تورت البوراك من مطبخي

زينب 83 · 2014-11-17, 15:55

المقادير : أوراق ديول ، بطاطا مغلية و مهروسة بشوي فرماج ولا زبدة و مقطع فيها الدبشة او المعدنوس و الزيتون الأخضر مغلي من قبل و فلفل حار مقطع، ملح
دجاج مقطع قطع صغار طايب في المقلاة مع شوي زيت و بصلة و ثوم و معدنوس و بمهارات ،انا نحب غير الكسبرو الكركم و فلفلة خضرا حارة وملح ،

جبن قطع و جبن رابي ، و حبة طماطم اختياري ، و 4 بيض باقي الخطوات راهي موضحة بالصور
نحطو 5اوراق ديول و ندهنو بيناتهم بالزبدة ولا الزيت

نحطوطو البطاطا و فوقها الفرماج مقطع

ثم طبقة الدجاج و الطماطم مقطعة و البيض مخفوق و نقفلو الجوانب و ندهنوهم بالزيت

نقفلو التورت ب3 ديول و مدهونة بيناتهم كالعادة و اخيراً نحطو الفرماج رابي من الفوق بعد ما ندهنو الطبقة الفوقانية بالزيت ولا الزبدة والى الفرن

تقدرو تنوعو في الحشوات كيما تحبو : تونة،سلق ، لحم مفوروم،
[COLOR="DarkRed"]فائدة صحية : للتخلص من الهرمونات الموجودة بالدجاج يرجى شراء الدجاج كبير الحجم لانه تخلص من معظم هرموناته ونزع الجلد لان الهرمونات تتركز في دهن الجلد ، والتخلص من الرقبة و رؤوس الأجنة لان الحقن يتم فيها ، ووضع الدجاج في ماء بارد فيه خل لمدة ساعة ، للعلم انا لدجاجة الواحدة فيها كمية هرمونات علبة كاملة من حبوب منع الحمل ، و هذه الهرمونات لا تتأثر بحرارة الطهي

أم محمد تاج · 2014-11-17, 16:07

ممممممممم الله يعطيك صحتك والف شكر على المعلوووومة والله خلعتني واااااااااع

زخة مطر · 2014-11-17, 16:10

وصفة هايلة وصحية
يعطيك الصحة على الفكرة
وعلى النصيحة
في ميزان حسناتك

أم ماجد · 2014-11-17, 16:16

اممممم مشهية فعلا

nabila222 · 2014-11-17, 16:17

ام سهام امممممممم والله تهوس يعطيك الصحة بس ممكن نستغني على البيض ما نحبوش وممكن نعوض الدجاج بلحم المرحي وشكراااااااا

faryal zahira · 2014-11-17, 16:19

وصفة هايلة وصحية
يعطيك الصحة على المعلومة المفيدة فعلا
وعلى النصيحة
في ميزان حسناتك جزاك الله خيرا

أم أروى · 2014-11-17, 16:19

السلام عليكم ورحمة الله وبركاته
بوركت على الوصفة
والمعلومة مؤكدة يا ريت نلقاو وين نشروا دجاج عضوي الدجاج تع ضرك كله مهرمن على هاذي كثرت مشاكل صعوبة الانجاب
نسأل الله السلامة والعافية