التحضيرات الخاصة بشهر رمضان الكريم

[ام حسا الدين]

المشاركة الأصلية كتبت بواسطة om hadil

الله يبارك فيكي اختي الله يجعل يدخل علينا رمضان بصحة والعافية

المشاركة الأصلية كتبت بواسطة om hadil

عجبتني طريقتك في تحظير الطماطم رايحة نجربها اكيد

عندي سؤال ليكم اخواتي يقال انو الخبز المكونجلي مراهوش مليح للصحة ولله اعلم


ربي يوفقك اختي

يعتبر تخزين الخبز في الثلاجة هو أفضل الحلول. فهي تمنع التعفن، لأن درجة حرارة الفريز تعمل على وقف عمل هذه الجزيئات، وتجعل الخبز في حالة أفضل. وللحصول على أقصى أستفادة من الخبز المجمد، فعليك قدر المستطاع تخزينها بمجرد خروجها من الفرن وتبريدها، ثم قومي باستهلاكها بمجرد ثوبان الثلج. كما يجب لف الخبز جيداً في البلاستيك وستكون فكرة جيدة أيضاً إذا قمتي بتقطيع الخبز إلى شرائح قبل وضعها في الثلاجة.

[بريق الدجى]

فكرة الموضوع رائعة و هكذا نستفادو من خبرات بعضانا

اختي ام هديل اول مرة نسمع هذه المعلومة شكرا على النصيحة

اختي صدفات ممكن توضحي فقط طريقة تجميد المعدنوس لأني انا في رمضان مانقدرش نشريه كل يوم مانلقاهش و جربت نجمدو و هو مقطع لكن لونه يولي غامق و يذبل

اما عن تدبيرتي لرمضان انا نوجد صلصة البيزا و نحطها في اكياس و كي نحب نطيب البيزا ماعلي غير نوجد العجينة فقط و نجبد الصلصة من المجمد نخليها تذوب فقط و نستعملها

و لي عودة للموضوع

[صدفات]

المشاركة الأصلية كتبت بواسطة بريق الدجى

فكرة الموضوع رائعة و هكذا نستفادو من خبرات بعضانا

اختي ام هديل اول مرة نسمع هذه المعلومة شكرا على النصيحة

اختي صدفات ممكن توضحي فقط طريقة تجميد المعدنوس لأني انا في رمضان مانقدرش نشريه كل يوم مانلقاهش و جربت نجمدو و هو مقطع لكن لونه يولي غامق و يذبل

اما عن تدبيرتي لرمضان انا نوجد صلصة البيزا و نحطها في اكياس و كي نحب نطيب البيزا ماعلي غير نوجد العجينة فقط و نجبد الصلصة من المجمد نخليها تذوب فقط و نستعملها

و لي عودة للموضوع

سلام يااختي بريق الدجى و عذرا في التاخير في الرد
باه يبقى الون اخضر وما يكحالش لازم كي تغسليه تخليه ينشف مليح و تنزعي الاوراق فقط هما لي ترحيهم جربيها وشوفي .

[fatiha hana]

اللهم بلغنا رمضان الاخت ام ايمان اللي سالت على تجميد المعدونوس اغسلية وخليه يقطر ومنبعد قطعيه بالسكبن رقيق ثم خدي قوالب السليكون لوعلب الياغوؤت فارغة عمري مقدار 2ملعقة كبيرة معدون وغطيها بالماء وضعيهم في المجمد لما يجمد انزعيهم زضعيهم مع بعض في صاشي وكل ما تحتاجي اجبدي وحدة ولا2 وارميها مباشرة في القجر اما ادا اردت يسيعمليه للمحاشي خليه يدوب واستعمليه اتمنى اني افدتك والله ما نعرف نحط الصور كون صولرتلك الطريقة الله غالب امية

[yalaloulou]

merciiiiiiiiiiiiiii

[أم ماجد]

