♦○• "مشاركتي في تحَدّيات و إبْـدآاع في رِحَآاب رَمَضَآان 彡•○♦[[جوهرة الغربْ]]

[جوهرة الغرب.]

اولا اشكر الاخوات المشرفات على الفكرة الممتازة لبعث روح التنافس والتشويق بين طباخات المنتدى وثانيا شكر موصول لكل العضوات المشاركات ونتمنى يكون تعبنا جاب فايدة وياخذوا منو ولو فكرة صغيرة تساعد المراة في المطبخ لتقديم كل ما هو جديد ولذيذ

وبدون اطالة نقدملكم اطباقي المتواضعة رغم التعب نتاع الصيام ومشاغل البيت قدرت نكمل وعدي وان شاءالله ينال اعجابكم

الطبق الرئيسي













الوصفة عبارة عن طاجين اللوبيا الخضراء*ماشطو*بالبصل ومحشية لحم دجاج المفروم ...بعدما قليت اللحم وطاب نحيتو ودرت اللوبيا والبصل كمية معتبرة وطيبتو بعدها شكلت اللحم المفروم حسب شكل المول داخل ورق الشفاف وطيبتو في المرق بعدها شكلت اللوبيا وحشيتها باللحم وغطيتها بدوائر البطاطا المقلية وقدمتها...وكلش راه واضح في الصورة ...وبالنسبة للتزين زينتها بكريمة البطاطا والفرماج وكرات المعقودة


التحلية...موس بالنوتيلا













اما بالنسبة للتحلية فاعتمدت على البساطة وبالشيء المتوفر بالبيت للحصول على الذ تحلية ...وهي عبارة على كمية من الشانتي نطلعوها بالحليب ونضيفولها ملعقتين من النوتيلا ونضربو مليح اللي تحبها غامقة اضيف ملعقة كاكاو ...ونقدمها مع قليل من اللوز المطحون والتزيين كل وحدة وكيفاه تحب انا زينتها بربطات الشكولاطة ودمعات المورانغ كنت وجدتهم من قبل وشوية حبق مورد ...وان شاء تعجبكم




نتمنى من الزائرات يقدروا مجهودات المشاركات ولوبكلمة شكر

التّحدي الثّـــاني ..

هانحن نلتقي مرة اخرى في التحدي الثاني واتمنى ان يبارك لنا الله مجمعنا هذا ويوفقنا الى كل خير وصلاح
حبيت نجيبلكم حاجة جديدة وان شاء الله تنال اعجابكم ورضاكم
اولا السلطة: سلطة السوربريز بالتورتيلا

خبز التورتيلا:
250غ فرينة
كيس خميرة كيميائية
ربع كاس زيت
ملح
ماء او حليب لجمع العجينة ...تكون متماسكة نعجنوها مليح حتى يصبح ملمسها رطب نغطيها ونخليها ترتاح 10د ومن بعد نشكلها كريات ونحلهم اقراص رقاق ونطيبهم في تيفال مش شرط نحمرهم لانو من بعد رايحين يحمارو في الفرن ...حتى نكملوا...من بعد ندهنهم بشوية زيت ونحطهم في قوالب المافن حتى ياخذوا شكل الاكواب ونخليهم حتى يحماروا ويتقرمشوا...اممممممممم هايلين نتاع الصح
ومن بعد نعمرهم بالسلطة انا درت الارز في الاسفل وحدو مع شوية مايونيز باه يبانو الالوان وفوقو درت ماييس وفوقها تونة وزينتها بشرائح رفيعة من الفلفل الاحمر والاخضر اما بالنسبة للسوربريز كانت عبارة عن مح البيض غلفتو بالجبن ورمدتو في الجلجلان الابيض وزينتو بالحبق...بصراحة جات بنين وبريسونتابل جربوها...

ثانيا:المقبلة وهي عبارة بلينيز بالجبن والقشدة

البلينيز :
حبة بطاطا مغلية مع شوية ملح نرفسها مع نصف كاس حليب وملعقة زبدة وبيضة و2 ملاعق فرينة وشوية فلفل اسود وملح ومن بعد نطلع بياض بيضتين ونزيدو مع الخليط ونطيبهم في تيفال ومن نقطعهم دوائر وندهنهم بالفرماج ..
كريمة الجبن والقشدة:
علبة قشدة طرية صغيرة
6 علب بتيسويس **جبن طري**
2اوراق جيلاتين انا ماستعملتهمش درت 4 ملاعق مايزينة وزدت ملح
فوق النار حتى تعقد ونعمر المول نتاعي ونحطهم في المجمد والتزين زينتها بشبكة العجينة المورقة ...والصور توضح كل شيء

تعمدت نبدل شوية في المقبلات وان شاء الله تعجبكم

صحا فطوركم

[جازيا ام البنات]

الله يبارك الطبق الرئيسي عجبني قدمتيه بطريقة جميلة وحتى التحلية عجبتني بارك الله فيك ونتمنى لك التوفيق

[عازفة الناي]

روووووووووووووووووووووووعة ماشاء الله و لمستك هااايلة
بالتوفيق

[آسيا 25]

الطبق الرئيسي رائع أختي و التحلية بسيطة لكن لذيذة و طريقة تقديمك لها أنيقة بارك الله فيك إستفدنا من أفكارك حبيبتي, بالتوفيق في المسابقة

[حياة نور الدين]

يعطيك الصحة الفكرة تع اللوبيا روووعة
شكراااا
بالتوفيق

[حياة نور الدين]

يعطيك الصحة الفكرة تع اللوبيا روووعة
شكراااا
بالتوفيق

[ام حسا الدين]

روعة بلتوفيق

[انا هي رزيقة]

ماشاء الله اطباقك جميلة اختي حظ موفق

[sofia dj]

ماشاء الله اطباق جميلة وانيقة موفقة حنونة

[حياتي كلها امل]

اطباق روعة وانيقة بالتوفيق

[أم_فراز]

ماشاء الله يعطيك الصحة وربي يوفقك, افكار جميلة

[*سيرين نور عيني *]

اممممم روووعة شهيتينا حنونة بصحتكم و ربي يوفقك

[ام خيرو]

الله يبارك

[ميمي ناصر 22]

سلام
يعطيك الصحة حنونة
موفقة ان شاء الله

[ايمان يمن]

يعطيك الصحة اختي روعة موفقة في المسابقة.