تجهيزات المولود الجديد

[Simassim]

نظرا لكثرة تساؤلات حول تجهيزات مستلزمات المولود الجديد و تحضير حقيبة الولادة جهزت هذا الموضوع لإفادة الأمهات المستقبليات في عملية التجهيز
نبدأ اولا بمستلزمات البيبي وأحاول ادراج الصور مع نصائح لاختيار الانسب على حسب تجربتي البسيطة وتجارب الأمهات
ثم ننتقل الى تجهيز حقيبة الام والبيبي وماستحتاجينه في المستشفى

[تجهيزات المولود الجديد
]
الملابس



-تختلف ملابس الطفل باختلاف الفصول فمولود الشتاء يحتاج ملابس أكثر و أثقل من مولود الصيف.
-من 6 الى 9 ملابس داخلية قطنية بودي (بأكمام و بدون أكمام و بأكمام طويلة حسب الفصل) و يفضل تلك التي تغلق من الأسفلل لتثبيت الحفاضات ومن الجانب لتسهيل عملية التغير لانه الرضيع يتضايق من ادخال ملابس عن طريق الرأس

صورة


اذا كان الجو بارد في البيت من 6 collant سروال ضيقة من القطن ( انا لم استعملهم ) يمكن الاستغناء عنهم



من 6 الى 9 بيجامات من الاحسن نوع Grenouillère ومن الاحسن اختيار التي تغلق من الجانب او الامام

صورة.


من 6 brassière او Gillet شتوية لمواليد فصل الشتاء

صورة
جوارب قبعات
قفازات قطنية اختياري باش مايقبشش وجهه يمكن تعويضه بالقماط
صورة
[IMG][/IMG]


ملابس للخروج على حسب الفصل






لوازم القماط

صورة

عند شراء الملابس حاولي تختاري الألوان متقاربة حتى لا تختلط الألوان عند الغسيل نصيحة مجرب لول بعد وقوع كوارث


مستلزمات الغرفة



المهد او السرير لازم اختيار المناسب من الأفضل اختيار نوعية جيدة حتى وان كان ثمن مرتفع لكن يعتبر استثمار تستعمليه للأطفال المستقبل
من الأفضل اختيار سرير ذو ارتفاعات مستعددة على حسب عمر الرضيع حتى يسهل حمله ووضعه بدون الاضطرار للانحناء على الأقل ارتفاعين
من الأفضل اختيار نوع الذي يحتوي على جزء لتغيير الحفاظات وملابس البيبي حتى تسهل العملية
صورة






بالنسبة للسرير لي يكون من القماش coffins de bebe لاانصح به لان استعماله يكون خلال شهرين فقط

صورة

الفراش

ملاحف لي يرقد عليها ومخدة صغيرة انا لم استعمل المخدة والأغطية القطنية (دراوات) والشتوية ( كوفيرتة) ديري حساب يكون عندك على الأقل اثنان للتغير
اختيار قماش رطب من الاحسن قطن وتجنب البرودي والتزيين والساتان ووووو لازم يكون مريح وليس جميل






يمكن شراء هاد النوع منصوح به لتجنب اختناق البيبي وتجنب ان ينزع الغطاء عن البيبي مستقبلا حين يبدأ بالحركة
انا معتمدة على هذا النوع من الولادة الى الان عمر ابني اقل من سنتين لانه لا يحب الغطاء
صورة gigoteuse لبب




خزانة لجمع أغراض البيبي



أغراض الاستحمام والتواليت اليومي
حوض الاستحمام



اسفنجة gant de bain بلونين مختلفين واحدة لتغير الحفاظ يوميا والثانية للجسم والوجه


شامبو او سائل الاستحمام الخاص بالرضع
مشط رطب خاص للأطفال
زيت الأطفال زيت زيتون او زيت اللوز
مقص خاص ومقص أظافر خاص للرضيع
فازلين يستعمل احيانا لمعالجة قشرة راس الأطفال

سيروم واداة تنظيف الأنف وأعواد قطن لتنظيف الأدن من الخرج فقط ومرات تساعد لتنظيف الأنف ايضا