محجوز لي عودة

[فاطمة هديل]

السلام عليكم ورحمة الله وبركاته
شكرا لك اخيتي بارك الله فيك
اود ان استعمل تعقيبا على كلمة ان شاء الله فهي الاصح تكتب ان شاء الله ليس انشاء الله لانه يقصد به ارادة الله بان شاء الله
جزاكم الله خيرا بارك الله فيكم
السلام عليكم ورحمة الله

[رياحين الجزائر]

انا التحضيرات غير مع الجلبانة ولوبيا ماشتو فقط المجمد انتاعي صغير مايكفيش لانو انهار الاول انتاع رمضان يدبح شيخي ويمدلنا نص الجزرة ماعنديش وين انحط يبقى غير للما لاني مانحطش التحت انخاف يشربو الصغار ويمرضو انديرو مقلاصي وانحطو في القلاسيار قيبل المغرب وطريقة الطماطم حتى انا انطيبها من بعد انكونجليها بصح مور رمضان هههه ربي افرج اعلينا ونشريو مجمد وحدو ههههه قولو امين

[ياسمين1990]

اللهم بلغنا رمضان وانت راض عنا امين
انا كل عام نكونجلي الجلبانة والفول واللوبيا الخضرة والطماطم كي تكون زايدة وفاضلة نرحيها ونحطها بلاما نطيبها
صحيح الخبز او الاشياء المملحة بصفة عامة لا تصلح في المجمد هذي قال عليها طبيب
وايضا البصل او الثوم ماتصلحش تتجمد لانه تتكون فيها مواد كميائية خطيرة على الجسم
حتى لو قطعتي نصف بصلة وتركتيها للغد هذك النصف يكون فيه سموم يمتصها من الهواء المحيط به من الاحسن ترميها وتحافظ على الاسرة
شكرا

[ريتان]

44444444444444444444

[ام سراج وملاك]

اولا يعطيك الصحة فكرة الطماطم هايلة ضك نجربها انشاء الله من ناحية الترقاد انا من خلي والو يعني في وقت الفول نشد نغسل الفول مليح ونقطعو دوائر صغار بزاف مبعد نفورو ونحطو في كيس بلاستكي كميات ونخبيهم ندير بيهم شكشوكة مثلا طبعا كي يكون وقت الفول مكانش خي تعرفي شكشوكة الفول الاخضر لرقيق ماشي لي نغليوه ونخبي حبات مجمولين شوي نشتي ندير بيهم بربوشة بالنسبة لي يتغلى ثاني نحيلو القشرة ونخبيه نوليو لرمضان انا نخبي الجيلبانة خطراه عندها وقت معين نخبي كميات كبيرة نفوت بيها رمضان وحتى ورا رمضان في رمضان منديروش كل يوم جيلبانة خي علابالك هنا يغلبنا رمضان ونوعو بزاف نسخفو على كلش لاشة مانكلوش بالنسبة لطماطم انا نخدم نتاع لقرع ونخبيها على برة الفكرة نتاعك عجبتني نجربها انشاء الله و ندير سعات حميس نتاع فلفل مشوي حار وحلو مع الطماطم والثوم ونخبيهم نلقاهم سعات كي ميكفينيش الوقت بالنسبة لطجين لحلو انا قبل نهار من رمضان نوجد كمية كبيرة نخبيها كل يوم نجبد نحي قيس مانكلو ونسخنو باش ميفسدش منسخنش الكمية لكبيرة كي يخلاصلي نزيد نطيب كمية كبيرة نتمنى انشاء الله يزيدو لبنات يفدونا انا عندي خالتي تخبي في الثلاجة حتى الكابية خي تعرفيها عندها وقت معين برك كي سقسيتها قاتلي قلشي جديدة كي طيبيها شوفي اي حاجة تخبيها تلقايها ماشي خسارة بصح الواحد يدير احتياطو الحاجة لي يجبدها من المجمد ميخليهاش تذوب ويعاود يرجعها خي علابالكم بلي راهم يديرو المرض لرواحهم علابيها الفكرة نتاع الطماطم نتاعك عجبتي كي عادت كميات صغار في باطة نتاع الياؤورت راني نهدر بزاف لوكان تطلقيني نعمرلك الصفحة منطولش عليكم في انتظار تحضيراتكم جميعا

