ملف عن النواشف من مطبخ Toma

[ilbeldelmondo]

السلام عليكم و رحمة الله و بركاته
مرة اخرى مع الملفاتي المفتوحة ههههه لقيتهم يسهلو البحث
نبدا على بركة الله


قراتان اللحم المفروم بالخضر المهروسة hachis Parmentier


للخضر المهروسة:

2 بطاطا
2-3 كوسا
2-3 جزر
3 فصوص ثوم
ملح
كريم فريش
بيضة
م ص خميرة كيميائية
نقطع الخضر قطع كبيرة لتسهيل فصلها و نطبخها في الماء مع الثوم و الملح
نفصل كل نوع خضر وحده مع فص ثوم و ملعقة كريم و نرحي بالمضرب الكهربائي
نخفق البيضة مع الخميرة و نضيها الى كل من الخضر المهروسة
اللحم:

400 غ لحم مفروم
بصلة صغيرة نقطعة قطع صغيرة
طماطم مبروشة
فص ثوم مهروس
ملح، فلفل اسود و م ص سكر
م ص موتارد
م ص هريسة
م ك معجون الطماطم
زيت
نحمر البصل في الزيت و نضيف اللحم ثم الطماطم و باقي المكونات و نتركهم 10 دقائق على النار


ندمه قالب كبير او قوالب صغيرة بالزبدة و نضع طبقة لحم و الثلاث الخضر المهروسة حسب الترتيب لي تحبيه
يطهى في الفرن 220 درجة مدة 20 دقيقة و يترك ليرتاح 20 دقيقة قبل التقديم
يمكن اضافة الجبن


اجنحة الدجاج بخلطة سرية


اجنحة دجاج 12
1/2 كاس فرينة
م ك موتارد
م ك كريم فراش
م ص عسل
3/4 كاس ماء
2 م ك ملح
1 م ص فلفل اسود
زعفران
فلفل دريس حلو و حار
كمون
جوزة الطيب
اكليل الجبل

ننزع جلد الأجنحة و هذا ضروري و نخلط المكونات الاخرى مع بعض ثم ننقع الأجنحة ليلة كاملة في التتبيلة

خلطة القرمشة:
كاس فرينة
2 م ص خميرة كيميائية
زريعة البسباس
فلفل احمر حلو
كاري
كركم
ملح و فلفل اسود
ثوم مجفف
بصل مجفف ان وجد

نخلط كل المكونات و راح تكون خلطة جافة

نسخن الزيت و نحمل الأجنحة واحد تلو الاخر من التتبيلة و مباشرة الى الخلطة الجافة ثم في الزيت
النار تكون متوسطة و نتركها تتحمر من الجهتين ولا نضع فوقها الزيت و انما نقلبها
نضعها فوق ورق ممتص ثم تقدم


كيش السلمون

لقلب بقطر 30 سم

250 غ عجينة التوريق
3 الى 4 قطع سلمون
بصلة خضراء مقطعة دوائر
فصين ثوم مرحيين
فلفل حار مقطع دوائر
ملح فلفل اسود
م ص خردل
3 م ك ياغورت طبيعي
زيت
جبن الغرييار مبروش حولي 200 غ

نذبل و نحمر البصل و الفلفل في الزيت الحار ثم نضيف السلمون مقطع مع التوابل و نتركهم حتي يطهى ثم نظيف الياغورت و نترك الحشو جانبا

نمد العجينة بالفرينة و نلبسها القالب ثم نثقب القاعدة
نضعها في الفرن 170 درجة مدة خمس دقائق ثم نخلط الحشو مع بيضة و الجبن و نفرغه في الطورطة

و نرجعها الفرن لتكمل الطهو حتى تتحمر

يمكن إغلاقها بالعجينة كما فعلت أنا

مطلوع محشي

المطلوع:

3 كؤوس فرينة
3 كؤوس سميد
5 م ص ملح
3 م ك خميرة الخبز
2 م ك سكر
فنجان زيت
بياض بيضتين
حليب دافئ