2 -3 فوطة كبيرة للاستحمام





كومبارس معقمة وسائل تنظيف السرة في الأيام الاولى
حافظات وكريم تغيير
لحاف لتغيير الحفاظات تكون من البلاستيك ومغلفة بغطاء قطني





أغراض الرضاعة
4- فوط صغيرة قطنية تنضيف عند التجشأ بعد الرضاعة


6- فوط صغيرة قطنية )bavoire( تحت ذقن الرضيع عند الرضاعة أو عند التجشأ.
بيبرونات للحليب واُخرى خاصة لتيزانات
تيرلي لإخراج الحليب من صدرك
سوسات العادية والسوسات لي تتعمر تنفعك في الأيام الاولى تعميرها بالتمر وحبة حلاوة


أغراض الخروج

حقيبة لجمع أغراض البيبي عند الخروج
كرسي السيارة
غطاء خفيف او غليظ على حسب الجو
حقيبة ايزوتاغم لحفظ الحليب
بوسات

اللوازم المهمة
ميزان الحرارة وحافظ الحرارة لازم يكونوا متوفرين منذ اول يوم ولادة


بعد الانتهاء من قائمة مستلزمات ننتقل الى بعض النصائح لاختيار الانسب والأنفع
بالنسبة للملابس
من الاحسن اختيار نوعية القماش رطبة خاصة الداخلية تكون قطنية وواسعة نوعا ما
خلال الأشهر الاولى من الحسن اختيار البيجامات لانها مريحة اكثر وتجنب السراويل والفساتين
تجنب بيجامات القطعتين بسبب حركة البيبي خاصة عند البكاء السروال يطيح
اختيار ملابس واسعة في منطقة الخصر لراحة وتجنب تسربات الحفاضات
بالنسبة للجوارب ايضا اختيارها تكون واسعة نوعا ما حتى لا تضغط على القدمين
تجنب الملابس التي تحتوي على أزرار لتجنب الاختناق بها او اعادة تثبيتها جيدا قبل الاستعمال


بالنسبة للمقاسات
تختلف على حسب وزن البيبي وطوله عند الولادة

الجدول التالي يوضح المقاسات
اذا كان طول البيبي عند الولادة اقل من 50 سم ستحتاجين ملابس قياس الاول naissance لمدة أسبوعين فقط
اذا كان البيبي أطول من 50 سم ووزنه اكثر من تلات كغ لا تشتري انا شريتهم واستعملتهم خلال أسبوع فقط او اقل

قياس شهر اي 54 سم تلبس من الولادة الى شهرين تقريبا

قياس تلات اشهر تستعمل من شهرين حتى تلات اشهر على حسب نمو الطفل

هنا يبقى لك الختيار بالنسبة لي شريت قياس شهر عدد 9 وتلات اشهر 6 بما أني مغتربة وليس عندي معارف كتيرة
استعملتهم خلا ل الأشهر 3 الولى واشريت تلات قياس اول استعملتهم أسبوع فقط

[Simassim]

حقيبة الولادة والأغراض التي تحتاجها المرأة في المستشفى

المشاركة الأصلية كتبت بواسطة simassim

الام
اول حاجة تدي الأوراق الخاصة بيك لازانالييز والكارني وماتنسيش نحي الذهب لي تكوني لابستو
على حسب المدة لي تقعدي فيها فالسبيطار
غوب دو شومبر وبنتوفلة وجوارب
تدي شوميز دو نوي او بيجامات لي تحسي فيهم براحتك. ديري حساب واحدة لكل يوم والخمار لي يجي معاها
الملابس الداخلية : سوتيان غوغج خاصين للرضاعة وسليبات حشاكم كاين وحدين جوتابل اذا صبتهم أحسن وزيد معاهم لي بوند
لانجات والصابون والسربيتة وووو. ووو باش تغسلي وتنشفي وماتنسيش المشطة ومواد تجميل اليومية لي تديريهم ماشي غي راكي عاد والدة تسمحي في روحك وتباني كي الغولة لول

