*-* شوارما الدجاج الشهية راح يحبوها أطفالك خاصة أكييييييد*-*

[*بيتي مملكتي*]

مساء الخير حبوباتي الرائعات

المشكل العويص في معظم الديار الجزائرية أنو معظم أفراد العائلة ما يحبوش صدر الدجاج كي يكون في المرق و تضطر دائما الأم إلى تناوله غير هوا في كل مرة هههههههههههههههه

معليش هذا من تضحيات الأم ههههههههههههههه

المهم هذي وصفة عملتها أول مرة بنصف الصدر ما شبعوهاش ههههههههههه خاصة حبيبتي الصغيرة لينة ما تشبعهاش

مالا قلت نحطهالكم تجربوها وادعولي معاكم بالخير برك سواء عجبتكم ولا ما عجبتكمش خخخخخخخخخخخ

إليكم الطريقة :


خذي صدر دجاج كامل إذا كانت وجبة عشاء أو نصفه إذا كانت مقبلة فقط
هنا أخذت صدر كامل




قطعيه إلى قطع صغيرة كلما كانت القطع صغيرة و رقيقة كلما كانت الشوارما أفضل
و إذا لقيتي بلي القطع خشينة شوية تقدري تغطيها ببلاستيك و تطرحيها بالمطرقة الخاصة باللحم أو بالحلال باش ترقاقلك شوي





حضري الخلطة و التي هي عبارة عن المكونات التالية :
-حبة كبيرة طماطم مرحية ناعم - 2 فص ثوم مرحي ناعم - 1 م ك طماطم مصبرة (بإمكانك وضع نصف م طماطم و نصف م هريسة حارة حسب ذوقك)
- 1/2 م ص ملح - 1/2 م ص كركم مرحي - 1 م ص فلفل أحمر مرحي حلو -1 م ص كمون مرحي - 2 ورق رند (ورق غار)





ضعي قطع الدجاج في مقلاة ساخنة بها زيت و ضفي له 1/2 م ص ملح و 1/2 م ص فلفل أسود



قلبيها مرة على مرة على نار متوسطة حتان تكسب لون ذهبي





ضفي الخلطة السابقة للدجاج مع فنجان صغير ماء
حركيها جيدا ثم غطيها و دعيها على نار هادئة حتى تنشف و لا يتبق من الصوص سوى القليل

ملحوظة من الأفضل أن تتركي ورق الغار كما هو خاصة إذا كنت راح تقدميها لأطفالك لتجنب حوادث الإختناق بقطع الغار المتفتته

لأنو كيما راكي تلاحظي في الصورة قمت بتفتيته لكن وجدت صعوبة بالغة في تنقيته من قطع الشوارما لصغيرتي لينة



هكذا تتحصلين في الأخير على شوارما بصوص خفيفة



قدميها مع سلطة أو في سندويتشات للأطفال مع بطاطا مقلية



و شهية طيبة حبيباتي