نخلط الجميع و نظيف الحليب تدريجيا للحصول على عجينة طرية و نض الحليب على السطح العجينة و نغلفها بكيس و نخليها في مكان دافئ ربع ساعة
ثم نعجنها ملييييييييح و نغلفها بكيس و نخليها تتخمر في مكان دافئ من نصف ساعة الى 45 دقيقة
الحشوة:

بصل اخضر
طماطم كبيرة
لحم مرحي
ثوم مهروسة
ملح فلفل اسود و كسبرة
م ك هريسة
م ك طماطم مصبرة
م ص دبس الرمان يعوض بنصف ملعقة عسل
زيت
نحمر البصل مقطع مع اللحم ثو نظيف الطماطم و التوابل الاخرى و نترك الماء يتبخر و النكهات تتداخل
نقسم العجينة الى ستة كرات كل 2 يمثلو قرصة

و نفردها الى أقراص و نضع الحشو على القرص الاول و نغطي بالقرص الثاني نغلق الأحرف جيدا يمكن استعمال الماء
ان كانت العجينة جد طرية استعملي السميد لفردها
نغطيها بوعاء بلاستيكي و نتركها فوق قطعة قماش في مكان ساخن مدة ساعة لتخمر جيدا

نسخن الطاجين و بواسطة لوحة خشية نقلي القرص المحشي عليه و نزلقه في الطاجين
كي يطيب المطلوع نقلبه و نحمر الأطراف بالنار الجانبية للطاجين



https://www.youtube.com/watch?v=ln37lDRqZqU
خبز baguette :
https://www.youtube.com/watch?v=ln37lDRqZqU

La poolish : و هي اساس الخبز الفرنسي تحضر بليلة قبل

250غ فرينة
250غ ماء
3 م ص خميرة الخبز

نخلط المكونات عي العجانة بالمحرك K نغطي الخليط ببلاستيك و منشفة و نضعه في مكان دافئ حرارته 40 الى 50 درجة مدة ليلة كاملة لتتضاعف الخميرة

العجين:
نخلط البوليش بالمكونات التالية:
250 غ فرينة
2 م ص سكر
3 م ص ملح
1 م ص خميرة الخبز
2 م ك زيت
2 م ك ياغورت طبيعي

نعجن العجينة جيدا راح تكون جد طرية و نظيف 1 م ص زبدة طرية و نغطيها و نتركها تتخمر مدة ساعة و نصف في مكان دافئ
بعد ان تتخمر العجينة تعجن باليد لمزج الزبدة جيدا و بواسطة الفرينة نقسمها لي ثلاث كرات
نرش صينية الخبز بالفرينة

نفرد كل كرة بالطول و نلفها لنشكل شكل الخبز الفرنسي ثم نضعها في الصينية
نترك الخبز يتخمر مدة ساعة في مكان دافئ و نشكل بسكين حاد فتحات على السطح

يخبز في 240 درجة و ندهنه من فوق بالزيت و نتركه يتحمر

شهية طيبة

طاجين القرنبيط


بصلة مفرومة
أفخاذ دجاج
م ك موتارد
زيت
فلفل حار
4 فصوص ثوم مرحية
ملح فلفل ابيض و كسبرة
1/2 لتر ماء
حمص طايب
1/2 كغ قرنبيط
3 بيضات
ملح فلفل اسود او ابيض
ربع كاس حليب
4 م ك فرينة
4 م ك نشاء
م ص خميرة كيميائية
ربع م ص بيكاربونات

نقلي الدجاج مع شوي زيت و نظيف البصل الثوم الفلفل. ثم الملح الفلفل الابيض و الكسبرة مع ملعقة الموتارد نحرك جيدا و نخليهم يغليو شوي و نزيد الماء و نخليهم يطيبو مليح ثم نصفي المرق و نزيدلو الحمص و نخليه يغلي شوي

نقي و نغسل القرنبيط و نفرقه الى أزهار و نفوره بالملح طبعا

نخفق البيض مع الملح الفلفل الفرينة النشاء الخميرة و البيكربونات ثم نضيف الحليب و يمكن اضافة التوابل لي تحبيهم مثل الثوم و فلفل دريس و المعدنوس

نغطس أزهار القرنبيط و افخاذ الدجاج في خليط البيض و نقليهم في زيت سخون حتى يحمارو و نقدمهم سخونين مع المرق و الحمص الليمون و المعدنوس

