نصائح لك لاختيار انواع حلويات الاعراس

رائد رائد · 2014-12-11, 21:38

[SIZE="6"]السلام عليكن اخواتي لقد وجدت الكثير من الاخوات تسالن عن كيفية اختيار الحلويات للاعراس
وقد رغبت في كتابة موضوع يخفف القليل على اخواتي وارجو من الاخوات ان يدلين برايهن في الموضوع

نحن عادة نختار 4 انواع * يجب مراعاة التنويع في الشكل وفي المذاق تجدين العديد من الانواع عند الاخوات في المنتدى( الاخوات بادعين في هذا )

لازم يكون جميل شكلا و بنين يعني متخليش الغاشي يرميو القاطو اللي تعبتو عليه اذا ركزتو على الشكل وخليهم يقولو يصلح يتحط غارنيتيغ من جهة الشكل بالعربية لازم تتعبي ويتقسم ظهرك

فليكن النوع الاول البقلاوة لان اغلب الاعراس تقدم فيها او استبدالها بالمشكلة لانها تقريبا نفس البنة

النوع الثاني يكون مقلاصي بالشكولا مثل قلوب الشوكولا او يكون على شكل مربع او دمعة ،اوفال .... من الاحسن يكون مخدوم بالطابع يجي احسن

الثالث يكون قلاصاح العادي ابيض او نختار اللون حسب جنس المتزوج ويكون مثلا العرايش او التشاراك او اي نوع اخر يصلحلو قلاصاج ومن الاحسن وكان تقدري ديري المخبز ولكن خالفي الشكل على نتاع الشكولا

الرابع يكون معسل انا نفضل دزيريات تقدري ديري انواع اخرى ... او لي قاطو نتاع سيليكون

من الاحسن الابتعاد عن لي قاتو الي ميطيبوش وكل وحدة و ذوقها
اما بالنسبة للصابلي فيقدم مع المقروض في علبة صغيرة اخرى واللي على قد حالو يقدر يديرو كنوع رابع فلي بوات
ويبقى كل واحد ومقدورو اللوز نبدلوه بالكوكاو

ارجو من كل اخت ان تعطينا افكارها لتعم الفائدة مشكورات مسبقا