imprimante epson نتاعي

ليال 22 · 2014-08-25, 19:12

من فضلكم ممكن تساعدوني عندي imprimante epson ما بغاتش تأامبريمي كي ندير imprimer ما يخرج والو وما تطبعش ممكن من الالوان اللي خليتهم فيها مدة طويلة ؟كيفاش ندير سمعت كاين عفسة يديروها لما ييبس الancre فيها ممكن اللي يعرفها يقولنا والله غاضتني نرميها و لا نبيعها راها عاد جديدة بال emballage .عاونونيي بلييييييز ما تطلوش وتهربو راني نشوف فيكم

محمد بلعربي · 2014-08-25, 19:19

ممكن تغيير الحبر ( الالوان) واستبدالها باخرى جديد

ليال 22 · 2014-08-25, 19:27

حتى ولو نغيرهم ما تآمبريميش قالولي الحبر يبس فيها خلاص ما تخدمش هل هذا صحيح ؟

اسماعيل والي · 2014-08-25, 19:38

السلام عليكم
ممكن يا اختي الكريمة نوع طابعة برقم لكي اشرح لكي طرق تنظيفها هل هي 4300
او ماذا
انا هنا في الخدمة

ليال 22 · 2014-08-25, 23:42

لا هي epson sx 130

عبدالرحيم75 · 2014-08-25, 23:55

السلام عليكم ورحمة الله تعالى وبركاته
أختي الكريمة أنصحك بنزع خراطيش الحبر ثم أخذ مادة الديليون التي تستعمل لإزالة الأصبغة ( تباع عند محلات بيع لوازم الطلاء والأصبغة )واضعيها في المحقنة أي
Syringe وتكون هذه الأخيرة مربوطة بأنبوب مطاطي من الأحسن ينزع من قارورات العطور المنزلية ثم تدخلين هذا الأنبوب الموصول بالمحقنة بفوهة كل خرطوشة على حدى وتصبين كمية من مادة الديليون بقدر 1-1.5 سم ثم الفوهة الثانية وهكذا حتى الرابعة

وتتركيها لمدة 2 ساعة وبعد تعاودين الكرة إلى غاية أن تكوني قد صببتي ما مقداره محقنة واحدة كاملة في كل فوهة خرطوشة لكن على فترات زمنية متباعدة خلال اليوم الواحد

بعدها اتركي الطابعة لمدة 4 أيام إلى أسبوع من دون تشغيل

ثم شغليها سوف تجدين مادة الديليون قد أكلت فظلات الحبر الجاف المترسب في فتحات الحبر وتشتغل على أحسن حال بإذن الله المولى القدير
وربي يصلح
أي استشارة أنا في الخدمة

تبسي زوالي · 2014-08-25, 23:55

SSC Service Utility v4.30.exe حنونة حملي البرنامج هذا ودير فلاش للطابعة تاعك.

دحمان ن · 2014-08-26, 08:55

اقتباس:

المشاركة الأصلية كتبت بواسطة تبسي زوالي

SSC Service Utility v4.30.exe حنونة حملي البرنامج هذا ودير فلاش للطابعة تاعك.

؟؟؟؟؟؟؟؟؟
؟.؟؟؟؟

تبسي زوالي · 2014-08-26, 09:43

اقتباس:

المشاركة الأصلية كتبت بواسطة دحمان ن

؟؟؟؟؟؟؟؟؟
؟.؟؟؟؟

واش بيك دحمان حنوني مافهمتيش.... اللي نعرفو على السطايفية طايرين ف البرمجة و الاعلام الالي شوف بابا الطابعة نوع ابسون عندها عدد معين تطبعو ومبعد تطلب تحديث كاين الفلاش الالي وكاين طابعات وين يستلزم الامر ويتفلاش بفعل فاعل الفاعل تاعهم عبارة على برنامج يقوم بفتح مجال خروج الحبر من احسين البرامج البرنامج اللي قدمتو للانسة ..... اتعلم يا صاحبي دحمان وماتخليهاش في قلبك.

chemseddine · 2014-08-27, 23:30

اقتباس:

المشاركة الأصلية كتبت بواسطة عبدالرحيم75

السلام عليكم ورحمة الله تعالى وبركاته
أختي الكريمة أنصحك بنزع خراطيش الحبر ثم أخذ مادة الديليون التي تستعمل لإزالة الأصبغة ( تباع عند محلات بيع لوازم الطلاء والأصبغة )واضعيها في المحقنة أي
syringe وتكون هذه الأخيرة مربوطة بأنبوب مطاطي من الأحسن ينزع من قارورات العطور المنزلية ثم تدخلين هذا الأنبوب الموصول بالمحقنة بفوهة كل خرطوشة على حدى وتصبين كمية من مادة الديليون بقدر 1-1.5 سم ثم الفوهة الثانية وهكذا حتى الرابعة

وتتركيها لمدة 2 ساعة وبعد تعاودين الكرة إلى غاية أن تكوني قد صببتي ما مقداره محقنة واحدة كاملة في كل فوهة خرطوشة لكن على فترات زمنية متباعدة خلال اليوم الواحد

بعدها اتركي الطابعة لمدة 4 أيام إلى أسبوع من دون تشغيل

ثم شغليها سوف تجدين مادة الديليون قد أكلت فظلات الحبر الجاف المترسب في فتحات الحبر وتشتغل على أحسن حال بإذن الله المولى القدير
وربي يصلح
أي استشارة أنا في الخدمة

شكرا للأخ على حب المساعدة و لكن هذا خطأ شائع و المادة التي يتحدث عنها تذيب البلاستيك يعني ستتلف الطابعة

chemseddine · 2014-08-27, 23:35

اقتباس:

المشاركة الأصلية كتبت بواسطة ليال 22

من فضلكم ممكن تساعدوني عندي imprimante epson ما بغاتش تأامبريمي

كي ندير imprimer ما يخرج والو وما تطبعش ممكن من الالوان اللي خليتهم فيها مدة طويلة ؟كيفاش ندير سمعت كاين عفسة يديروها لما ييبس الancre فيها ممكن اللي يعرفها يقولنا والله غاضتني نرميها و لا نبيعها راها عاد جديدة بال emballage .عاونونيي بلييييييز ما تطلوش وتهربو راني نشوف فيكم

سلام أختي

اليك الطريقة لتنظيف الطابعة https://www.djelfa.info/vb/showthread.php?t=1618515

ولأي استفسار اطرحيه هنا https://www.djelfa.info/vb/showthread.php?t=1642579

بالتوفيق

mariana1 · 2014-08-28, 09:04

نظفيلها رؤوس الطباعة راهي مكتوبة لما تضغطي على الجهة اليمنى للفأرة تنظيف les tetes و تنظيف les buses