سوفلي البطاطا مع الكمونية

الكمونية:

قطع كبد خروف او دجاج
حبة طماطم مبروشة
ملح فلفل اسود
فلفل دريس
كمون
ثلاث حبات ثوم مهروسة
زيت
م ك هريسة
م ك طماطم مصبرة
نحمر قطع الكبد في الزيت مليح
و نطيب على جنب الطماطه مع القليل من الزيت و باقي المكونات مدة 8 دقائق و نظيفا لها قطع الكبد المحمرة و نخلط مع بعض مليح
السوفلي:

2 حبات بطاطا مبروشة
جبن مبروش الكمية لي تحبي
جبن ابيض
3 حبات بيض
2 م ص خميرة كيميائية
ملح فلفل ثوم مهروسة
م ك كريمة طازجة

نضرب البيض مع الملح الفلفل الثوم الكريمة الطازجة و الخميرة ثم نخلط مع باقي المكونات
ندهن مول كبير او قوالب صغار بالزبدة و نرشهم بالشابلور

نفرغ الخليط و نطيبو في الفرن ساخن 180 درجة مدة 30 دقيقة او اكثر


بطاطا بالاعشاب سهلة و سريعة


2 حبات بطاطا مقشرة و مقطعة
3 م ك زيت الطاولة او زيت زيتون أحسن
حبات ثوم
1 م ك موتارد
ملح
فلفل اسود
كسبرة
زعفران
زنجبيل مجفف و مرحي
زعيترة
رند
اكليل الجبل
فلفل ادريس

نخلط جميع المكونات في إناء و نضعها في أكياس الشواء و ندخلها فرن ساخن 180 درجة مدة 30 دقيقة
تقدم مع السمك او الدجاج و سلطة


خبيزات بالفرينة و سميد القمح الكامل


2 كاس فرينة
نص كاس سميد القمح الكامل
2 بياض البيض
2 م ص ملح
2 م ص سكر
3 م ص خميرة الخبز
4 م ك زيت
حليب دافئ

نخلط جميعا المكونات و نضيف الحليب تدريجيا للحصول على عجينة جد مبللة نتركها ترتاح 15 دقيقة ثم نعجنها جيدا و نتركها تتخمر في مكان دافئ مدة نصف ساعة و طبعا نغطيها
ندهن صينية و دوائر خبز البرغر و من عنده القوالب أكيد يستعملها بالزبدة و نرشها بالفرينة
يمكن استعمال ورق الطهي

نقسم العجين الى كرات صغيرة و نضع كل خمس كرات في دائرة او قالب على شكل زهرة و نتركها تتخمر مدة 45 دقيقة او اكثر في مكان دافئ
تخبز في فرن ساخن 240 درجة و لا ننسى ان ندهن الخبزات بصفار البيض لاكتسابها حمورة
لتقديمها مع الحلو نظيف السكر و الفنيلا و ننقص كمية الملح


خبز الدبدوب المحشي

العجينة:

2 كاس فرينة
1 بيضة
نص كاس حليب دافئ
4 ملاعق كبار زيت
2 ملاعق صغيرة ملح
2 ملاعق صغيرة سكر
2 ملاعق صغيرة خميرة الخبز
1 ملعقة صغيرة كريم فراش

نخلط كل المكونات و نزيد الماء الدافئ حتى نتحصل على عجينة طرية و نخليها تتخمر 45 دقيقة
الحشو:

400 غ دجاج مقطع
بصلة خضراء مقطعة شرائح
فلفل اخضر شرائح
ملح فلفل اسود او ابيض
ملعقة صغيرة موتارد
زيت
نطيب كل المكونات مع بعض في مقلاة
صوص الباشميل:

300 مل حليب بارد
ملعقة كبيرة زبدة طرية
ملعقة كبيرة فرينة
ملح فلفل اسود رشة جوزة الطيب و حبة ثوم مرحية

في نفس المقلاة لي طيبنا فيها الحشو ما نغسلوهاش نحط الزبدة و الفرينة على نار هادئة و نخلط
نضيف الحليب تدريجيا و نخلط باستمرار ثم نزيد التوابل و نخليها حتى تثقال شوي و نزيد الحشو و نخلط مليح و نخلي الخليط يبرد و يمكن نزيدو الجبن الطري

