شكون راح يجاوبني ربي يحفظكم نوروني

[مشكلتي]

السلام عليكم جميعا
خاوتي محتاجة راي الرجال خاصة و كل من عندو خبرة
قبل 5 سنوات كنت مخطوبة لشخص ربطتني بيه عاطفة اكثر من قاوية و احساس فوق الوصف
لكنو كان متقلب لدرجة انو قريب هبلني و صبرت معاه
لن في يوم اتصل بي و عرفت انو لحظتها شـارب خمر تصدمت لكن قلت بالاك صح مرة واحدة و تبعت العاطفة و وقفت معاه و حاولت نغيروا
كان متقلب لدرجة لا توصف اليوم يقول يرحم والديك على اسلوبك معايا غدوة يقلي ما راكي دايرة والو على جالي و راكي مهملة ليا من بعدها يقلي ما تلوميش
ربي وحدو لي يعلم شحال صبرت معاه و فــوتت
في الاخير فشلنا و كانت النتيجة الانفصال

5 سنين ما نسيتوش و لا هو

رجـع هاد لـيامات و صارحني قتلو راك كنت غريب معايا و ما فهمتش علاه في لحظة غضب قالي راك ما وقفتيش معايا و ما صبرتيش صارحتو باللي شفتو من جهتو قبل و فوتت و ما لمتش و صبرت و لي راه كان متقلب و مزاجي و عذبني

بغضب قالي : اذا حابة الصح اللي قدامك عندو مدة طويلة عوام يشرب الكيف و الخمر و كان خارج على الطريق ؟؟؟؟

انا تأكدت انو الخمر ماكانش مرة واحدة نهار عيطلي مي الكيف ؟؟؟؟؟؟؟؟؟؟؟؟

هو اليوم يقول توقف على كلشي و تاب مـــي
ساعات يقلي ساعفـيـني راه عنـدي الأعـصاب
و مرة دخل للصيدلية و قالي لحظة برك راح نشري الدواء على اساس مريش بالليـنار على قولو

يا خاوتي هو يطلب فرصة للرجوع و البداية من جديد

مي خايفة حكاية الاعصاب هادي تكون مازال يتعاطى مخذرات او فقط لأنو نـحاها نـوروني و الله ما نفهم والو في هاد الامور
زعما بطل علابيها مرض بالاعصاب أو مازال ؟؟؟

الحاجة الاخرى باه نسألو عليه هو في العسكر يعني عايش بعيد واحد ما عرف حياته

و قالولي محال لي مريض بالاعصاب يخليوه في العسكر الا اذا يعالج عند الخواص فقط ؟؟؟؟

و الا زعما كي راه عامو الاخير في العسكر ما فاقولوش و الا ؟؟؟؟؟؟

مانيش حابة نظلموا و ما نيش حابة نظلمو روحي

خاوتي جاوبوني الرجال اكيد يفهمو خير مني
و البنات اللي يعرفو هكذا حالات

حكاية مرضو بالاعصاب واش ممكن تكون ؟؟؟؟؟؟؟؟؟؟؟

و اللي يتعاطى اكثر من 10 سنوات قادر يبطل هكذا ؟؟؟

و الكيف هل هو نوع من المخذرات و الا واش ؟؟؟؟

ما تقولوش واش بيها هبلت و حابة ترمي روحها و الله ما حابة نظلمو مي خايفة نصدقو يطلع يكذب
خاصة مرضو بالاعصاب حاسة فيها لبس

جاوبوني ربي يحفظكم

[naamane3]

استخيري ثم استخيري ثم استخيري
هذا ما نقدر نقولك

[flash_122]

rebbi yahdik okhti, ida 7ebbiti 7ebbi rajel sa7 machi wa7ed tkhafih men redwa ydour 3lik
khemmi 3la rou7ek ya 7ennouna, wellah ezzwaj s3iib wenti raki 7abbi tzidi lhemm lrou7ek

[sofix206]

الكيف هو الزطلة وهو مخدر للأعصاب و بعد عشر سنين من التعاطي بيان سور كي يحبس منهم يحكموه الأعصاب حتى اللي يدخن عشر سنين و يبطل التدخين يجوه الأعصاب بصح ماشي كيما الكيف ... على كل الحال السيد هدا ادا تاب صح راه يبان في وجهو بلي صح بطل مع أنو فيها الريسك لأنو كاين لي يبطل 5 سنين و في أول مشكلة أو زعفة يعاود يولي لنفس الطريق لذلك ديري صلاة استخارة وتبعي واش يحبلك ربي ماتبعيش قلبك

