محتارة بين مشروعين فمن يرشدني

[syham]

السلام عليكم اخوتي ..من يرشدني اريد فتح مشروع صغير لأخي وانا محتارة بين مشروعين الاول هو محل لبيع المواد الغذائية والثاني قاعة انترنيت مع العلم ان المحل متوفر امام البيت وفي جهتنا 2 مدارس ..ارجوكم انا محتاجة ارائكم وتوجيهاتكم الله يجازيكم

[azpak]

محل لبع المواد الغذائية ...يروح كريدي
قاعة انترنت..دراهمها حرام
ديري محل مأكولات خفيفة ..بوراك ..كاسكروت فريت ..بيتزا
فيه دراهم كبار والشعب مايستغناش عليه...شعب نتاع ماكلة ورقاد وقعدات
حلو واحد صاحبي بحذا مدرسة ..كل يوم عندو تقريب 700 ألف فايدة
وبالتوفيق

[اسماعيل العاتري]

مكتبة مع فلكسي مشروع مربح ومضمون ودائم خاصة انك قلت انه بجواركم مدرسة وايضا بعض مواد التجميل

[dz18]

بتزيريا مع ماكولات خفيفة افضل

[syham]

وين الحرام في فتح قاعة انترنيت ممكن توضيح من فضلك، امكانياتي لا تكفي لفتح بيتزيريا فالمحل مساحته أصغر وهو تحت المنزل

[polatmadrid]

علماء الجزائر حرموا قاعة الانترنت . لما يغلب عيها من مفسدة . تحميل أغاني مشاهدة أفلام خليعة . مكالمات بين الجنسين في مواقع التواصل الاجتماعي .......إلخ
و عليه غالبها مفسدة . فحرمت ........

[CHEERS]

ادعم راي الاخ اسماعيل العاتري

لكي كل التوفيق

[jawad42]

قاعة انترنت افضل و ربي يوفق

[el horra]

المشاركة الأصلية كتبت بواسطة azpak

محل لبع المواد الغذائية ...يروح كريدي
قاعة انترنت..دراهمها حرام
ديري محل مأكولات خفيفة ..بوراك ..كاسكروت فريت ..بيتزا
فيه دراهم كبار والشعب مايستغناش عليه...شعب نتاع ماكلة ورقاد وقعدات
حلو واحد صاحبي بحذا مدرسة ..كل يوم عندو تقريب 700 ألف فايدة
وبالتوفيق

الله يهديك مقهي انترنت دراهموا حرام علاه ا خويا علم طور و كاين برامج حجب

[alhor72]

أختي سهام نصيحتي لك هي أولا راعي لرغبة أخيك فالعمل يكون ناجحا إذا كان صاحبه يهواه هذا من جهة ومن جهة أخرى فأنا أحبذ محل للمواد الغذائية أما قاعة انترنت فهي فتح لباب الفتنة فكم من شاب يجعلها وكرا للرذيلة ولا يمكن مراقبة الجميع وإن منعت كل شاب دخل للمواقع المحرمة فلن تتمكني من الكسب الجيد لذلك دينار حلال خير من ألف حرام وأخيرا ادعو الله أن يوفقك لما فيه الخير والصلاح ويرزقك من طيب الرزق آمين

[syham]

بارك الله فيكم، لكن أخي ليس له دبلوم أو عمل آخر وانا بصراحة حابة نفتحله مشروع صغير قدي قد روحي، وكما قلتلكم محتارة بين محل للمواد الغذائية وبين قاعة انترنيت، ومادابيا توضيح فيهما الاثنين من حيث التكلفة. ..

[soumay12]

بسم الله
الافضل اختي لك حانوت مواد غذاءية
هو عمل داءم وامور مطلوبة بشكل يومي ولا مجال للخسارة فيه اضافة الى ان مجاورتكم المدرسة امر مميز بامكانكم اضافة المواد الخاصة باللمجة للصغار مثل الياغورت والموز والتفاح و الشيبس يعني بذكاء تقدري تجعلي من متجركم وجهة لساكني الحي
بالتوفيق اختي

[marwa2020]

انا في رايي قاعة الانترنث افضل ما دام قريبة من المدرسة هكدا يستفادو منها التلاميد بزاف في بحوثهم و مدكراتهم و ربي يوفقك ايا توكلي على الله واش راكي تسناي

[MARWENLOUETI]

علاه حرام خويا كيف يبدا محتوى الابحار مراقب من صاحب المحل والمواقح الاباحية محجوبة
والي يخالف يكون مصيرو الطرد من المحل باش يكون عبرة لغيرو

[MARWENLOUETI]

قاعة انترنات احسن اذا كانت موجهة للبحوث متاع التلامذة
خير من المقاهي و قاعات الالعاب الي ما منها فايدة
مشروع مطعم مربح اكثر لكن يتطلب رأس مال أكثر و يد عاملة ذات خبرة و لازمو وقفة من صاحب المحل
واللي فيه الخير ربي يسهل فيه