نقسم العجينة الى تسع كارة وحدة كبيرة للجسم و وحدة للراس و الصغار للانف الأذنين اليدين الرجلين
نفرد الكراة و نحشيها بالحشو و نحطهم بترتيب جسم الدب و نخليها تتخمر مدة ساعة في مكان دافئ اكيد


نسخن الفرن 220 درجة و نزين الدب بالزيتون الاسود ( الأعين الانف ) و نخليها طيب من تحت ندهن البيض من فوق و نشعل الفرن من فوق باه تحمار

و شهية طيبة

قرصة الكوسا

العجينة:

كاس فرينة
نص كاس حليب دافئ
ملعقة كبيرة زيت
م ص ملح
م ص خميرة الخبز
م ص سكر
نخلط جميع المكونات و نعجنها مليح. نغطيها ببلاستيك و نحطها في مكان دافئ مدة ربع ساعة او اكثر
الحشو:


2 كوسا مقطعة شرائح
نص بصلة شرائح
ملح فلفل اسود
نصف م ص سكر
3 م ك زيت
فنجان ماء
فطر
نضع كل المكونات في مقلاة و نغطيها على نار هادئة حتى تذبال الكوسا و البصل ثم يبداو يحمارو نحيهم جانبا
نحضر صوص الحليب:

3/4 كأس حليب
بيضة
م ص فرينة
م ك جبن طري
ثوم مهروسة
ملح فلفل
م ص موتارد
في نفس المقلاة نخلط مكونات الصوص و نخليها على نار هادئة حتى تخثار و نضيف الحشو و نخليهم يبردو

نفرد العجينة اي قرص رقيق و نحطها في صينية مدهونة بالزبدة و مرشوشة بالفرينة و نخليها نص ساعة تتخمر و نسخن الفرن

نطيبها في 220 درجة مدة خمس دقائق و نجبدها نحط الحشو و نزين بالطماطم او زيتون او اي حاجة تحبيها و تخليها تكمل طيب و حمريها من فوق

شهية طيبة


بيتزا جزائرية

العجينة:

كاس سميد
كاسين فرينة
ملعقتين صغيرتين سكر
ثلاث ملاعق صغيرة ملح
ثلاث ملاعق صغيرة خميرة الخبز
اربع ملاعق كبيرة زيت


نخلط كل المكونات و نلم العجينة بالماء الدافئ حتى نتحصل على عجينة جد طرية نخليها ترتاح ربع ساعة ثم نعجن العجين مليح و نخليها تتخمر نص ساعة في مكان دافئ
صلصة الطماطم:

اربع حبات طماطم مقشرة و مرحية
ملعقة كبيرة هريسة
ملعقة كبيرة طماطم مصبرة
ملح
فلفل اسود
فلفل دريس
زيت السردين المصبر
نطيب الكل في مقلاة مدة خمس دقائق

ندهن صينية 45*45 سم بالزيت و نفرد العجينة فوق باليد بواسطة الماء و نخليها تتخمر 45 د او ساعة
نسخن الفرن على 220 درجة و نطيب العجينة وحدها 10 د ثم ندهنلها الطماطم و نحط الزيتون الاسود، الفلفل الحار و السردين و نخليها تكمل طيب و شهية طيبة
تقدم مع حمود بوعلام هههههههههه


قراتان البروكلي


نأخذ راس بروكلي صغير و نفرق الزهرات نغسلهم و نملحهم و نطيبهم على البخار
صلصة الطماطم:

بصلة صغيرة مرحية
ثوم مهروسة
حبة طماطم مرحية
ملعقتين طماطم مصبرة
فلفل اسود
ملح
كسبر
دبشة و فلفل حار
زيت
نص لتر ماء
نطيب جميع المكونات مدة نص ساعة او عشر دقائق اذا استعملتي قدر الضغط

نحمر كمية من اللحم المرحي في قطعة زبدة مع الملح و الفلفل الاسود

كي يطيب البروكلو نهرسه بالفرشاة و نزيدلهم اللحم المرحي كي يطيب و خمس بيضات مخفوقة

