ورشة عمل طبق عروس و تزيين سلات حلفة و علب سمن المدينة

ام مريم اسراء · 2013-06-03, 19:50

السلام عليكم

شوفي اختي بالنسبة للطبق
تحتاجي بسينة نتاع بلاستيك من الافضل هاد النوعية الي فيها حاشية

.و جيبي انبوب غاز من الافضل الابيض كيما في الصورة

واذا مكانش استعملي انبوب الكهرباء البرتقالي ارقق من الي في الصورة

و سلك توصيل FILE D'ATTTACHE رقيق كيما في الصورة

اكيد اسفنج رقيق 1 او 2 سنتمتر يتباع الله اعلم 100 دج

و باتيكس واكيد اخدمي في مكان مهوى حوش و الا سطح و ديري كمامة ريحتو تدوخ

نبدا العمل على بركة الله

اولا تقيسي بالميترة او بالسفنج نفسه ارتفاع و دوران البسينة نتاعك و تزيدي 2 سنتمتر زيادة تقصي القطعة نتاعك
و تقصي دائرة نتاع قاعدة الطبق اولا قصي شطل مربع و من بعد قصي الكوانات في شكل مقوس تخرجلك قاعدة بالضبط تناسب الطبق نتاعك
اولا باش نخدم العروة نتاع الطبق نقص الانبوب او التوييو بالطول المرغوب و نعمل علامات نسخن مسمار على النار و نثقب مكان تثبيت الانبوب و الطول الانبوب لازم يكون بارتفاع البسينة و زيادة من الفوق باش هكدا تثبت مليح و تستحمل الوزن .....
ابداي بسباتول او عود حطي الباتيكس في الحواف الداخلية للبسينة ... و نلصق كامل وجه البسينة -سطحها بالباتيكس و نثبت فيه البونجو القاعدة نثبتها بحيت نلسق الجهة الي تبينلنا سمك البونج نتاع ارتفاع البسينة بالحهة نتاع سمك الدائرة الي قطعناها هكدا راح نتحصل على شكل مليح لبطانة الطبق معادش ذرك بسينة
نخليكم مع الصور

بالنسبة للتزيين ساهل تقدري تستعملي الساتان باللون الي تحبيه تبطنيه بالطريقة الي حبيتيها مثلا اذا كنتي تعرفي السموك اخدمي بيه او اعملي بلييات و خيطي غلاف او لسقي ورود ساتان او لفيه ساير داير بالدانتيل العريض نتاع الميترةفي شكل طبقات راح يجي هبال انتي واش تحبي
والداخل غلفيه بالساتان بالطول نتاع البسينة و ارتفاعها اما القاع نتاعها باش متتعبيش حطي الباتيكس و جيبي قماش التول و كمشيه و لسقي بنفس الطريقة الي عملتها او قصي دائرة من الساتان و لسقيها و اخفي الحافة بالساق شريط الساتان
و نفس الشيء للعروة نتاع الطبق لفي عليه شريط الساتان كيما القردون و تقدري تزينيه بالدانتيل الي يطيح على جوانبو
انتي وواش حبيتي
و تقدري تغلفيها كاملة بطريقة الكريات السحرية اذا كنتي تعرفي الطريقة
هاذا اول طبق خدمتو لاختي و كنت عملت واحد بالدوري خرج رائع
هاهي الصور

نفس تطبقيها على بيدون الزيت نتاع 5 لتر تقصيه و تزينيه بنفس التقنية و تقدري متعمليلوش عروة لكن تزينيه و تحطي فيه المشاطي نتاع السيشوار

نفس الطريقة تعمليها بعلبة سمن المدينة

هادا موديل الكريات السحرية

و هاهي مووديلات تساعدك في التزيين

جبتلك موديل التزيين بالورود الجاهزة لتزيني سلات الحلفة .... اولا تلونيها ببخاخ ذهبي او فضي يتباع عند الكانكايري و تشري ورود من عند الي يبيعو ورود البلاستيك و تزينيهم

للتوضيح اكثر هادو الصور راح يعطوكم فكرة اكثر وضوح

بالنسبة لتزيين علب الاحذية - اعزكم الله -

و بالنسبة لتزيين الصواني ... حتى الصواني القديمة

بالنسبة للكؤوس

بالنسبة لجهاز العروسة

شكرا و انتظروني قريبا في ورشة لصنع طاجين مغربي لوضع الحنة

مهدى الى الاخت دنيا و الى كل بنات منتدانا الغالي

Angel zahra · 2013-06-03, 22:12

الله يباررك شكرااااااااااا على الجهووود

عمل روعه وفيه الفايدة

LILI K · 2013-06-03, 22:28

بارك الله فيك

bessoumarchi · 2013-06-03, 22:32

macha allah machkoura 3la el majhoud

ess usmh 19 · 2013-06-03, 22:47

merci bzaf raki writina hwayedj bzaf

stayfiya · 2013-06-04, 01:03

الله الله على الفنانة نتاعنا ان مالقيتكش قلت نضرب دورة في كارطيات المنتدى بلاك نلقاك هذا راني لقي الفن و الفنون يعطيك الصحة يالفحلة والله جبتيها اييية الباسينات راهم الدنيا ههههههه نخدمو على رواحنا هههههه

amelie1 · 2013-06-04, 08:02

Merci beaucoup c ' est très joli

نادية46 · 2013-06-04, 09:39

بارك الله فيك يهبلو راني نستنا الطاجين شكرااااااااااااااااااااااااااااااااااااااااااااااا ا

arc en ciel · 2013-06-04, 12:29

بارك الله فيك على الافادة

asma-assooma · 2013-06-04, 13:00

بااااااااارك الله فيك اختي و شكرا

nadine lamara · 2013-06-04, 13:10

روعة الله يباااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااركتسلم الايادي

الدنيا · 2013-06-04, 13:23

شكرا لك اختي على الافادة جاري التطبيق

OMNIAH · 2013-06-04, 14:17

الله يبارك رووووعة

crystale49 · 2013-06-04, 15:18

44444444444444444444444444444444444444

حور2 · 2013-06-04, 17:44

السلام عليكم
يعطيك الصحة ويهنيك ربنا ممتازين