قاطو هايل ادوب فالفم ادا عجبكم نعطلكم الوصفة 
l
السلام عليكم اسمحولي على التأخير نصبح عليكم اليوم و نعطيلكم الوصفة بالخف قبل ما ينودو ولادي علابالكم وليت نهترف بيكم حبيباتي ، و على فكرة كسرت راس راجلي بهذا المنتدى هاهاها حتى كي يكون في الخدمة نبعتلو الصور و نقولو شوف الفن تاع بنات بلادي الحق درتولي une ambiance هايلة الله يخليكم ليا من قلبي الصافي امين
الوصفة
250 غ مارغارين en pommade
كاس سكر غلاس
مغرفة صغيرة عسل
صفاري بيضتين
مغرفة صغيرة بيكاربونات
6 مغارف كبار مازينة
باكي تاع خميرة الخلوى
خلطي المارغارين مع السكر ثم زيدي صفار البيضتين ثم الباقي ثم لمي بالفرينة جيك عجينة طرية شوية كيما تاع الصابلي بصاح شوية اصعب خليها ترتاح بعدها اقسميها على 2
حلي العجينة الاولى او حطيها في سنيوة اتقبيها بالفرشيطة ثمم دريلها المعجون من اختيارك المهم ديري كمية لاباس بها باش جي بنينة
ثم حلي العجينة الثانية فوق ورق زبدة ثم رميها بحذر فوق الاولى هذه الخطوة شوية واعرة مي لازم شوية صبر، حتى لوكتن تراطي شوية تقدري ترقعي بعجينة الي ما تغطالكش لانو في الاخير تتغطى و تقبيها بالفرشيطة
دخليها للفرن طيب مالفوق و التحت كي تبرد ديريلها غلاساش شوكولا
و زينيها كيما حبيتي بللوز ايفيلي و لا بغلاساش ابيض على شكل خطوط المهم لا اشك في ذوقكن في التزيين
انا قسمتها غد من داك يعني خليتها باتت لان هاد لعجينة تتفتت ادا قسمتيها تم تم
فكرة
انا قطعت بالمول كاري لمبرج و كاين حبات بالمول لمدور بصح هاد الاخير تخسري معاه بزاف افضل الا عندك صبر تقطعي مورسوات بالمول كاري مربع يعني ايجي تحفة و تغيير في نفس الوقت و الله لي داقها عندي عجباتو بزاف و لكن الخط في التجربة و الحكم تحياتي لكن حبيباتي
( تقرير عن مشاركة سيئة )، و الموجودة أسفل كل مشاركة .
2014-06-25, 23:10
Mille feuille russe
العرض العادي