ندهن مول الطهي بالزبدة و نضع الصوص فيها ثم خليط البروكلو اللحم و البيض من فوق و مانخلطوش مع الصوص
يمكن اضافة الجبن

نطيبو في الفرن مدة نص ساعة على حرارة 220 درجة و نخليه يرتاح شوي و نقدمه
شهية طيبة

قراتان البسباس المحشي

اولا نحضر صوص بيضاء

المقادير:
بصلة متوسطة
اربع سنات ثوم
فلفل حار
قطعة لحم النوع لي تحبيه و يمكن الاستغناء عليه
ملح فلفل ابيض كسبر
زيت و ماء حوالي لتر

نقلي اللحم و نزيد البصل مقطع الثوم و الفلفل و التوابل نخليهم يتقلاو شوي و نزيد الماء و نخلي المكونات طيب الوقت على حساب القدر المستعمل
كي طيب المكونات نرحي الصوص بعد ما نزعنا اللحم و الفلفل و نصفي المرق اذا نفضلوه صافي

اوراق البسباس المحشية:
بسباس كبيرة ننزعلها الجزء الاخضر و اللب اليابس و نفرق الاوراق كل وحدة وحدها و نغسلها مليح
لحم مرحي حوالي 400 غ
2 ملاعق كبار chapelure
بصلة صغييييرة مرحية
ملح فلفل ابيض كسبر
بياض بيضة

نخلط اللحم مع باقي المكونات و نكون كرات كبيرة تاع اللحم و نحشيها بالجبن الابيض و نحشي بيها اوراق البسباس و اذا نقدر نربطها او نغلقها ب cure-dent و نطيبها في الصوص مدة نص ساعة مع التقليب مرة على مرة


ندهن مول الكيك بالزبدة و الشابلور و نحط اوراق البسباس المحشية بالترتيب و بالشوي
نخلط 3 بيضات مع كاس صوص و الجبن الابيض او اي نوع عندك و نصب على اوراق البسباس المحشية
يمكن برش الجبن من فوق و ندخلها للفرن ساخن 220 درجة مدة 20 دقيقة و نخليها ترتاح قبل التقديم


و شهية طيبة

قراتان اللوبياء الخضراء


نحضر مرق ابيض بالدجاج
صدر دجاجة او نص صدر
بصلة صغيرة
ثوم
ملح فلفل ابيض
كسبر غير شوي
فلفل حار
زيت و ماء حوالي لتر
ملعقة كبيرة موتارد
نقلي اللحم في الزيت و نقطع البصل و نزيدو مع باقي المكونات نخليهم شوي يتقلاو و نزيد الماء و نخلي الكل يطيب
من بعد نحي اللحم نفتته و نرحي الصوص

نفرو اللوبياء الخضراء بالملح بعد تقطيعها و غسلها
اللوبياء سوطي: نص كيلو

لوبياء خضراء مفورة
زبدة
ثوم مرحي
ملح
فلفل اسود او ابيض
نذوب الزبدة و نحمر اللوبياء مع التوابل حتى تذبال
ندهن المول لي راح نديرو فيه بالزبدة و نرشه بالشابلور
و نحضر

ثلاث بيضات
الدجاج المفتت
اللوبياء المحمرة
الصوص البيضاء
قطع جبن ابيض
جبن مبشور


نخلط نص كاس صوص مع البيض و نضيفو على المكونات الاخرى و نخلط و نصب في المول و نطيبه220 درجة مدة 20 دقيقة و نخليه يرتاح 20 دقيقة و نقدمه مع الصوص


و شية طيبة



كيش البسباس


العجينة:

كاس فرينة
صفار بيضة
ملعقة صغيرة ملح
6 ملاعق كبار زيت او اقل
ربع ملعقة خميرة الخبز
ماء دافئ
نخلط المكونات و نلم العجينة بالماء و العجين. ماتكونش طرية ونخليها ترتاح عشر دقائق و نفردها و نحطها على مول التارت مدهون بالزبدة و نثقبها و نخليها في الثلاجة ربع او نص ساعة
الحشو
حبة بسباس كبيرة مقطعة الى شرائح
نص بصلة مقطعة شرائح
نص كاس كريمة سائلة لو كريم فراش جامدة مع الحليب
بيضتان
ملعقة صغيرة خميرة كيميائية
قطع جبن ابيض
ملح فلفل اسود
ملعقة متوسطة موتارد
2 سنات ثوم مرحيين
نحمر البصل و البسباس في الزيت و شوييي ماء حتى يبداو يتحمرو
نخفق البيض مع الكريمة و الخميرة الثوم التوابل و نزيد البصل و البسباس المحمرين
يمكن اضافة الدجاج المقطع و محمر بالملح و الفلفل
نسخن الفرن 180 درجة و نطيب العجينة حتى تحمار شوي من تحت نجبدها نزيد الحشو و نردها نكمل الطيب
نحط المول في وسط الفرن

نحمرها من فوق و يمكن اضافة الجبن المبشور او شرائح طماطم مقشرة


شهية طيبة


كيك الخضر


جزرتين مقطعين مربعات و نفورهم بالملح
بطاطتين صغيرتين مقطعتين مربعات مفورين بالملح
بزلاء مفورة بالملح كمية تشبه البطاطا و الجزر
نفور كل نوع وحده
شرائح مارلون انا استعملت المجمدة فقط نحمروها بالزبدة ملح فلفل ابيض ثوم مهروس موتارد و القلييييل من القرفة

نفصل خمس او اربع بيضات حسب حجم البيض نطلع البياض الى ثلج

نخلط الصفار مع ملعقتين كبار كريم فراش ثوم مهروس ملح فلفل ابيض او اسود و موتارد و كيس خميرة
نخلط البياض مع الصفر المتبل بالسباتولا و نقسمه على ثلاث أوعية

نحط كل نوع خضرة مع الخليط تاعو و نخلط كل نوع وحده
ندهن مول الكيك بالزبدة و الشابلور


نحط طبقة الاولى جزر ثم جبن ثم البزلاء ثم السمك. ثم البطاطا ثم السمك


الحشو يمكن تبدليه كيما تحبي هو و تسلسل الخضر


قراتان البطاطا او الفقاقير


راكم تعرفو الشعب الجزائري عشقه الوحيد البطاطا هههههه
المقادير:

حبتين بطاطا مقطعة مربعات و مقلية بالملح
حبة بصل صغيرة مقطعة شرائح و محمرة في الزيت
اللحم الموجود عندك انا لقيت نص صدر دجاج و شوي لحم مرحي قطعت الدجاج و حمرته مع اللحم المرحي بالملح و الفلفل الاسود
جبن ابيض مقطع الى مربعات الكمية لي تحبي
خليط ثلاث بيضات. ملعقة صغيرة خميرة كيميائية. ملح و فلفل اسود. ملعقة صغيرة موتارد. حليب او كريم فريش او السائلة واش عندك


نخلط كل المكونات مع بعض و نصبها في مول كيك مدهون بالزبدة و المرشوش بالشابلور
تطغى في الفرن درجته 220 درجة مدة 20 دقيقة و اكيد يترك يرتاح مدة 20 دقيقة قبل التقديم باه يشد روحو

و شهية طيبة



pasta pie
هذا قالب المعكرونة شفت صورته في النت و اليوم جربته و الحمد الله جاني مليح و بنين
هذه الصورة الاصلية

و هذا طبقي انا

نبدأ هو عبارة عن معكرونة أسطوانة تشبه cannelloni لكن اصغر و la sauce bologniase
الحقيقة sauce bolognaise تكون باللحم البقري مرحي لكن الحكومة يضرها اللحم البقري المرحي
درتها بالدجاج و رحيته و كل واحد يدير اللحوم لي يفضلها
المقادير:

بصلة كبيرة مقطعة قطع صغيرة انا بكيت حتى شبعت و انا نقطع و تذكرت زهري بسيف ماسكت هههههه راني غير نضحك
ثلاث حبات طماطم مرحية
جرزة مبشورة
صدر دجاج مرحي مع حبتين ثوم
زيت
ملح
فلفل اسود
كمون
كسبرة
جوزة الطيب اختياري
اذا استعملتي اللحم الأحمر استغني على الكمون و جوزة الطيب و عوضيهم قرصة قرفة
هريسة اختياري
La moutarde
ملعقة معجون الطماطم
و ماء
الطريقة

