|
قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
|
أدوات الموضوع | انواع عرض الموضوع |
2015-11-12, 14:06 | رقم المشاركة : 1 | ||||
|
واش رايكم
السلام عليكم ورحمة الله تعالى وبركاته
اليوم بالصدفة تلاقيت صاحبتي الانتيم ل5 سنين واحنا كفكيف لقيتها تزوجت وراهي بالحمل و الله تشوكيت راني نقول انتيم صح في الاونة الاخيرة ماكناش نتلقاو كنت انا لنبادلر نعيط و مرة نقولها نخرجو مي هي لالا قلت اعليش كل واحد وظروفه تخيلو مي با رفعت الهاتف وقالتلي راكي معروضة للعرس مع انها قالتلي انتي اللولة وزيد تقولهالي وانا اصلا ظروفي ماتسمحليس نخرج في الليل مالا انا كيشفتها اليو قلتلها كلشي مروك ماردتليش مباشرة قلتلي ونتي ماكان والو قلتلها والو قالتلي مازلكي صغيرة حتى انها ماحولتش تقولي نسيت ولا اي حاجة والله ماني حسودة مي حسستني باني هكدك عيني تعمرو بالدموع وكي جات رايحة واش قالتلي متانساس عيطيلي شغل هي ماعنهاش باش تعيط هدا غير مثال راني دايما نتشوكا في العباد مع اني والله معاملتي طيبة مع الغاشي مرات نحس روحي جايحة علاش يتعاملو هكدا صحابتك وحدة تلقاك في الطريق تبدل عينها وحدة ماترفدش عليك البورطابلوحدة تضحكلك في وجهك وتقول فيك في غيابك وكل وحدة كيفاش لدرجة اني وليت نحس روحي مكروهة بين الناس وبعض الاحيان نتمنى باش تكون عندي صاحبتي لنقدر نحكي معاها كلش رجعت للدار هابطلي المورال و ضايقة فيا علابالي الشكوة الى الله لكن ماباليد حيلة ربي اشرح لي صدري و يسر لي امري واحلل عقدة من لساني يفقه قولي
|
||||
2015-11-12, 14:41 | رقم المشاركة : 2 | |||
|
حنونة ماتتشوكايش مازلت تشوفي في الدنيا هذا ماكان والو ماديريش في بالك كاين ناس مايحبوش يهدرو تبانلهم بللي يحسدوهم و يغيرو منهم و نقولك حاجة اللي بدلك بالفول بدلو بقشورو. |
|||
2015-11-12, 14:57 | رقم المشاركة : 3 | |||
|
يااااه |
|||
2015-11-12, 15:10 | رقم المشاركة : 4 | |||
|
توخدي رايي امسحي رقمها وما تزيديش تعاملي معاها نهائيا لانها بهذه التصرفات الجافية هي من ارادت خسرانك |
|||
2015-11-12, 15:49 | رقم المشاركة : 5 | |||
|
السلام عليكم ورحمة الله وبركاته |
|||
2015-11-12, 15:53 | رقم المشاركة : 6 | |||
|
وبما انك انسانة طيبة ماشاءالله عليك استغلي هاد الفرصة القيمة باش تمثلي الاسلام احسن تمثيل وهذا شرف ليك اليس كذلك؟وانشاء الله ربي يلاقيك خير بالناس الطيبين بارك الله فيك |
|||
2015-11-12, 15:56 | رقم المشاركة : 7 | |||
|
هاذو هوما الصحابات نتاع وقتنا هاذا تحكيلها سرك من غدوة تعايرك بيه متقلقي روحك متعمري راسك بيها....،صاحبتك هي امك و اختك و الباقي مكان والو متزيديش تعيطيلها هكا تتهناي |
|||
2015-11-12, 16:03 | رقم المشاركة : 8 | |||
|
ما تشوكاي ما والو مع الوقت توالفي حنا رانا تقهمنا من هاد المواضيع انا كاين اخبار سمعتهم من الفيسبوك و ان لا خبر ... قالك الا من عندي و عندك تنطبع ويلا من عندي برك تنقطع و نتي وكلي ربي و تلهاي بروحك و بوالديك و خوتك و خليك من الغاشي الراشي |
|||
2015-11-12, 16:47 | رقم المشاركة : 9 | |||
|
ديري كما انا صحاباتي كامل فتهم منحكي حتى مع وحدة دكا ابار عندي صحبتي انتيم تاع الصح تحكيلي كلش ونحكيلها كلش اما لغاشي معندي مندير بيه وزيد تربحي راحتك |
|||
2015-11-12, 17:26 | رقم المشاركة : 10 | |||
|
يا حسراه ياختي ، تعيشي وتشوفي وتسمعي كتر انا واش كانو عندي صحابات ، بكري كنت حاطة بلي نبقاو متلايمين ، بصح دنيا غرارة ، ولعباد تتبدل فيسع ،، ليوم معاك يضحكولك غدوة يهدرو فيك ، ونتي ﻻخبر ، ليوم واش خلاني وحدي من زوجي واوﻻدي ، معندي حد ، ساعات نقول انا لي صافابا وساعات نقول نعمة من عند ربي ، منمنشر في حد منربح عيب حد ، طيشي عليك ، حنونة متمرضي روجك ، لي باعك بيعيه ، من والديك وخواتاتك وخوتك ، متندمي على فراق حد ، |
|||
2015-11-12, 20:19 | رقم المشاركة : 11 | |||
|
شوفي لي قالوه كااامل راهو هو الصح |
|||
2015-11-12, 20:27 | رقم المشاركة : 12 | |||
|
السلام عليكم ......اعطيك نصيحة لا تحكمي على صديقتك صارحيها اولا فربما لها أسباب ....تذكري قصة الخضر و النبي موسى عليهما السلام . |
|||
2015-11-12, 22:05 | رقم المشاركة : 13 | |||
|
السلام عليكم |
|||
2015-11-13, 21:34 | رقم المشاركة : 14 | |||
|
يبدو بانك لحد الان لم تجدي صديقة بمعنى الكلمة |
|||
2015-11-15, 19:47 | رقم المشاركة : 15 | |||
|
من أقوال الشافعي في الصديق:إِ ذا المَرءُ لا يَرعاكَ إِلّا تَكَلُّفاً فَدَعهُ وَلا تُكثِر عَلَيهِ التَأَسُّفا
فَفِي النَّاسِ أبْدَالٌ وَفي التَّرْكِ رَاحة ٌ وفي القلبِ صبرٌ للحبيب ولو جفا فَمَا كُلُّ مَنْ تَهْوَاهُ يَهْوَاكَ قلبهُ وَلا كلُّ مَنْ صَافَيْتَه لَكَ قَدْ صَفَا إذا لم يكن صفو الوداد طبيعة ً فلا خيرَ في ودٍ يجيءُ تكلُّفا ولا خيرَ في خلٍّ يخونُ خليلهُ ويلقاهُ من بعدِ المودَّة ِ بالجفا وَيُنْكِرُ عَيْشاً قَدْ تَقَادَمَ عَهْدُهُ وَيُظْهِرُ سِرًّا كان بِالأَمْسِ قَدْ خَفَا سَلامٌ عَلَى الدُّنْيَا إذا لَمْ يَكُنْ بِهَا صديق صدوق صادق الوعد منصفا |
|||
الكلمات الدلالية (Tags) |
رايكم |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc