب والصيدلة هوما E,F,G et H.. إذا طحتي في بلوك ماشي مليح تقدري تغيري الغرفة.. ظروف الإقامة عادية كجميع الإقامات في الجزائر.. ماكلة الـ resto كل خطرة وكيفاه مرات يطيبو مليح ومرات لالا.. وبالنسبة للإقامة القريبة فيها غير طالبات الميدسين والصيدلة، غرفها صغيرة (طالبتين في الغرفة) ومافيهاش lavabo وفيها خزانتين فقط.. ماكلتهم immangealbe.. والغرف لي كاينة في الطابق الأخير كامل تقطر في الشتاء.. الحاجة المليحة لي عندهم هي قرب المسافة.. les blocs المخيرين عندهم هوما E & F.. هذا هو الواقع تع الإقامة.. مع الوقت توالفي ولازم تكوني فحلة وما تخالطيش وإذا شفتي واحدة من جاراتك دايرة فوضى او موسيقى هدري معاها نورمال وماتوريش نقاط ضعفك |
||||
|
|
|
2015-07-30, 00:32
|
رقم المشاركة : 6 | |||
|
https:// www2.unine.ch/files/cont ent/sites/macrochem/files/shared/Cours/Nomenclature.pdf مواقع قد تفيدكم للدراسة ولتحميل الدروس والكتب ومواضيع الإمتحانات: https://www.wikinu.org/ هذه مجموعة فيديوهات تتضمن درس cytologie مشروحة بالعربية والفرنسية قد تفيد من لديهممشكل في اللغة: دروس أخرى على شكل فيديوهات: لا أعرف لماذا الروابط لا تعمل.. انسخوها واحذفوا الفراغات |
|||
|
|
|
2015-07-30, 09:32
|
رقم المشاركة : 9 | |||
|
شكرا جزيلا هلى الافادة و الله كنت محتاجة هاد المعلومات |
|||
|
|
|
2015-07-30, 10:15
|
رقم المشاركة : 10 | ||||
|
اقتباس:
العفو أختي
les comptes rendus كاينين في cytologie و chimie.. ساهلين ماعليك غير تبعي parce que les profs يخبروكم واش تكتبوا en plus ما تديريهمش وحدك.. تديروا أفواج ضغيرة يعني راح يكون عمل جماعي.. أكييييد ممكن.. تقدري تشاركي مع أي واحدة في الغرفة بشرط تكون مقيمة بالإقامة... نهار يبان تاريخ التسجيلات في الإقامة، روحي انتي وصديقتك وسجلو مع بعض.. خذوا معاكم بطاقات التعريف، قلم تملؤون به ورقة يعطوهالكم ومبلغ 1540 دج لكل واحدة (مصاريف التسجيل) أصلا هوما يسقسوك إذا عندك صديقتك تشاركي معاها الغرفة.. قولولهم يديروكم في غرفة من الاجنحة E,F,G أو H ربي يوفقك |
||||
|
|
|
2015-07-30, 10:26
|
رقم المشاركة : 12 | |||
|
Salam bennou28 Merci bien Je suis IKRAM J'aimerai bien savoir comment je peut faire le transfert de Sidi belabés à Blida et en cas ou je reste à Belabes , comment faire pour avoir une chambre dans la cité la plus proche. Rabi ydjazik koul khair |
|||
|
|
|
2015-07-30, 10:46
|
رقم المشاركة : 13 | ||||
|
اقتباس:
Salam
Je t'en prie Ikram Pour le transfert, je ne sais pas trop comment ça se passe.. je pense que tu devrais faire une demande et elle ne sera acceptée seulement si tu as une résidence à Blida (si tu as des proches à Blida 9olilhom ya3toulek un certificat de résidence) et par conséquent, tu n'auras pas le droit à la chambre ... et ila 3andek "el 3arf" tu pourras faire le transfert et avoir une chambre Et si tu décides de rester à Belabes, c'est pareil il te faut "el 3arf" pour pouvoir faire le transfert sinon tu attends jusqu'à la 3ème ou la 4ème année  c'est comme ça que ça se passe malheureusement |
||||
|
|
|
2015-07-30, 11:19
|
رقم المشاركة : 14 | ||||
|
اقتباس:
|
||||
|
|
|
2015-07-30, 11:40
|
رقم المشاركة : 15 | |||
|
شكراً كتير على الملعلومات |
|||
|
|
|
| الكلمات الدلالية (Tags) |
| طب،سنة،اولى،نصائح،بلعباس |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
