كيفية الخروج فائض من المدرسة العليا للعتاد بالحراش

[mirou04000]

السلام عليكم خاوتي أدعيو ربي يشفي والديا أو أطوللهم في عمرهم, راني راح نعاونكم باه تخرجو فائض من الحراش, تبعوني مليح :
1- اللاِستدعاء اِ طيح في 2 توريخ 15 و 20 مثلاً 15 ماي أو 20 ماي, خليو حتى 25 ماي أو أمشيو تقولولي علاه؟ نجاوبكم : طوصلو تلقاوهم حكمو 550 أو 600 أبت أو كاين قرابت 500 أو 600 مخلطين بين أنسطونس أو لي اروحو كونطر فيسيت للبليدة المشكل البليدة تلقاوها غلقت كونطر فيسيت, ماتخلعوش دورك تزيدو تفهموني مليح.
2- دوسي ميديكال : لازم تديو رابورأزم 'ربو' و هارني ديسكال أو مرض نفساني مي جماعة أم البواقي و ضوحيها أحذرو تديو دوسي من عند الطبيب 'موسى عدنان' راهو محروق أو راهم بعثو كامل الناس لي دارت عندو لورقلة.
3- نرجعو لنقطة الأولى : علاه نروحو روطار أو نلقاو الكونطر فيسيت مغلوفقة أو تطفر فينا راح تقولولي؟ الجواب : كي تديو دوسي ميديكال أو تلقاو الكونطر فيسيت قفلت راكم 80 بلمئة منعتو خاطر الطبيبة أو الجادورة تاع الحراش كي تمدو الدوسي محتم عليها تكلاسيكم كونتر فيسيت الى البليدة لاكن البليدة قفلتّ توليو أوتوماتيكمو في وضعيت أنسطونس مع العلم أن عدد الأبط كيما قلتلكم إكون بين 500 و 600 أبط بينما المدرسة تحكم 300أبط فقط + 5 إحطيات لمدة 10 أيام, دونك محتم عليهم إخرجوكم, فهمتوني الآن؟؟؟؟؟
4- إلى حد الآن راكم ضمنتو الخرجا مي ماعلابالكمش إذا سورسي أو فائض, الحل و الجواب النهائي : 1-معرفة با إديروكم فائض. 2- الزهر و ربي سبحانو مع العلم أنو في دفعت جانفي 2015 حكمو غير 7 سورسي او طلقو قرابت 700 فائض من بينهم أنا.
---------------------------------------------

أدعو لوالديا بشفاء و الهناء ماتبخلونيش بدعاء و أن شاء الله تبعو هاذ الخطة لي تبعتها أنا دورك تجوزو 4 أيام في المدرسة او إخرجوكم فائض.

أخوكم مــــــروان من أم البواقــي