الى طلاب البيولوجي بقسنطينة وكل جامعات الجزائر هنا ملتقانا - الصفحة 2

عفاف عفة · 2014-09-16, 21:47

اقتباس:

المشاركة الأصلية كتبت بواسطة ritadj ratoudja

slm c chahrazed de medea hàd lam jebt lbàc b 11.88 w3tàwni biologie

السلام عليكم ..اهلين الاخت شهرزاد .....الله يبارك ...مرحبا بك معنا .....*_* في أمان الله ...

ليلة سعيدة☆★☆★☆★☆★☆★☆★☆★

عفاف عفة · 2014-09-16, 21:52

اقتباس:

المشاركة الأصلية كتبت بواسطة yorus

السلام عليكم ورحمة الله
أنا طالب سنة ثانية بيولوجيا يسعدني أن أكون ضمن
المجموعة

السلام عليكم ...
اهلين الاخ .....يسعدنا اكثر إنضمامك لنا .....كيفش كانت السنة الاولى بيولوجي (كانت ساهلة ولا صعيبة ولا موايان ) ....قالولي بللي بيولوجي صعيبة ..وواحد يقول بيولوجي مافيها والو يعني ساهلة ......المهم في أمان الله

عفاف عفة · 2014-09-16, 21:57

اقتباس:

المشاركة الأصلية كتبت بواسطة samira 1993

انا سنة 3 بيولوجيا

السلام عليكم ...
اهلين الاخت سميرة .....اهلا بيك معانا ....إن شاء الله تقوليلنا كيفش كانت السنة 1+2 بيولوجي يعني مافيهاش ديقوتاج ....المهم وش عطاولك في الطروازيام آني ....ختي عطاولها إيكولوجي مي ماعلاباليش وش يقراو فيها هههههههها .....في أمان الله ......ليلة سعيدة

super girl 15 · 2014-09-18, 16:23

يا جماعة اعصابي راح تنفذ راني نعاني
انا راح نحكيلكم حكايتي وانتم ساعدوني
انا كنت من التلاميذ الممتازين والمتصدرين دائما
معدلاتي بين 16 17 و 18
في حياتي كلها عمرت مخممت في اي حاجة غير قرايتي
وفي عام الباك قريت الليل مع النهار
قريت لي كور على 6 تاع الصباح ونروح على 10 تاع الليل
ونعاود في الدار ونحل ونحمل سلاسل
وفي الاخير صدمتني نتيجة الباك بمعدل 12.23
كانت كارثة عظمى حلت فوق راسي
لم اكن الوحيدة التي صرالها هاذ الشي كل لي كانو ينافسوني صرالهم كيفي وبلاك كثر وهذا الشي ساعدني على تقبل قليلا
كتمت كلشي في نفسي وبينت بلي راني الحمد لله صابرة ونضحك رغم قلبي لي يتقطع
فقدت الامل في الحياة
قلت نصلي استخارة لما عطاولي البيولوجي سما اسك نكمل فيها والله نعاود الباك
الباك كرهتو لاني حسيت بالظلم فيه
حسيت نحاولي حقي
مكنتش ننتظر هاذ النتيجة
لو كنت ننتظرها كنت قدرت نعاود الباك بكل سهولة
لكن المشكلة مقدرتش نعاود
المهم حبيت نوصل لطموحاتي من بوابة البيولوجي واني نتوفق فيها
لكن المحيط لي راني فيه كلو يثبط المعنويات ويبينلك بلي راك كي شغل ماديتش الباك مدامك تقرا في البيولوجي ومنهم تاع الدار وروح
راح نشارك في ساج فام واذا مكانتليش بلاك نكمل في البيولوجي بلاك نعاود
غلبت من التخمام وكي مبكيتش بزااف عند النتيجة ولالي هم
حملت نفسي فوق طاقتها حتى وليت نبكي في كل دقيقة
مقدرتش نتاقلم مع جامعة قسنطينة بالتحديد حاشاكم كلهم ناقصين تربية
راني خايفة بزااااف
ملقيتش محفزات تدفعني باش نقرا ونغامر
ماني متقبلة والو
ولي علابالي بيه لازم نقرر وراح الحال
حنهبل
ساعات نفكر ننتحر ونتهنى ومن بعدها نستغفر ربي ونقول انا شيماء مؤمنة متفكرش في هاذ الامور
حاسة بضيق كبير مانيش راح نخرج منو
مهما نقلكم منقدرش نوصفلكم الحالة لي راني عايشتها
والمشكلة اني منحكيش نكتم ونسكت
اي واحد يشوفني نضحك يحطني راني بخير
والحقيقة الهم كلو في قلبي مكتوم
مانيش عارفة الدوامة لي راني فيها وين راح تخلص
كرهت حياتي
كرهت
كرهت
كرهت