نذبل البصل في الزيت مع نص كاس ماء ثم نضيف اللحم و التوابل و نقوم بتفتيته بالملعقة الخشبية حتى بطيب نص طياب نظيفولو الجزر و نغلق القدرة حتى يطيب ثم نظيف الطماطم و باقي المكونات و كاسين من الماء و نخليوهم يغليو شوي

نسخن الماء حتى الغليان و نطفي و ننقع حبات المعكرونة 4 دقائق و وندهن مول cheese cake او اي مول يصلح بالزبدة انا اسعملت ورق الألمنيوم من تحت لانه يسيح المرق

ترص حبات المعكرونة واقفة و محشورة عند بعضها البعض

تصب la sauce ثم الجبن المبشور و الى الفرن لي سخناه مسبقا مدة 20 الى 30 د و نخيلها ترتاح و هذا شكلها النهائي و بالصحة و الهناء مشاهدينا الكرام






gratin riche en calcium
مرحباً بيكم في كوزينة express هههههه لعاملات و لي ماعندناش وقت و لي فنيانة أيضاً ماشي عيب تكوني فنيانة سيدتي باه نخلق التوازن الاجتماعي بين الفحلات و الفنيانات ههههه
المقادير لأربع أشخاص





حبتان بطاطس متوسطة الحجم مقشرة و مقطعة دوائر مقلية او مفورة للحصر على الصحة انا استعملتها مقلية في خاطر الكيلوات الزائدة هذه اول حاجة تحضريها مع تدخلي الكوزينة سخني الزيت قشري البطاطا قطعي و حطيها تتقلى و شعلي الفرن
هنا تستغرقي 7 دقائق
في هذا الوقت تاع القلي تخني مقلات اخرى مع شوي زبدة
تقشري بصلة صغيرة و تقطيعها شرائح و تحطيها تتحمص مع ملعقة سكر و رشة ملح
هنا فات 4 دقاءق
في هذا الوقت نجبد الجبن الابيض نحط على جهة
و النبرش جبن احمر او قريار او اي نوع
و نرجع نحرك البصل
نكسر بيضتين و نزيدلهم نص كاس كريمة سائلة زايد ملح فلفل اسود ثوم
نحرك البصل و تتفقد البطاطا
4 دقائق اخرى فاتو
ندهن مول و تخفق البيض مع الكريمة
نحضر اللحم المرحي او لحم احمر مقطع قطع صغيرة و القليل من فطر و motarde و هريسة بروقة ملعقتين كبيرتين
3 دقائق اخرى
ننزع البصل و نظيف القليل من الزبدة للمقلات نفسها و نحط اللحم نقلبه و نروح نحي البطاطا و نخليها تتقطر
نرجع للحم نظيفوله الموتارد ملعقة و ملح و فلفل اسود ثم الفطر
نحط طبقة من البطاطا في المول و نرجع نحرك اللحم و نظيفوله الهريسة


5 دقايق فاتو
نخلي اللحم يكمل الطياب لكن ميفقدش العصارة لانه راح يدخل الفرن
نضع خليط اللحم فوق البطاطا ثم طبقة بطاطا اخرى والجبن الابيض و البصل المحمر





نسكب البيض و الكريمة ثم الجبن المبشور

3دقائق أيضاً فاتو
ندخلها الفرن و نغسل الاواني في 4 دقايق
انتهت النص ساعة هههههه
اما الطياب ياخذ 15 دقيقة و طفي الفرن و تخليه يرتاح في الفرن 15 دقيقة اخرى

في هذا الوقت تكوني وجدتي السفرة و ريحتي و الحمد لله و شهية طيبة
*
ملاحظة
الوقت الاجمالي ساعة قبل التقديم ماشي نص ساعة
نص ساعة غير للتحضير
لازم تكوني rapide
يا رب يعجبكم

