رولي بطريقتي رووووووووعة

[almazalina22]

مرحبا حبيباتي جبتلكم رولي بطريقتي ان شاء الله يعجبكم وراه اهداء لعسلايتي ام تاااااااااج

المقادير

5حبات بيض

نصف كاس سكر صغير الحبيبات

فنجان زيت صغير نتاع القهوة

نصف كاس مايزينة او ما يعرف بالنشاء

نصف كاس +م ك فرينة

نصف باكي خمارة القاطو

لفاني

الكريمة

2 حبات جبن كيري ممكن نعوضو بلافاش كيري

2م ك زبدة طرية

1 م ك سكر رطب انا المرة الاولى درت 3 م ك جاني حلو بزاف

4 م ك شانتي

فنجان حليب او بوتي سويس او ياغورت


التحضير

نبدا بالبسكوي نفصل البياض على الصفار ونضربو مع قرصة ملح حتى يطلع نبدا نزيد في السكر بالشوي وعلى دفعات انا ندير هاذ الطريقة باش بلخف نطلع البيض احسن من مع الصفار كي يطلع البياض مليح نضيف فقط في جانب واحد الصفار بالوحدة ونضرب بلا ما نخلط كامل البياض ونضيف الفاني ومن بعد نزيد الزيت بالعقل كيما المايوناز ونطلع فقط في هذاك الجنب ونحبس التضراب ونكون غربلت الفرينة مع المايزينة والخمارة ونضيفهم على الخليط على ثلاث دفعات ونخلط الكل حتى البياض اللي كان بجيهة نحطو في صنية مفروشة بورق الخبز ونحطو في الفرن من تحت مدة 5دقائق ومن بعد نشعل من فوق ومن تحت نزيدلو 4دقائق على درجة 180وكل وحدة والفرن نتاعها وكي تنحيه اقلبيه على سربية فوقها ورق طبخ ونحي اللي طاب فيه من فوق وروليه وخليه يبرد

في هاذ الوقت نحضر الكريمة

الجبن مع الزبدة مع السكر ونضرب مليييح +الحليب في الصورة راني حاطة بتي سويس يعني تحبي تخففي بالحليب او البتي سويس وننصحك اذا ما عندكش الشانتي ديري البوتي سويس فقط باش تبقى الكريمة شادة روحها +الشانتي انا خلطت الشانتي وحدها وزدتها للخليط وخليت شوية للتزيين طبعا ممكن الاستغناء عليه وما نزيدوهاش في الكريمة ونزين بالسكر رطب او كيما تحبي

مرة درت هاذ المقادير

ومرة هاذ المقادير

ونروح للرولي ونسقيه بشوية عصير برتفال مع عسل سخنتهم مع بعض وشربتو مليح وحطيت الكريمة والمكسرات ماش شرط ممكن الاستغناء عليها ونروليه ونغطي بالكمية المتبقية ونفرغ السوبر كرام الذوق اللي تحبيه بالملعقة ولا سباتول هذي اخذتها من عند طباختنا واستاذتنا ام اماني 77 ونزين بالشانتي او كيما تحبي ويبرد في الثلاجة الى حين تقديمه يقطع ممممممممممم

او بالكراميل + جيلي و الكوكاو مممممممممممم شوفو












وااااااع راحت النت وقعدو زوج صور هاهم

ان شاء الله يعجبكم

حبيباتي ابعاد الصينية هي 41/31
شفتو قريب نص متر و الرولي يقطع حوالي 10 اطراف ملاح سمك 2.5 سم
سلالالالالام