كيكة الاوبرا من مطبخي Opéra Cake

oum ibrahim · 2015-06-02, 11:06

بسم الله الرحمن الرحيم

والصلاة و السلام على اشرف المرسلين

عندي بزاف ماكتبتش موضوع و هذا المرة جيتكم بكيكة الاوبرا خدمتها و قلت نحطها موضوع بلاك يستفادو الاخوات

في الحقيقة انا درت كيكة الاوبرا مزيفة لانو الاوبرا الحقيقية يخدموها بطبقات من بيسكوي جوكوند و الي الاساس فيه اللوز و بياض البيض و كذلك تحشى بكريمة الزبدة بنكهة القهوة

لكن انا درتها بجينواز و حشيتها بالشانتيي بالشوكولا على هذا سميتها مزيفة

نبداو بالمقادير

جينواز بالكاكاو

6بيضات

200 غ سكر عادي

180 غ فرينة

20غ كاكاو اسود

باكي خميرة الحلوى ما يعادل 10 غ

عطر الفانيليا السائلة اذا ما توفرتش نستعمل الغبرة

مقادير الغاناش بالشوكولا

200 ملل كريمة طازجة سائلة انا مالقيتش استعملت المكثفة

200غ شوكولا اسود انا استعملت منى noirممكن تستعملي اي نوع شوكولا ممكن بالحليب لكن الاسود يعطي ذوق مميز

مقادير كريمة الشانتيي بالشوكولا

200 ملل ماء بااااااااااارد

250 غ غبرة الشانتيي

2 ملاعق كبيرة فلان ذوق شوكولا

عطر القهوة

تغطية الوجه

200 غ شوكولا اسود

كمية من الحليب

مقادير السيرو

كاس سكر

كاس و نصف ماء على النار حتى يذوب السكر و يغلي نطفي و نخليه يبرد و نضيفلو قطرات من عطر القهوة

تحضير الجينواز

نخفق البيض كامل مع السكر و الفانيليا حتى نحصل على خليط رغوي ابيض

نغربل الفرينة و الكاكاو و الخميرة

نضيفها لخليط البيض على 3 دفعات و نخلط برفق من الاسفل الى اعلى بملعقة خشبية

ممكن تذوبو علبة شوكولا و تضيفوها للخليط

ندهن صينية فرن بالزبدة و نرشها بالفرينة و ننفض الزائد نقسم خليط الجينواز على 2 اي نطيب القسم الاول ثم القسم الثاني و نخليهم يبردو ملييييييح

تحضير الغاناش

نسخن الكريمة

نفتت الشوكولا في اناء و عندما تسخن الكريمة جييدا نفرغها فوق الشوكولا و نخليها تذوب ثم نحرك حتى نتاكد انها ذابت تماما

نخليها على جنب تبرد رايحة نتحصل على هذا القوام

تحضير الشانتتي

في اناء ندير الشانتيي مع الفلان و عطر القهوة و نفرغ الماء البارد

انا هنا استعمل كمية الشانتيي اكبر من الماء لاني حبيتها متماسكة و ثقيلة

و نضرب بالباتور حتى نتحصل على القوام المطلوب و نخليها تبرد

ممكن كذلك تذوبو علبة شوكولا و تضيفوها للكريمة

الان خطواتنا كلها جاهزة يبقى المونتاج

نقسم قطعتي الجينواز الى 3 اقسام متساوية

نسقي القطعة الاولى بالسيرو و نطليها بكمية وفيرة من الكريمة

نضع فوقها القطعة الثانية من البيسكوي في الحقيقة انا عندي قطعتين لاني قصيتهم من ورقتي الجينواز

نسقيها بالسيرو و نطليها بكل كمية الغاناش

و نحط فوقها القطعة الثالثة و نسقيها بالسيرو و نطليها بكمية وفيرة من الشانتيي و ندخلها الثلاجة تبرد و تتماسك

في هذا الوقت نحضر الشوكولا للوجه

نذوب الشوكولا فوق حمام مائي لما تذوب نزيدلها الحليب بالشوية حتى نتحصل على القوام المطلوب ما تكون ثقيلة بزاف ما تكون خفيفة

نخرج الكيكة من الثلاجة و نفرغ عليها التغطية و نسويها الوجه و نخليها تنزل براحتها و الاطراف ما يهمش يوصلها الشوكولا لانها تقص فيما بعد

نخلي الشوكولا تتماسك شوية و نزين من فوق على حسب الرغبة انا زينت بالشوكولا بالحليب مذوبة وحدها بدون اضافات ممكن نزين بالشوكولا البيضاء

الاصل في تزيين كيكة الاوبرا هو الكتابة عليها مع زخرفة بسيطة يعني ما تكونش معمرة من فوق و ندخلها الثلاجة تبرد ملييح و بعدها استمتعي باحلى كيكة اممممممممممممم بيسكوي بالشوكولا مع نكهة القهوة و الكريمة الغنية مع الغاناش ما نحكيلكش اممممممممممممم رهييييييييييييبة جربوها تعرفو البنة

مدة التحضير انا استغرقت ساعتين بالتمام فيها كل المراحل

البيسكوي مدة الطهي15 دقيقة في فرن 180 درجة و كل وحدة و الفرن نتاعها ممكن المدة تزيد او تنقص

اذا عجبتكم دعوة خير فقط ليا و لعائلتي تكفيني

و السلام احلى ختام

اللهم صل على محمد و على ال محمد في العالمين انك حميد مجيد

دائمة الحمد · 2015-06-02, 11:09

امممممممممممممم ام برهوم الغالية يا ملكة الباتيسري دون منازع
4444444444444
روعة اخرى تضاف الى روائعك تسلم الانامل الذهبية

ام رويدة · 2015-06-02, 11:15

روووووعة رووووعة رووووعة
بارك الله فيك ام ابراهيم .....سلمت يداك المبدعتان
وربي يحفظك وعااائلتك من كل سووووء

youyou19 · 2015-06-02, 11:17

ممممممم تشهي تسلم الايادي خرجت تحفة

ام احمدي · 2015-06-02, 11:20

هاااايلة حنونة خرجتلك تشهيييييييييييييييي
ممكن قطر السنيوة

ام حسناء05 · 2015-06-02, 11:23

ممممممممممممممممم رررووووعة يعطيك الصحة و تسلم الايادي

عازفة الناي · 2015-06-02, 11:32

روووووووووووووووووووووووووووووووعة روووووووووووووووووووووعة
حسيت بنتها تذوب في فمي اممممممممممممممممممممممممممممممممممممممممممم
دايما تبهريني بحلوياتك