Chaussons soufflés



هذو الشوصون كنا نشريوهم من عند بيتزريا لكم كيما تعرفو مصداقية البيتزريات هههههه
يجيو منفوخييييين و بنان
مقادير العجينة

ثلاث كؤوس فرينة
ملعقتين صغرتين خميرة الخباز
ملعقة كبيرة سكر
ملعقتين صغيرتين ملح
بيضة
ملعقتين اكل زيت
1/4 كاس حليب دافئ
ماء دافئ
نخلط الكونات الجافة مع الزيت و البيضة
ثم نظيف الحليب و الماء حتى الحصول على عجينة طرية نعجنها و نقسمها الى سبعة كرات نخليوها ترتاح نص ساعة حتى ساعة اكيد نغطيها ببلاستيك و قماش


الحشو
جبن مبشور
زيتون اخضر مقطع
لحم مفروم مع الفطر محمرين في المقلة مع شوي زيت ملح و فلفل اسود
طماطم و فلفل مرحين و مملحين مطهين لمدة دقيقتين مع ملعقة زيت


باستعمال الفرينة نفرد العجينة و السمك يكون رقيق
نحطها في الصينية مرشوشة بالفرينة فقط
ندهن نصها بالطماطم و الفلفل
نضع كمية من اللحم و الفطر و الزيتون
و الجبن المبشور
نغلق الحواف بالماء

نخليهم يرتاحو نص ساعة و نسخن الفرن 220 درجة
نحطهم يطيبو راح يتنفخو و يحمارو من الأسفل
نشعل الفرن من فوق و ندهنهم بالزيت و نردهم يحمارو من فوق
نقدموهم سخنين مع مشروب و سلطة


الحشوة ممكن نغيروها كيما نحبو
انا و حدة من الكرات عملتها بيزا متوسطة الحجم



و الف هنا و شفا
ان شاء الله تعجبكم يارب

[طير الرحمة]

موضوووووووووووووع مميز اختى طوووووووووووووووومة
تستاهلى كل خير
بارك الله فيكي
ننتظر كل جديدك

[ام الهضاب]

ربي يعطيك ما تتمنااااي موضوع قمة خاصة العرضات و المناسبات و شهر رمضان المبارك

[Daylight]

واو حرت واش نخير راكي تستاهلي لقب شاف ما شاء الله

[zahra30]

ما شاء الله طمطومة كلش يهبل ومازال ما ركزتش مليييح امبعد نرجعلك بارك الله فيك

[iaman.fr]

يعطيك الصحة كامل ملاح

[دائمة الحمد]

كلك ابداع وفن واتقان

في موازين حسناتك انشاء الله

[ام ساجد]

[COLORطومة ربي يرزقك الصحة والرزق الحلال باش تمتعينا اكثر واكثر

بارك الله فيك اختي ويعطيك الصحة="Navy"][/COLOR]

[soha1987]

طومة راكي 44444444444444 هاد ليام
كملي الخيرات نتاعك ههههههههه كوبي كولي عليك كسولة خخخخخخخخخخخخخخ
ربي يعطيك واش تتمناي يارب يالزينونة

[ام ملاك.]

ماشىاء الله كلشي يشهي وهايل يبانو بللي مابقى منهم والو
يعطيك الصحة يالفحلة ربي

[أم شيماءْ]

4444444444444444444444444 يسلموووووووووووووووووو

[سمااهر]

كلش هايل هايل
يعطيك الصحة اختي

[ام سهام 02]

يسلم الايادي و ربي يحفظك

[almazalina22]

رووووووووعة قبل ما يطلعو الصور كاملين علبالي بيك فنانة وحبيت نشكرك بزاف لانو عارفة شحال كاين تعب في المواضيع
وشكراااا مرة اخرى اللي راكي دايرة اعتبار للناس اللي يحبوك ويحبو وصفاتك موااااح ليك وليدي

[أم ماجد]

الله الله عليك يا طمطومتي
تستاهلي لقب ملكة الجمال واش قلت ؟
علاه نبكي على الزهر ؟هههه انا نظن راهو زهرك في العلالي لاه ؟









لان الكثير رايحين يستفادوا من اطباقك الرائعة ويدعيولك بقلب صافي ونية حسنة

واصلي فالمجد امامك هه