مادام سبيطارت الجزاير مسخين ماتنسيش الجافيل باش تعقيم التواليت وإذا تقدري تدي فراشك نقي من الاحسن البنات لي عندهم. خبرة يفيدوكم


دي معاك تاني تمر وعسل تاكليها قبل الولادة


هادو يكونوا عندك في الفاليزا تاعك لي تديها معاك

وديري حساب اللبسة لي تولدي فيها رايحة تنحيها علاخطرش تتوسخلك


بالنسبة لبيبي
مين يزاد وجدي سربيته باش ينقوهلك شوي قبل مايلبسوه
وجدي لبسة لي يلبسها من يزاد ديري فبالك بلي النهار الاول البيبي لازم يلبس مليح ويقعد دافئ لانه يقدر يفقد الحرارة بسرعة خلال 24 ساعة الاولى تاعه منبعد تقدري تلبسيه عادي على حسب درجة حرارة الغرفة لي يكون فيها
عندك تريكوا او البودي لي يجي من التحت على اللحم وزيدي براسيار او تريكو واحداخر يجي من التحت مع البا والبيجامة او الغرونيار مع جوارب او بنتوفلة صغيرة خاصة للصغار والبوني وقفازات تاع قطن باش مايقبش روحه وزيدي لفيه في كوفيرتة صغيرة وماتغميهش خليه يتنفس

والكوش معلابليش اذا تدي معاك او هم يمدلك
هادو تكوني موجدتهم وحدهم ودخليهم معاك لصالة تاع الولادة ومديهم لساج فام لي تلبس ولدك

وزيدي تدي معاك فراش للبيبي على حساب الجو
ودي القش تاع البيبي باش تبدليله تاني نفس لي كتبتهم فوق ديري حساب زوج تبديلات فالنهار قادر البيبي يتقيأ تصيبي واش تلبسيه

ماتنسيش السوسات والبيبرونة ولي كوش ولانجات تاع بيبي لي بافوار تاع الرضاعة


والتمر لتحنيك البيبي وماء زمزم اذا كان عندك تمديه لبيبي من يزاد


هادو صوالح لي تديهم معاك للماترنيتي.

راني حاولت نترجم انا ساكنة فالغربة وكاين صوالح راني زدتهملكم على حساب سبيطارت تاع دزاير لي عندهم الخبرة يزيدوا يفيدوكم

[نسيم الإيمان]

يعطيك الصحة
متابعة معاك ان شاء الله

[أم البشائر]

يعطيك الصحه سماسم كفيتي ووفيتي

بصح بانولي بزاف حوايج ربي يعين

كنت راح نسقسي على القماطه
يعني هل تقمطو البيبي في الاشهر الاولى ولا ملي يزيد مباشره يلبس ثياب

وكاين اللي يقمطوه باش يرقد ليلا

[Simassim]

المشاركة الأصلية كتبت بواسطة نسيم الإيمان

يعطيك الصحة
متابعة معاك ان شاء الله

ان شاء نكون قدرت نفيدكم وإذا كانت عندك ملاحظات او الافات نضيفها فالأخير ان شاء الله

[Simassim]

المشاركة الأصلية كتبت بواسطة دمعة قمر

يعطيك الصحه سماسم كفيتي ووفيتي

بصح بانولي بزاف حوايج ربي يعين

كنت راح نسقسي على القماطه
يعني هل تقمطو البيبي في الاشهر الاولى ولا ملي يزيد مباشره يلبس ثياب

وكاين اللي يقمطوه باش يرقد ليلا

هههه صح حوائج بزاف لكن كل واحد يشري على مقدوره بالنسبة للخزانة والغرفة وووو تعتبر ثانوية
اما باقي الأشياء فهي مهمة
وبالنسبة لعدد الملابس ديري حسابك في الأيام الاولى تقدري تبدأي للبيبي على الأقل مرتين بسبب الإسهال والتقيا
انا شريت تسعة وكنت نغسل كل يومين ومرات كل يوم خاصة انه كان ابني الاول وأول مرة ندير ليكوش لبيبي دائماً كاين حوادث