[كم اكرهك]

أخيط

إذا أتاكم من ترضون دينه

هل هذا صاحب دين أخطيك

[عبدالقادر222]

اذا اتاكم من ترضون دينه وخلقه فزوجوه

وهل الخمر والكيف من التدين والخلق

صحيح ان المرأة تسبقها عواطفها لكن

لا نريد منك ان تكتبي في الستقبل موضوعا باسم "يا ليتني ما تزوجت مدمنا"

[مريم العدراء]

لا توجد مغامرة في الزواج ابتعدي عنه اختي هناك من يتزوجون بأشخاص يعرفون صلاحهم ثم ينصدمون بهم بعد الزواج
كيف وانت تعرفين انه كان في طريق الخمر والكيف هل هذا عادي بالنسبة لك؟؟؟
لا تغامري اختي بحياتك لا تقولين تاب ومن بعد ربي يسهلو لكن زواج من شخص يقول عن نفسه انه كان في هذا الطريق لسنيين صعب
ثم كيف تتكلمين و تتعاملين معه حبيبتي انجي بنفسك قبل فوات الاوان

[Napia]

أختي حسب رأيي أخطيك منه
بعد الإدمان راح يسبب مشاكل كثيرة وكبيرة أنت في غنى عنها

[wafwaf8471]

ana ngolik lbabe li yjike mino lrih ssido w astarihe ansayih a khtik mino w mine machaklo wli fih lkhire yjibo rabi

[حميد.ص]

عندك2 حلول :

1- يا اما تنفصلوا و كل واحد يشوف حياتوا

2- يا اما تتزوجو و تكملو حياتكم مع بعض

- قضية الكيف فممكن الانسان يبطلو بشكل عادي فهو نوع من المخدرات اقل تاثيرا من المخدرات الاخرى مثل الكاشيات و الكوكاين مثلا التي تتطلب اشراف طبي مكثف لكي يتخلص الانسان منها و لا توفرها سوى مراكز مكافحة الادمان في المستشفيات العمومية.

- قضية الخمر ايضا ممكن الانسان يتوقف عن تعاطيه كاين بزاف رجال يتوقفو عن هاذ الشي بعد الزواج


انا نعطيك نصيحة انتي راكي خطيبته حاولي تعرفي ما يلي:

- ما هي درجة تاثير الادمان فيه ( مدمن من الدرجة الاولى - الثانية -....الخ)
- ما هي الاخلاق الاخرى التي يتصف بها هل هو صادق مثلا ثم وازني بين اخلاقه و الامور الي مش مليحة فيه
- تاكدي من مرض الاعصاب الي عندو اقنعيه بالذهاب الى طبيب مختص في الاعصاب و اعرفي ما هي طبيعة المشكل تاعو

في الاخير هاذي حياتك و القرار يرجع اليكي

[كلنا راحلون]

السلام عليكم 5سنوات ولم يقرر بعد الزواج فمعنى واضح
ادمان مخدرات كيف يمكن اختبار مدمن من تخلصه في شهر رمضان ادا كان يتخلص منه ف ب امكانه تخلص منه مدى حياة قصدي الكيف او زطلة اما كوكايين او هرويين فعالم جنون كلام لا نقاش فيه ادا يشرب كاشيات روش فهاد تهور منه ومنك اوضح اكثر من يدمنون على كيف في حياتهم هادئون اكثر ولديهم عقليتان مرة صاحي مرة مخدر اما من يتعاطو كوكاكيين وهيروين واقراص خاصة روش هاد نوع صعب تعامل معهم
الخمر ادا كان مدمن عليه يوميا ف احذري عند الزواج يكون غائب عقله ويرمي تلك الكلمة معروفة
انت تغامرين بحياتك الدليل 5سنوات فقرري وقرار بيدك
سلام

[مصطفى القسنطيني]

ننصحك متبعيش عاطفتك مناه مش رايحة تديك لبعيد

[مصطفى القسنطيني]

كاين بزاف الرجال وتقدري تلقاي اللي خير عليه

[بنت لبحر]

يا اختي ربي يكون في عونك المشكل هدا كبير و متقدريش تدي القرار من اراء تاعنا ممكن تندمي

استخيري ربي هو وحدو القادر لي يفتحلك البيبان و ينورلك طريقك

ربي معاك

[السي محمد]

بعّدي الهم يبعّدك

طلبتي نصيحة الرجال اسمعي لكلام الرجال