|
|
|
|||||||
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
** ملـــــــكــــــة الفنـــــــون** الدرس العاشر--انجاز وسادة عن طريق الطرز بشرائط الساتان--
|
|
أدوات الموضوع | انواع عرض الموضوع |
2015-01-16, 16:52
|
رقم المشاركة : 1 | ||||
|
** ملـــــــكــــــة الفنـــــــون** الدرس العاشر--انجاز وسادة عن طريق الطرز بشرائط الساتان--
 جمعة مباركة للجميع.....نتمنى تكونو كامل بالف خير كالعادة ملتقانا اسبوعي .....نلتقي بصفحات منتدانا الغالي لنرتقي... نكمل مع بعض مشوار التعلم والابداع كما تعودنا منكن دوما واليوم سنكون على موعد مع درس جديد وفن جديد واستاذة جديدة وحتى نتذكر ونفيد كل المارات بموضوعنا هذا ما سبق من دورتنا مسابقتنا بعنوان دورة***ملـــــــــــكة الفنـــــــــــــــــــــــون*** الدرس الاول ** ملـــــــكــــــة الفنـــــــون** الدرس الاول--- الرسم على الفودان --- الدرس الثاني ** ملـــــــكــــــة الفنـــــــون** الدرس الثاني--- الرسم على الساتان والبلاستيك --- الدرس الثالث ** ملـــــــكــــــة الفنـــــــون** الدرس الثالث---الرسم على القماش--- الدرس الرابع ** ملـــــــكــــــة الفنـــــــون** الدرس الرابع--تزيين كاس بعجينة السيراميك--- الدرس الخامس ** ملـــــــكــــــة الفنـــــــون** الدرس الخامس--عمل زينة بعجينة السيراميك--- الدرس السادس ** ملـــــــكــــــة الفنـــــــون** الدرس السادس--انجاز علاقة بالكريات السحرية--- الدرس السابع ** ملـــــــكــــــة الفنـــــــون** الدرس السابع--انجاز حاملة مناديل بالكريات السحرية--- الدرس الثامن ** ملـــــــكــــــة الفنـــــــون** الدرس الثامن--انجاز حاملة ملاعق بالكريات السحرية-- الدرس التاسع ** ملـــــــكــــــة الفنـــــــون** الدرس التاسع--انجاز سكرية بالكريات السحرية-- وهنا تجدن مواضيع عرض الاعمال وتقييمها تطبيقات المشتركات لدرس الرسم على الفودان من دورة ملكة الفنون تطبيقات المشتركات لدرس الرسم على الساتان والبلاستيك من دورة ملكة الفنون تطبيقات المشتركات لدرس الرسم على القماش من دورة ملكة الفنون تطبيقات المشتركات لدرس تزيين كاس بعجينة السيراميك من دورة ملكة الفنون تطبيقات المشتركات لدرس عمل زينة بعجينة السيراميك من دورة ملكة الفنون تطبيقات المشتركات لدرس انجاز علاقة مفاتيح بالكريستال من دورة ملكة الفنون تطبيقات المشتركات لدرس انجاز حاملة مناديل بالكريات السحرية تطبيقات المشتركات لدرس انجاز حامل الملاعق بالكريات السحرية تطبيقات المشتركات لدرس انجاز سكرية بالكريات السحرية والان على بركة الله نبدا في جزء جديد من دورتنا وفن جديد...انا اكيدة انو سيلاقي استحسانكن ان شاء الله الدرس الاول في التطريز بشرائط الساتان انجاز وسادة استاذتنا لهاذ الفن ستكون غاليتنا kika85 اشكرها نيابة عنكن جميعا...بارك الله فيها وبارك الله لها في اهلها وهنا اخواتي اطلب منكم الدعاء بتسيير الامور ان شاء الله لاختكم fifiarch كيكا معليش نقسمو الدعوات  بدون اطالة نخليكم مع الدرس *************************** حبيباتي اول شيء نتكلمو عليه في التطريز هو الادوات الي نستحقوها نحتاجو شرائط الساتان طنيبر او قرقاف قماش حسب الحاجة الي رايحين تخدموها .... ابرة التطيرز بالساتان يجي راسها عريض باش تثقب القماش ثقب كبير تقدر الحاشية تدخل فيها ولاعة باش نحرقو الحاشية في الاطراف باش ما تنسلش خيط على حسب الحاشية او لون القماش الرشمة الي رايحين تخدمو عليها اولا نرسم الرشمة الي حبيت على القماش ونثبت القماش على الطنيبر انا الرشمة رشمتها من راسي غير باش نفهمكم  دايما باش نخدمو التطريز بالحاشية نبداو بالاغصان انا الاغصان خدمتهم بالحاشية الرقيقة كامل بصح من الاحسن نتوما اخدموها بالخيط الاخضر تجي افضل ندخلو الحاشية في الابرة بهادا الشكل  ندخل الحاشية حسب السهم الوردي في الثقب من بعد ندخلو في راس الابرة من بعد نجبد الحاشية حسب السهم الاصفر الي في الصورة  اجبدي كامل الحاشية رايحة تكروشي في الثقب ونبدا نخدمو نبدا بالاغصان اكيد هاد الغرزة كامل تعرفوها...  