القماط مفيد كثير للطفل خاصة الأيام الاولى يحس روحه ملموم كيما في الرحم وزيد البيبي يخوفوه يديه ويقدر يقبش روحه
انا استعملت القماط لمدة شهرين تقريبا اول أسبوع كان طوال اليوم ومن بعد كان كي يرقد نقمطه وفالاخير كنت نقمطه فالليل برك يقولوا هكذا يبقى يفرق بين الليل والنهار وقت الرقاد وقت اللعب والله اعلم ويبقى الاختيار لك واو بالأحرى للبيبي كاين لي مايحملش القماط وكاين لي مايرقدش الا به

[سؤدد الجنة]

مشكووورة سيماسيم
موضوع قيم جدا يعطيك ألف صحة وربي يسهل لكل الحوامل يارب

[أم البشائر]

عندك الحق بعد الزياده يكون لعيا وماكانش اللي تقدر تروح تشري وتبدال بزاف

انا بربي راح نكتب قائمه ونبدا نشري باه مانحسش

وبالنسبه للصيف عندي قطع قماش من اللي كنت نخيط روبات بقاولي قاتلي الخياطه كي تجيك بنيه خيطيلها والبسي كيفها راح ندفع نخيط لها موديلات تع صيف تتبرد فيهم بربي تكون في الشهر الرابع كي يدخل الصيف

بالنسبه للطلك قريت عليه بلي ماشي مليح ونعوضوه بالنشا

[أم البشائر]

عندك الحق بعد الزياده يكون لعيا وماكانش اللي تقدر تروح تشري وتبدال بزاف

انا بربي راح نكتب قائمه ونبدا نشري باه مانحسش

وبالنسبه للصيف عندي قطع قماش من اللي كنت نخيط روبات بقاولي قاتلي الخياطه كي تجيك بنيه خيطيلها والبسي كيفها راح ندفع نخيط لها موديلات تع صيف تتبرد فيهم بربي تكون في الشهر الرابع كي يدخل الصيف

بالنسبه للطلك قريت عليه بلي ماشي مليح ونعوضوه بالنشا

[عطرالذهب]

موضوع رائع سخفتيني باش نزيد نولد لاني نموت على حوايج الاولاد الصغار بالصح الاكراد اللي عندي يكفوني ربي يعيشهملي برك

[زينب 83]

موضوع مفيد لكل امرأة حامل شكرًا لك ، بالنسبة لي سالت علي سالت على القماطة أنا والدي في زوج ماقمتهمش الاول زياد في الشتاء و الثاني في الصيف و البساط الحمد لله قعدوا بكري و مشاو بكري

[ام ندى 87]

سيماسيم حنونه بوركتي اكيد الامهات الجدد يستفادو منو ربي يجازيك ويعطيك وقفه ساهله

[lilii7179]

بارك الله فيك , انا راني حامل بمولودي الاول و انا لكبيرة في دارنا يعني ما عنديش خبرة , نفعتيني, مشكورة

[ليامنة]

حبيت نشاركم بخبرتي مع مولودي الأول أنا ماقمطتوش ومالقيت حتى مشكلة مع رقادو كان يرقد مليح بالخف يتعود على يديه انتبهي فقط للأظافر باه مايخبش روحو ، ومثل الاخت لي سبقتني بمشاركتها وليدي مشا بكري 10 أشهر وما صادفاتو حتى مشكلة في النمو قالولي يجيو رجليه مقوسين ملكوش بصح ماكانش منها رجليه لاباس عليهم والحمد لله ، ممكن تقوس الرجلين عندو علاقة مع الكالسيوم والفيتامين دي كذلك المشاية قريت بلي تأثر كذلك أنا ما ستعملتهاش مع وليدي ، وأخيرا كل واحدة وقناعتها وقوة شخصيتها طبعا لأنك إذا ما قمطتيش راه تلقاي معارضة شديدة من الأقارب من الطرفين أهل الزوج والزوجة ، خاصة إذا كنت من المناطق الداخلية (الشرق) التي تقدس هذه العادة ,

[souma.f]

بوركت ختي على الموضوع القيم انا استفدت بزاف منو و دعوة ليك في ظهر الغيب و ان شاء الله توصلك