لكل من يسأل عن المدرسة العليا للاعلام الالي، اليك الحقيقة:

[اونصيان مجاهد]

معاكم اسامة طالب سابق في المدرسة العليا للاعلام الالي لسنة 2013/2014 خرجت العام ب 10.87
لكل من يسأل عن المدرسة العليا للاعلام الالي، اليك الحقيقة :
معدل القبول الأعلى وطنيا لا يعني انها أفضل تخصص كما أنه لا يعني أنها رائعة و العمل بعدها مضمون - اشاعة كاذبة-
سنة أولى :لازم تخرج ليموديل كااااامل و مالازمش تكون عندك نقطة اقصائية، يعني 60% من معدل الدفعة، باش تطلع لسنة ثانية و الا العكس، تخرج من المدرسة لتخصص اخر - اعادة توجيه بينها 03 خيارات مع العلم انو ما يضمنولكش يحققوهملك و ترجع لجامعة ولايتك سنة اولى رياضيات و اعلام آلي
سنة ثانية: نفس شروط السنة الاولى حتى تتمكن من المرور الى الكونكور-و فالكونكور نفس الشروط باش تنجح للسنة ثالثة- و عندك الحق تعاود العام مرة وحدة، مع العلم انو كي تجيب 14 معدل سنة ثانية لن تضطر لاجتياز الكونكور
دائما سنةتبقى النقطة الإقصائية هاجسا لك حتى التخرج
الدراسة لا تنتهي من 8:30 الى 17:15 دون انقطاع.... حكاية عندي كور نراطيه، انساها عندنا لاخاطر تراطي كور تلقا روحك مراطي انتيروقاسيون.....
كل المواد تعالج الرياضيات أما تخصصنا - اعلام آلي - الا لقيت واحد من باب الزوار يعلمك و الا تخرج جاهل........
بعض الإحصائيات لعلك تقتنع : دفعتنا دخلو 223 منهم 120 طلعو لسنة ثانية، و لي مانجحوش حبو ميدسين و لكن قلال لي عندو معريفة و البقية رماوهم في ولاياتهم، مابين تكنولوجيا و اعلام آلي و رياضيات.... لي طلعو منهم 35 واحد مانجحش سنة ثانية و ماخلوشو يدير كونكور، و اخيرا الكونكور مانجحوش 7 لاخاطر كونكور فيه اسئلة من سنة أولى و من سنة ثانية....دفعة2008 كانو 178 و تخرجو 29
الا هل بلغت اللهم فاشهد
في مايخص العمل والله ليست بالشيء الكبير لي نعرفهم والله 4 ملاين شهرية، هذا لي دار فيهم لافير..... نتا و معريفتك لن تغني عليك الشهادة في شيء
......منقول.....