كم يلزمه حتى يتزوج؟؟؟؟؟

[التحنجير]

أريد معرفة بالتقريب المبلغ اللازم بداية من الخطبة حتى تدخل الزوجة إلى البيت
كل الامور تكون وسطية ليست مبالغ فيها ولا رخيصة
الرجاء كل خطوة أو شيئ مع ثمنه

[بنت لبحر]

قول مليار ومتخافش

[محب السلف الصالح]

شوف مانقلقش خير ضرك تبدى تبكي

[فاتن 89]

Khoya twakal 3la rabi raho ytayah baraka nchalah

[amine eco]

حوالي 70 مليون تكفيك راني متاكد
واذا كنت حاب دير عرس صغير 40 مليون

[asiafouzi]

akhi twakel 3la allah rahou koulech yji loukan tahseb rak ma tetzewajech

[FellaD]

نحسبو المهر على الأقل. 10 ملاين

البيت اذا كان واجد نحسبو chambre على الأقل 25 كحد ادنى

Parure كحد متوسط 25 مليون

نحسبو العشا غير مبالغ فيه زوج كباش يطيحو ستة ملاين
نحسبو صالة العرس متواضعة كاين ف بليدة رخيسة و شابة نقولو تسعة ملاين

الحلوة. ثلاثة انواع. ( على حسب المعزومين )
الخاتم يطيحو خمسة ملاين تع الخطوبة و العرس

كاين هدايا العروسة على حسب نوع الهدية اذا كانت من ذهب او البسة

انا نأكدلك يا اخي ان والله ما تعرف منين طيح البركة سبحان الله من عند ربي

ربي يرزقك الزوجة و الذرية الصالحة
تقبل مروري

[التحنجير]

بارك الله فيكم خاوتي ادعولي ربي يرزقني ويباركلي في أموالي

[ليلى المستغانمية]

ربي يكمل على خير توكل على الله والباقي يجي بالساهل ان شاء الله وسع قلبك وخلاص
ربي يهنيك

[maiar]

اخي يختلف من منطقة الى اخرى و اذا كان العرس في صالة او فالمنزل و عدد المعازيم ايضا كل هذا يختلف
شوف اخي
المهر تع الزوجة و الدهب لي تحني عليه يسقاملك في 30 مليون
الشمبرا من 10 الى 15 مليون اذا طلعتها
2 الى 3 ملاين حق عشاء العروسة
30 مليون فاكثر للعشاء
و اذا عندك دار تصلها زيد
ربي يكون في عونك

[mohamed85]

selon les mco et teste de gram li daroh ahle 3rosa
ya akhi chof bent ness tkoun min 3yla yahsno 3oin wr rabi yashl lak
1000 mabrouk

[ناصرة]

السلام عليكم و رحمة الله وبركاته
حسب المكان الدي تسكنه(المنطقة)
وحسب العائلة
قل لي المنطقة وسأخبرك بالمهر إن شاء الله
بالباركة عليك مسبقا

[أريج هبة الرحمن]

سلام عليكم اخي نتمنى نفيدك تبقى ححسب عادات المنطقة مثلا عندنا المهر نقولو قاع 15 معدناش يشرطو ذهب غير خاتم زواج نقولو 2 تبقى شمرى واشياءك 15 والله اعلم كيف الغداء و العشاء تكون في 40 او 45 والله اعلم

[أَحمــد]

دير حساب 40 مليون إذا كنت رايح تسكن في داركم

وأكثر من ذلك بـ 10 ملاين ولا 15 إذا كنت رايح تسكن وحدك

المهم يكون الهنا والمراة التي تستاهل , أما هذي المبالغ ماتخوفكش راه ربي يسهلها ويّسرها من حيث لا تحتسب.