معكرونة لهلوبة

[إلهام07]

البسملة1



مساء الخيرات على أحلى بطبوطات
هاني زدت جيت وجبتلكم وصفة المقرونة نتاعي ... خلي تتبطبطو في هذا الصيف خخخخخخ

عادة المقرونة ليست من الأطباق المحببة عند أفراد الأسرة ولكن إن شاء الله جربوها بطريقتي ترجعو ماتستغناوش عنها ... نديرها منذ سنوات بهذي الطريقة وياكلوها كامل ومايبقى منها والو ... فقط تبعوني ترجع المقرونة من الأطباق المفضلة لدى أولادكم


جربوها لازم لازم ... راهي بنينة وساهلة وسريعة نتاع أيام الكسل أو كي مايكونش عندك وقت وإن شاء الله ماتندموش
بصح كي تعجبكم ماشي تروحو وتنساوني وتضربو النح ... دعيوة صغيرة للبطبوطة اللي كتبت الوصفة


المكونات :


حبة بصل مقطعة مكعبات صغار،3 فصوص ثوم مقطع للصوص + 2 فصوص ثوم للمعكرونة ،1فلفل حلومقطع مكعبات صغار،1فلفل حارمقطع مكعبات صغار (اختياري)،2حبات جزرمبشورة،كمشة زيتون مقطع،معدنوس مقطع،حوالي 250غ لحم مفروم،م ك طماطم مصبرة،م ص هريسة (اختياري)، حوالي 250غ معكرونة ، م ك زبدة


التوابل: ملح، أوراق رند للصوص وللمعكرونة ،ثوم بودر،فلفل أسود،كسبر،كمون،فلفل أحمر،مكعب مرق دجاج ماجي ، م ص توابل مشكلة ( نشريها من عند اللي يبيعو التوابل بالميزان اسمها خلطة توابل الدجاج تنفع للصوص الحمراء تعطي نكهة هايلة للطياب )


نحتاج أيضا: جبن أبيض ( اختياري) ، قطعة من الكامومبير،جبن مبشور ( شيدار او قرييار )




الطريقة :



- في إناء كبير نحط الماء يغلي ... كي يغلي نلوح الملح ، شوية زيت ، المعكرونة ، زوج أوراق رند و زوج فصوص ثوم ومرة على مرة نحرك حتى تنضج..... بهذي الطريقة نضيف نكهة للمقرونة ماجيش صامطة جي فيها رائحة ونكهة مميزة
وماطيبوهاش بزاف لاخاطر ضرك نزيد نحطها تتشرب الصوص .

أنا نستعمل نص باكي معكرونة عايلتي صغيرة ونحب المقرونة جي نص بنص مع الصوص واللحم والفرماج ماشي شوية صوص نحط عليها قنطار مقرونة ومن بعد نقولو ماجاتش بنينة





- في مقلاة كبيرة وعلى نار متوسطة نحط شوية زيت مع ملعقة كبيرة زبدة ونقلي البصل والفلفل المقطعين مع الجزر المبشور حتى يذبلو مليح


- نضيف الثوم والمعدنوس والزيتون ونقلي غير شوية ونضيف اللحم المفروم أو المرقاز مقطع ونقلي شوية .


- نضيف أوراق الرند ، الهريسة والطماطم المصبرة والملح والتوابل ومكعب مرق الدجاج ماجي ونقلي شوية برك (دقيقة برك ).


- نضيف حوالي زوج كيسان ماء ونخليها على نار هادئة تغلي وتثقال ( مالفة نستعمل الماء اللي غلات فيه المقرونة بنين وفيه نكهة ).
سر البنة في الطياب هو التقلية والحاجة طيب في غرضها أنا نستعمل في طيابي ديما الكانون الصغير نتاع الكويزيار ونخلي الماكلة طيب بغرضها خلاص باش جي بنينة



- نضيف الأجبان مقطعة أو مبشورة ونحرك مليح حتى تذوب مليح ( كثرو شوية فرماج باش جي بنينة ).


- كي تثقال الصوص مليح نرمي فيها المعكرونة بعد ما نصفيها من الماء ، ونخلط مليح ونذوق إذا محتاجة ملح نزيد ونخليها تتشرب الصوص مليح .



- كي تتشرب المعكرونة الصوص تماما نضيف قطعة زبدة صغيرة ونخلط مليح ونطفي .

- نقدمها مباشرة مع سلطة أو فلفل حار مرقد ممممممممممم

شكون البطبوطة الأولى اللي تذوق ؟

تحياتي ....... أنا لهلوبة

[اعجوبة الحياة]

يميييييييييييي

روووووووووعة

ما شاء الله

يعطيك الصحة

[منال9]

أمممممممممممممم باينة تشهي مدهشة بأطباقك حبيبتي الهام ربي يحفظك

[ام رضوان]

السلام عليكم
بارك الله فيك يالهلوبة
باذن الله نجربها في اقرب وقت لانو وصفاتك ماشاء الله عليها
وخلي نتبطبطو كامل راكي سيلتي ريوقي
شكراااا

[RIMA.87]

السلام عليكم
جزاك اللّٰه خيرا و رزقك من حيث لا تحتسبين
امممممم تشهي
بصحتكم

[تهاليل]

بارك الله فيك أختي وفعلا تشهي غادي نقولو لطاي مع السلامة

[الاريام]

اليوم العيد قريت لهلوبة الحبوبة اميرة المنتدى 3 مواضيع جديدة في يوم واحدماتزيديش طولي الغيبة نشالله ديما هنا معانا
و نشالله ربي يطول في عمرك و عمر ميمتك و يعطيك الصحة ربي يبقي عليك الستر نشالله
نحبك في الله الهام

[حياتي نبع امل]

اممممممم انا بطبوطة بالصح معليش خلي نتبطبطو وتحلى الحياة ههههههه
يعطيك الصحة اممممم تهوس

[إيزابيل]

هايلة وتشهي بارك الله فيك

[اسما38]

بارك الله فيك ربي يجازيك كل خير

[tahiya]

رررررررررررررروعة اختي.

[0ibtissam]

روعة يعطك الصحة باين تشهي

[om kamilia]

الهامو , ربي يرزقك وليد لحلال لي يستاهلك , في الحقيقة كا نحب المقاروووونة , يعطيييك الصحة على مواضيعك المتميزة دائما

[آسيا 25]

الله يعطيك ما تتمناي لهلوبة وصفة أكثر من رائعة

[شمس الملوك]

بارك الله فيك تشهي تشهي .....