نخدم غرزة واحدة من بعد نرجع لمنتصفها ونعاود نخدم غرزة اخرى قدامها وهكدا حتى نكمل كامل الاغصان انا في الازهار الكبيرة استعملت الحاشية عرض 2 سم نركبو الابرة كيما شرحتلكم في المرة الاولى ندخلو الابرة في وسط الوردة تم نروح لطرف البتلة وندخل الابرة فوق الحاشية بالشكل الي في الصورة...دايما الحاشية اقلبوها على الجهة الي تبرق  ونعاود نكرر نفس الشي حتى نكمل كامل البتلات الي في الوردة انا درت خمسة تاني بتلة  هاهم ليك الوردات خدمتهم كامل بنفس الشي...الوردة الموف درت ربعة بتلات باش تبان بلي راهي تحت الوردة الوردية يعني البتلة الخامسة وكانو متغطية تحب الوردة التانية....  تم نكمل كامل الوردات الي عندي في الرشمة ديالي بنفس الطريقة في الوردات الصغار استعملت الحاشية عرض 1 سم  درك نوريلكم مودال اخر من الوردات هنا استعملت الحاشية تع 1/2 سم ندخلو الابرة في وسط الوردة من تحت تم نعاود ندخلها في نفس الثقب بلا ما تجبدي الحاشية كامل خاطر لو كان تجبدي تعاود تخرجلك لانو رانا نخدمة في نفس الثقب قلتلكم اجبديها غير شوي بلا ما تجبديها كامل تو دخلي الابرة في طرف البتلة تم في هاديك الحاشية الي خليناها وعاودي دخلي الابرة في نفس الثقب التاني الي درناه واجبدي الحاشية   تتحصلي على هاد الوردة  دايما وابدا في التطريز بهاد التقنية الورق نخلوهم هوما التاليين باش نعمرو بيهم نبدا نخدم الورق بالحاشية الخضرا...هنا الورق على حسب ما نحب الحجم ديالهم نحب نخدم بالحاشية عرض 1 سم او 2 سم او حتى 1/2 سم انا خدمت بالحاشية عرض 1 سم ونخدمهم بالغرزة الي خدمنا بيها الوردات الكبار بهاد الطريقة   هنا عندي تدبيرة كي تعاودي دخلي الابرة فوق الحاشية تقدري دخليها في الوسط تماما او في الجنب ورايحة تتحصلي على شكلين مختلفين من الورق هادو الورقات خدمتهم بحاشية عرض 1/2 سم لاحظو انهم اصغر  هنا نبدار غرزة اخرى باش نخدمو الميموزة ديالنا ندخلو الابرة في القماش مت تحت ثم نلوي الحاشية على الابرة زوج مرات وندخلو الابرة في القماش وما تجبدوش بزاف بزاف باش تجيهم وكانها عقدة   نشكل حبيبات بزاف بهاد الغرزة حتى تتشكل عندي الميموزة  تم بنفس الطريقة هادي نعمر قلب الوردات الي خدمتهم اما بعقدة واحدة او عدة عقدات او حتى ممكن تستعملي عقاش كل واحدو وذوقها وهااااهي الرشمة ككل    ملاحظة برك انو باش تبداو تخدمو طبعا تعقدو الحاشية في الطرف وبعدما تكملو الخدمة وتقصو الحاشية احرقوها بالولاعة وخيطوها من تحت باش ما تنسلش انشا الله نكون وفقت في الشرح واي استفسار راني هنا في الخدمة ***************** هنا اخواتي ينتهي شرح الاستاذة...نتمنى يكون الفن الجديد نال اعجابكن....وبالتوفيق ان شاء الله ملاحظة ترسل الاعمال الى المشرفة fifiarch عن طريق رسالة خاصة قبل يوم الخميس على الساعة 20.00 ان شاء الله تمنياتي بالتوفيق ولا تنسوني من دعواتكن 
آخر تعديل fifiarch 2015-01-23 في 14:33.
|
||||
|
| الكلمات الدلالية (Tags) |
| ملـــــــكــــــة, الدرس, الساتان--, العاشر--انجاز, الفنـــــــون**, الطرز, بشرائط, وصاحب, طريق |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض الشجري