إ
بسم الله ربي مولانا ***** خالقنــــا عظيم الشــــــان
والصـــــلاة على المصطفى ***** طه نبينــا العدنان
نبدأ ذا القصة نحكيها ****في وطني اختلت لوزان
يامن تحكي عا التربية **** رآها أتعاني من لمحان
داروها حقل التجارب ***** ضيعنا حق الصبيان
اللغة في وطني تبكي ***** خذلوها ذوك الخيان
قالوا عنها لغة بكري***** لغة شعـراء رعيان
ماهيشــــي لغة تقـــدم ***** خلوها ضركة تتهان
في وطني كاين عصابة***** تتحرك من شاو أزمان
رآها تتربص با لأمة ***** وش من نار بلا دخــان
من يعرف لجنة بن زاغو*****كلش ظاهر بالبيان
رآهم ضربونا في مقتل***** وألطف بينا يا رحمان
واحد يهدر بالرومية ***** وايفنن فيها تفنـــان
وإذا يهدر بالعربية ***** ايكسرها ذاك الجبان
والله ما يعرف قيمتها***** ياك هي لغة قرآن
المولى ديماحافظها***** نسمعها في كل آذان
يالهوني رآنا في حيرة *****جينا في آخر زمان
العاقل عايش في حيرة ***** والجاهل عايش سلطان
حرقتنــــا نار التقدم ***** وأدفعنا بــاهض لثمان
تبعنا قـــــوم التفسخ ***** صرنا نرضى بالهوان
نتأمل في جيل الأمة ***** في حياتو ياسر تعبان
واحد يتفنن في اللبسة ***** شمة وأمعاها دخان
سروالو للركبة هابط ***** الله يهدي ذاالانسان
ياربي ذا الوقت أتبدل *****ترعى وطني ياحنان
تحفظنا من كيد الكفرة***** وانعيشوا عيشة أمان
( تقرير عن مشاركة سيئة )، و الموجودة أسفل كل مشاركة .
2015-08-09, 22:47
لغتي العربية
العرض العادي
