ورشة فراشات 3d .....مع ام مريم اسراء

ام مريم اسراء · 2014-06-10, 16:16

السلام عليكم

ليوم راح نتعلمو صنع فراشات 3D

الفكرة مجاتش من راسي و انما شفتها في النت
في اليوتوب
https://www.youtube.com/watch?v=mvAO991N9DU
و ثاني من الستيكرز هاذا قلت علاش منطبقش كيفو

ممممم قررت نخدمهم

نخليكم مع الصور التوضيحية
انا كانت عندي فراشة باش نطراسي بيها الي معندهاش من بعد نحطلها صور لرسم

نجيبو هاذاك البلاستيك نتاع غلاف الملفات و البحوث منعرفش واش اسمو هههههه حطيت 10 ورقات فوق بعض و ثبتتهم بالسكوتش انا خدمت بالسبارادرا و نجيب الفراشة الي عدنا و نبداو نطراسيو

و من بعد نقصو كما تلاحظو الفراشة عندي فيها زوج لحدة صغيرة و الاخرى كبيرة يعني تحصلت على حجمين كبيرة و صغيرة بدون تعب لما نقصو نتحصلو على كمية كبيرة من الفراشات

و تقدرو تلونوهم ببخاخ االتلوين يتباع 250 دج عند الكانكايري

قبل ذلك اذا جاتكم الفراشة حوافها مش مقصوصيم مليح تقدرو تجطوهم فوق شمعة باش يتسقمو انا معملتهاش

تحطو جريدة على الارض و تلونو خارج البيت لتفادي الرائحة القوية و كذا ممكن نطرشو و قبل منحلولها نعموها ههههههه

نقربو الفراشات و نرجو قارورة البخاخ و نبعدو 3 او 4 اشبار و يا الله تلوين و يخ

نخلوهم يجفو

تقدرو تلونوهم كما تحبو مثلا ذخبي فضي تزينو بيهم غرف النوم البنوتات مثلا تحتارو وردي او بنفسجي فوشيا و تقدرو تزينوهم بالستراس و البرييون و تلسقوع بمسدس الشمع

تقدرو تحطوهم على الجدار في كوان يجو متفرعين من الاكبر لاسغر ممكن تعملو كما طريقة الفيديو ساعة حائط او مراء مدورة و تزينو حوافها

ممكن تجيبو خيط الصيد الشفاف - السبيب - و تلسقوهم فيه و تعملو ستارة باب او تعلقوهم على الشباك

ممكن تعلقوهم على المصباج بالنسبة للغر الي مفيهاش- لوستر -

ممكن تجيبو كادر بدون صورة تلسقوهم فيه بحيث يجو خارجين -باشكال ثلاثية الابعاد -

ممكن تزينو بيهم لات الجهاز نتاع لعروسة وووووووووووو انتم و واش حابين
الي معندهاش الالوان ممكن تستخدم طلاء الاظافر الي مش تستعمل فيه

نظن خلصت واش حابة نقول نتمنى تطبقوهم و نتمنى اكثر اني وفقت في هاذ الورشة

انا حابة نلونهم بالموف نزين بيهم غرفة مريومة لكن مشريتش اللون ممكن نستعمل طلاء الاظافر و راح نحط الصور هنا بعد التكملة لانو جاني طلب ليوم محبيتش نتاخر

هاذو صور من النت

هاذو باش ترسمو عليهم الي حبيتو
تقدرو تطبعوهم و تطراسيو

قريبا ان شاء الله

ورشة تزيين الريموت كونترول

ورشة التزيين بانبوب الكارتون الي يبقة من رولو ورق الالمنيون و مناديل الحمام
و استغلال علية الشيبس
ورشة تزيين علبة الاحذية
ورشة اعمال بالجرائد

ان شاء الله قريبا طبعا ان لقيت تشجيع و تفاعل

في امان الله

fati13 · 2014-06-10, 17:00

رووووووووووووووعة يعطيك الصحة اختي

ام مريم اسراء · 2014-06-10, 17:15

بلا مزية اختي فاتي

youya :) · 2014-06-10, 17:23

Wow yhablou ya3tik saha

عطرالذهب · 2014-06-10, 17:25

رووووووعة والله روعة وباينة راكي رجعتي بقوة ربي يبارك فيك ويحفظك وفي انتظار ورشاتك القادمة

الصمت حكمة · 2014-06-10, 17:46

عندي مدة ماشفتكش
هايلين يعطيك الصحة
في انتظار الجديد

ام مريم اسراء · 2014-06-10, 17:49

بارك الله فيكن اخواتي
اختي عطر هاذا العالم الي نلقى فيه روحي ههههه
اختي صمت و انا توحشتك حبيبتي من ليوم باذن الله تلقايني هنا هههه
اختي يويا نتمنى يعجبوك و تجربيهم

Maria dadi · 2014-06-10, 17:59

يعطيك الصحة حبيبتي

youya :) · 2014-06-10, 18:05

راهم عجبوني اختي وانشاء الله نجربهم لازمني البلاستيك لي خدمتي بيه

ام مريم اسراء · 2014-06-10, 18:16

مريا يبارك في عمرك غاليتي
اختي يويا هاذاك تلقايه في المكتبات و الطاكسيفون الي يعمل الفوتوكوبي

youya :) · 2014-06-10, 18:24

شكرا جزيلا اختي

ASYA84 · 2014-06-10, 18:49

سلام حبيبتي موضوع رائع راني توحشتك توحشتك موووووووووووووووووووووت وااله راكي في بالي وانت الوحيدة اللي نحسها قريبة ليا في المنتدى هادي غيبة واش احوالك حنونة ما قدرتش نبعثلك رسالة خاصة ديما نسقسي عليك في الغرفة ةالله ربي عالم شحال نحبك ونعزك علاه ما راكيش تدخلي وعلى العموم ليوم حكمتك هههههههههههه ربي يهنيك حنونة باااااااااااااااااااي

sarah_sb · 2014-06-10, 20:06

ماشاء الله بارك الله فيك

دارين18 · 2014-06-10, 21:27

بارك الله فيك

farawla01 · 2014-06-11, 16:52

رووووووووووووووعة يعطيك الصحة اختي