اريج الاخلاق · 2014-09-18, 19:03

سلام اختي شيماء انا بسمة من واد سوف سنة اولى بيولوجي حبيت نوقف معاك ونقلك انو حتى انا كيفك تظلمت بالصح هذا مكتوب ربي واكيد فيه الخير على هكا لازم نحمدوه ونشكروه ماتدريش ممكن تكملي الماستر والدكتورا وتعودي دكتورة فالبيولوجي او استاذة جامعية على هكا لازم تكوني متأملة وصبورة وترضي بلي عطاهولك ربي انا كنت ندي 15 و14 بالصح اديت الباك ب11 واش ندير كنت حابة نقرا فرنسية لكن ماقدرليش ربي للاسف بالصح من باعد اقتنعت انو الخير في لي عطاهولي ربي

على هكا ماتجهليش اختي وزيد الله غالب مجتمعنا والبيئة لي نعيشوا فيها غير يفشلوا ويطيحوا المورال انا جاني وحد الوقت قلت نبطل ومانروحش للجامعة ذات وايامات وانا حزينة وفكرت بجدية فالموضوع بالصح يوم 14/09 كي رحت للجامعة ودخلت لقيت استاذة بيولوجيا الخلية تشرح تبدت نظرتي كليا وحمدت ربي انهم عطاوني بيولوجيا لانها بالفعل تخصص رائع ومشوق وبالعكس فيه مجالات عديدة للخدمة والحمدلله ياربي
اوعديني انك ترضي بمكتوب ربي وتقري بكل ثقة واحترام للتخصص وماتبعي كلام حتى واحد على انها تخصص بشع بالعكس هي تخصص نبيل ومحترم مع العلم انو يبقى خير من تخصص الادب العربي ههه نضحكك شوي معايا كي رحت باش ندير ترنسفار فالجامعة قالي المعدل مايلحقشي هيا نبدلك ادب عربي خير هههههه قتله دبر على روحك هزيت وراقي وهربت ههههه
المهم اسمحيلي شيماء طولت عليك بالهدرة بالصح ريحتلك وراكي اختي واكثرربي يوفقنا كامل ونكونوا من الممتزات ان شاااااااااااااااااااااااء الله واذا تحبي افتحي موضوع فقسم البنات ونتلاقوا فيه دااااااااااااااااااايما بحول الله لانو ماعنديش فايس لاني مانحبوش وفيه مشاكل عديدة
تهلي فروحك واقري مليح وشرفي نفسك واثبتي لكل الناس انك قادرة على تحقيق طموحك فاي تخصص كان
صح عشاك وليلتك سعييييييييييييييييييييييييدة

اريج الاخلاق · 2014-09-18, 19:30

شيماء زعمى رايحة نبعثلك هالكلام فرسالة لكن ماقدرتش لانها طويلة المهم تهلي فروحك مليح

فريال العلمية · 2014-09-18, 22:07

يااختي شيماء انا فريال تاني رح نقرا بيولوجي بعد ما كان حلمي المدرسة العليا استاذة علوم راهو قلبي يتقطع ملي جبت الباك بمعدل كارتي و حلم حياتي تبخر
مي الحمد لله رح نعاود الباك ان شاء الله و كيما يقولو بالاك فيها خير
ربي معانا و لا ربي كتبلنا نقراه بيولوجي لازم نجتاهدو فيها و نكونو من الاوائل بالاك ربي راهو كاتبلنا ما خير من الطب و التدريس ما تدري

super girl 15 · 2014-09-19, 11:29

شكرا اختي بسمة رفعتي من معنوياتني
انا الان احسن ان شاء الله راح نكون قد المسؤولية
اوكي ان شاء الله راح نفتحو دردشة ونحكيو مليح
ومشكورة اختي فريال
بالتوفيق ليك ان شاء الله ربي يوفقكم ويوصلكم للي راكم باغينو
بالتوفيق للجميع

super girl 15 · 2014-09-19, 11:30

شكرا اختي بسمة رفعتي من معنوياتني
انا الان احسن ان شاء الله راح نكون قد المسؤولية
اوكي ان شاء الله راح نفتحو دردشة ونحكيو مليح
ومشكورة اختي فريال
بالتوفيق ليك ان شاء الله ربي يوفقكم ويوصلكم للي راكم باغينو
بالتوفيق للجميع

اريج الاخلاق · 2014-09-19, 12:32

linalou · 2014-09-19, 12:59

اقتباس:

المشاركة الأصلية كتبت بواسطة super girl 15

يا جماعة اعصابي راح تنفذ راني نعاني
انا راح نحكيلكم حكايتي وانتم ساعدوني
انا كنت من التلاميذ الممتازين والمتصدرين دائما
معدلاتي بين 16 17 و 18
في حياتي كلها عمرت مخممت في اي حاجة غير قرايتي
وفي عام الباك قريت الليل مع النهار
قريت لي كور على 6 تاع الصباح ونروح على 10 تاع الليل
ونعاود في الدار ونحل ونحمل سلاسل
وفي الاخير صدمتني نتيجة الباك بمعدل 12.23
كانت كارثة عظمى حلت فوق راسي
لم اكن الوحيدة التي صرالها هاذ الشي كل لي كانو ينافسوني صرالهم كيفي وبلاك كثر وهذا الشي ساعدني على تقبل قليلا
كتمت كلشي في نفسي وبينت بلي راني الحمد لله صابرة ونضحك رغم قلبي لي يتقطع
فقدت الامل في الحياة
قلت نصلي استخارة لما عطاولي البيولوجي سما اسك نكمل فيها والله نعاود الباك
الباك كرهتو لاني حسيت بالظلم فيه
حسيت نحاولي حقي
مكنتش ننتظر هاذ النتيجة
لو كنت ننتظرها كنت قدرت نعاود الباك بكل سهولة
لكن المشكلة مقدرتش نعاود
المهم حبيت نوصل لطموحاتي من بوابة البيولوجي واني نتوفق فيها
لكن المحيط لي راني فيه كلو يثبط المعنويات ويبينلك بلي راك كي شغل ماديتش الباك مدامك تقرا في البيولوجي ومنهم تاع الدار وروح
راح نشارك في ساج فام واذا مكانتليش بلاك نكمل في البيولوجي بلاك نعاود
غلبت من التخمام وكي مبكيتش بزااف عند النتيجة ولالي هم
حملت نفسي فوق طاقتها حتى وليت نبكي في كل دقيقة
مقدرتش نتاقلم مع جامعة قسنطينة بالتحديد حاشاكم كلهم ناقصين تربية
راني خايفة بزااااف
ملقيتش محفزات تدفعني باش نقرا ونغامر
ماني متقبلة والو
ولي علابالي بيه لازم نقرر وراح الحال
حنهبل
ساعات نفكر ننتحر ونتهنى ومن بعدها نستغفر ربي ونقول انا شيماء مؤمنة متفكرش في هاذ الامور
حاسة بضيق كبير مانيش راح نخرج منو
مهما نقلكم منقدرش نوصفلكم الحالة لي راني عايشتها
والمشكلة اني منحكيش نكتم ونسكت
اي واحد يشوفني نضحك يحطني راني بخير
والحقيقة الهم كلو في قلبي مكتوم
مانيش عارفة الدوامة لي راني فيها وين راح تخلص
كرهت حياتي
كرهت
كرهت
كرهت

salam okhti wachbik rayha tokhorji man ra7mat rabi aw rabi chaflek lkhir felbiologie bah ta9rayha wtji anti lawla fiha wtodokhli master wdoctora w3lach raki t9al9i fi rohek kan nass kamel daret medcine wpharmacie machi 7al anti a3arfi beli lkhir fechi likhayarhoulk rabi subhanou anti man mara darti hak wach ngoulk ana kount na9ra 3adi manich momtaza mé njib 11.12 wl3am ta3i ta3 lbac 9telt rohi jebt 9.67 ya3ni 290 point khasini 2 point fel math avc coificiene 5 wnadi lbac wnormal t9abaltha wl3am tani 9rit les cours felil wnhar ktar man l3am lawel wnatija jat 9.62 kount hassba rouhi njib lbac 200% pcq felycée jebt 12 w9riiiiiit bzeeeeeeeef wnormal la3eme fois mahabitech n3awed lbac flawel wman ba3ed golt ma3lich hadi akher mara wzedt dert bac ufc aussi wmahabitech na9ra felycée wroht dart information finstitut wma9ritech khlass lelbac hata 3agabt bac ufc li kan fi 23/24 mai hassit rohi beli rah lhal w9rit semaine hadik lakhra li 9bal lbac wl7md ditou m3a ani walah matma3tech fih khlass pcq ma9ritlouch ghir dernier semaine wrabi katabhouli wditou b10.42 wma2amantech hata markit feljami3a w3tawni la caret wmeme bac ufc ditou b 10.74 wl7mdlh dork ani mdayra biologie section E fi constantine 1 whmdlh 3la koul 7al anti 3awdi lbac wa9raylou men week end lweek end wnchallah rabi ywaf9ak

super girl 15 · 2014-09-19, 15:24

شكرا اختي على المرور
انا تاني راح نبدل l section E
groupe 25
psk programme ta3ha ywalemni
ان شاء نتلاقاكي تما ونحكيو b1
مشكورة على المرور

linalou · 2014-09-20, 18:39

marhba bik okhti m3ana fi la section E ana dn le groupe 26 programme ta3na hayel

عفاف عفة · 2014-09-20, 22:38

السلام عليكم ....
توحشتكم وعلابالي توحشتوني ......اهلين الاخت شيماء وش راكي؟ ....علابالك قريت قصتك واثرت فيا بزاف ....ماتفقديش الامل قولي للي جابو ربي فيه الخبر وارضاي هكا ربي يكون معاك .....في أمان الله

عفاف عفة · 2014-09-23, 21:51

السلام عليكم .........