[خيروشة]

الشكر الاول لصاحبةالفكرة الأولى ونشكر أيضا كل من شاركتنا بخبراتها ومنكم نستفيد بارك الله فيكم

[أم محمد تاج]

الف شكر ليلوشة على الموضوع وراح نبدا بتحضيراتي الرمضانية اللهم بلغنا رمضان ياكريم
اولا مرت بابا الله يحفظها خدمتلي الفريك من عندها زوج كيلو يعني يكفيوني لرمضان ويبقى ياخي تعرفي حنا تاع باتنة لازم الشوربة فريك
وثانيا الدواوات تاع البرمة والله صراحة نشريهم من عند واحد ثقة من لي توفاة امي الله يرحمها عدت نشريهم بكري تخدمهملي هي بنة عظيمة اييييييه الله يرحمها يارب
ثالثا حنونتي فيما يخص الطماطم المجمدة كنا نديروها كي كان رمضان يجينا في الشتا والطماطم غالية بصح ضرك راه يجينا في الصيف والطماطم تكون رخيسة بزاف مالا كي يفوت رمضان لي نكونجليو الطماطم تحسبا للغلاء تاعها في الشتا
رابعا والعصير وانواعه الصراحة الصراحة كي يتكونحلا مايعجبنيش يضرب فيه ريحة الكونج وتتبدل البنة تاعو مانقدرش عندك نكونجلي تاع المشماش بصح مايطولش
خامسا وراكي تعرفي ميناج رمضان بديت هاذ ليامات بالخزاين والكوزينة بقاو الحيوط والنوافذ كي قريب يلحق نغسلهم مرة وحدة
حبيبتي وكي قريب يوصل رمضان نقضيو هاذ العين هذا زبيب وووو اكي تعرفي
حنونتي كاشمة تفكرت نزيد ندير تعديل ونحطلك يالغالية
الف الف شكر

[رياحين الجزائر]

حبيبتي انسيت البارح ماكملتش راه الزهايمر
انا ثان انوجد الدواوات او التوابل وان شاء الله كي نلقى الليستة انتاعي انتاع راس الحانوت راني نكتبها واش فيها اكل ونشريو الفريك بكري كانت يما وبابا يحصدوه ويخدموه ونخدم معاهم بصح درك انا مايخلونيش الاولاد وراجلي وبابا ويما كبارو مايقدروش للتعب نشريوه واجد يا اما حب ونرحيوه ولا نشريو 100غ من عند الحوانت حتى انطيحو في البنين انروحو نشريو حتى 3 كيلو تعرفي الفريك في باتنة راه هو الرسمي هههههوماننساوش الزبيب والعينة والشونتييي والفلان وانا من طبعي في رمضان مانكثرش ليبلا خاطر ماياكلوش والله والتبدير حرام تقريبا راجلي شربة وطاجين حلو فقط والسلاطة ماياكلوهاش بزاف ديما نرميها عدت مانديرهاش ساعات برك كي يسخفو فقط بصح واش تلقاي عندي بزاف وبكميات هايلة القازوز والفلفل هههههه هدو تلقاي بالانواع وكاشما تفكرت راني انزيد والميناج مازال مابديتش ههههه بيناتنا راني نسنى في بنتي تدي العطلة ونبداو في الديار الاولين من بعد الكوزينة باه تبقى نقية

[lilouchaf]

يعطيكم الخير والربح كي شرفتونا بالافكار والتدابير الي تساعد كل ربة بيت