طلب مساعدة في تعميرة الصالو تاعي

[لجين وفاء]

أخواتي حابة معمر الصالون تاع داري بمابل عصري اكيد راحت لامود تاع الخزاين القدم الي اهلنا كانوا يعمروا بيها الصالون وخرجوا خزاين جدد ارجوا ان تعطوني اسمهم ودبروا عليا نشري فوطاي قطيفة او جلد خير واللون اذا كان الجلد الباج باهي بصح خايفة مايلاويش الوسخ واللون تاع الكانابيات والطالبة تاعهم نشريهم في الأبيض ولا الأسود ولا المارون ناقغ

[لجين وفاء]

129مشاهدة ولا رد واحد متبخلوش عليا نصائحكم وتجاربكم تهمني عندي 5سنين منلي سكنت في داري هاذا وأين خدمت الصالو ورائحة نعمروا شريت الفراش ما روكان بيج غوز فوشيا برك هذا ماكان حابة نستفيد من نصائحكم

[dalal2008]

أولا مبروك السكن بالهناء و الصحة
اختي باش نقدرو نساعدوك كان لازم تعطينا بعض المعلومات مثلا
1-المساحة كبيرة او صغيرة
2-هذه الحجرة راح تستعمليها غرفة معيشة او صالون خاص للضيوف فقط
اذا كانت غرفة معيشة يعني المكان الي تجتمع فيه العائلة انا أرى انه اهم حاجة الموبل يكون مريح و عملي ويتحمل الاستعمال اليومي و هنا احسن حاجة هي الموبل البسيط وخاصة مع وجود أطفال




اما اذا كان صالون خاص بالضيوف هنا تقدري ديري حاجة افخم
عصري

او تقليدي

اما الألوان فحسب ذوقك وارجوك ما تخيريش لون لانه مودة او لانها وحدة تعرفيها داراتو في دارها لالالا
خيري اللون الي تحبيه انت و ترتاحي فيه واذا كانت المساحة صغيرة Les garnitures من الاحسن ما يكونش حجمهم كبير
واخر حاجة اختيارك يكون حسب ميزانيتك
في حفظ "الرحمن"

[لجين وفاء]

شكرا ليك أختي عزيزة الصالو رايحة نديرو غير لضياف وهو كبير ومقسوم بقوس في النص الي من الدخلة يفرد قعدة تاع 3كانابيات والنص الآخر يرفد خزانة وفوطايات واش رأيك أختي الخزانة تتبع الفوطاي خير ولا الكنابيات خير

[malake1967]

المشاركة الأصلية كتبت بواسطة لجين وفاء

أخواتي حابة معمر الصالون تاع داري بمابل عصري اكيد راحت لامود تاع الخزاين القدم الي اهلنا كانوا يعمروا بيها الصالون وخرجوا خزاين جدد ارجوا ان تعطوني اسمهم ودبروا عليا نشري فوطاي قطيفة او جلد خير واللون اذا كان الجلد الباج باهي بصح خايفة مايلاويش الوسخ واللون تاع الكانابيات والطالبة تاعهم نشريهم في الأبيض ولا الأسود ولا المارون ناقغ

المشاركة الأصلية كتبت بواسطة لجين وفاء

شكرا ليك أختي عزيزة الصالو رايحة نديرو غير لضياف وهو كبير ومقسوم بقوس في النص الي من الدخلة يفرد قعدة تاع 3كانابيات والنص الآخر يرفد خزانة وفوطايات واش رأيك أختي الخزانة تتبع الفوطاي خير ولا الكنابيات خير

السلام عليكم ورحمة الله وبركاته
بالنسبة أختي لصالونك يمكنك اختيار بعض الموديلات من موضوعي هذا

https://www.djelfa.info/vb/showthread.php?t=1898608
اما اللون فيبقى لك انت الاختيار وحسب ذوقك فالاذواق تختلف من فرد الى اخر والخزانة لا نعلم كيف تكون حتى نستطيع افادتك اين تضعيها ومن الاحسن ان كانت خشب فهي تتماشى مع الكنابيات ولكن حسب النوعية واللون
اماالفوطيات لما تكوني في مكان البيع وترين الموديلات قد تغيرين رأيك ان أعجبك أحسن تع القطيفة او الجلد
فالجلد تستطعين تنضيفه احسن من القطيفة وهذا يبقى سوى رأي لان من حيث الاناقة راجع للموديل المتوفر أمامك
وان شاء الله تتهناي به وربي يكمل

[malake1967]

هذه صور صالونات

[لجين وفاء]

شكرا أختي الخزانة حابتها تكون عصرية هدو الي يجيو كوحل ولا بويض وفوطايات عندك الحق كين نروح أكيد رايح ياسرني كاش موديل ونلصق فيه وليمودل الي حطيتيهم في الرابط رائعين شكرا ليك على الاهتمام

[malake1967]

نعم الخزائن انا ثاني شايفتهم ولهذا مانقدروش نقول لك وهاذوا قادرة تحطيهم مع للفوطايات ومن الاحسن اذا كانت الالوان متناسفة وهذا يرجع لك طبعا